Tanzania imefutilia mbali usajili wa meli kadhaa za Korea Kaskazini kwa kupeperusha bendera za taifa hilo kinyume na sheria.
Taifa la Tanzania limefutilia mbali usajili wa meli kadhaa za Korea Kaskazini kwa kupeperusha bendera za taifa hilo kinyume na sheria.
Waziri wa maswala ya kigeni wa Tanzania Augustine Mahiga aliambia BBC kwamba meli hizo zilionekana hivi karibuni katika bahari hindi eneo ambalo halipo mbali na Tanzania.
Hatahivyo hakutoa idadi kamili ya meli hizo.
''Meli za Korea Kaskazini zilipigwa marufuku na Umoja wa Mataifa na hazikuruhusiwa kusafiri ama hata kutia nanga'',alisema Mahiga.
''Kwa hivyo meli hizi zimekuwa zikijaribu kutafuta njia kukiuka vikwazo hivyo ili kuweza kuendelea na biashara zao,na mbinu moja ni kupeperusha bendera za mataifa tofauti''.
Waziri huyo amesema kuwa malalamishi yametumwa katika serikali ya Korea Kaskazini wakilaumu biashara hiyo ya ujanja.
''Shirika la kimataifa la maswala ya baharini pia limeelezewa ili kuwakamata wamiliki wa meli hizo'',aliongezea Mahiga.
Mwaka 2016, Tanzania ilifutilia mbali usajili wa meli kadhaa za Korea Kaskazini kwa kupeperusha bendera za taifa hilo kinyume na sheria
Maafisa wa Ugiriki wanaoshika doria baharini wamesema wanaizuilia meli iliyokuwa inapeperusha bendera ya Tanzania ambayo ilikuwa imebeba vilipuzi.
Meli hiyo inadaiwa kusafirisha vilipuzi hivyo kutoka Uturuki kwenda Libya, kinyume na marufuku iliyowekwa ya kutosafirisha silaha kwenda Libya.
Maafisa wanasema meli hiyo ilikuwa imebeba kreti 29 zilizojaa vilipuzi pamoja na kemikali zinazotumiwa kuunda vilipuzi ikiwemo.
"Maafisa wa kushika doria baharini wamezima bomu lililokuwa linasafiri," afisa mkuu wa walinzi hao wa Ugiriki Yiannis Sotiriou aliwaambia wanahabari, kwa mujibu wa shirika la habari la serikali ANA.
Wizara ya Safari za Baharini ilisema meli hiyo ilisimamishwa ikiwa katika kisiwa cha Crete kusini mwa Ugiriki wikendi baada ya maafisa kupashwa habari na mdokezi.
Ilisindikizwa hadi katika bandari moja kisiwa hicho cha Crete na kufanyiwa ukaguzi.
Sotiriou alisema meli hiyo ambayo ilinaswa Jumamosi ilikuwa pia na kasoro nyingi na haikufaa kuwa baharini.
"Ingesababisha madhara makubwa sana kwa watu na mazingira pia," amenukuliwa na AFP.
Nahodha wa meli hiyo kwa jina Andromeda alidai ilikuwa inasafiri kuelekea Djibouti lakini baadaye ikabainika kwamba ilikuwa inasafiri kuelekea mji wa bandarini wa Misrata nchini Libya.
Shirika la AFP linasema mabaharia hao wanane waliokuwa kwenye meli hiyo watafikishwa mbele ya mwendesha mashtaka leo.
Watano kati ya mabaharia hao ni raia wa India, wawili wa Ukraine na mmoja wa Albania.
Jinsi muziki unavyotumiwa kuongeza mazao ya nguruwe Rwanda
Mfugaji mmoja wa nguruwe kaskazini mwa Rwanda amepata siri ya aina yake kuwafanya nguruwe anaofuga kuongeza uzalishaji.
Siri hiyo ni muziki unaotumbwiza saa 24 katika mazizi yao.
Mfugaji huyo maarufu Sina Gerald anasema muziki huwasaidia nguruwe kunona, kujifungua vizuri na kutumia chakula kidogo ikilinganishwa na nguruwe wasiosikia muziki.
Mzee Theophile Hakizimana ambaye ni mpokezi ya wageni shambani anasema kuna aina mbili za nguruwe, Landras ambao ni nguruwe warefu na Large White ambao ni wafupi lakini wanono. Jinsi muziki unavyotumiwa kuongeza mazao ya nguruwe Rwanda Ana nguruwe wapatao 700 pamoja na chakula cha kawaida , nguruwe hawa hupata muziki saa 24.
"Muziki huu unasaidia nguruwe kuwa watulivu,kuwa na afya nzuri,na pengine niseme kuwa nguruwe wanatoa uzalishaji mwingi wakati wanapata muziki kama huu" anasema Hakizimana.
Anasema kwa muda mrefu wamekuwa wakiendesha utafiti kuhusu nguruwe na uzalishaji wao kwa ujumla
Kuna pia faida kubwa kwa mfugaji kwa sababu Nguruwe wakipata muziki kama hivi wanakula chakula kidogo sana ukilinganisha na nguruwe ambao wanakula bila kusikia muziki. Jinsi muziki unavyotumiwa kuongeza mazao ya nguruwe Rwanda "Hapa nalinganisha na chakula tunachowapa nguruwe wengine tulionao ambao wao hawapati muziki. Hii ni kwa mjibu wa utafiti tuliofanyia nguruwe katika kituo chetu''
Ufugaji wa nguruwe umeshika kasi nchini Rwanda kutokana na faida yake ya haraka kibiashara.
Nyama ya nguruwe ndiyo ghali kuliko nyama nyingine sokoni. Kilo moja ikiwa ni franga si chini ya elfu 4 za Rwanda kama dolla 5.
Kitoweo cha nguruwe ni miongoni mwa vitoweo vyenye mvuto wa hali ya juu kwenye vilabu vya pombe katika majiiji ya Kigali na Kampala kikifahamika kwa jina maarufu ''Akabenz''
Buibui huyo anaaminika kuwa buibui mkubwa aina ya 'wolf spider'
Mwanamume mmoja katika mji wa Redding kaskazini mwa California, Marekani anadaiwa kuchoma moto nyumba akijaribu kumuua buibui.
Kisa hicho kilitokea Jumapili kwa mujibu wa vyombo vya habari Marekani.
Mmoja wa walioshuhudia, ambaye alikuwa anaishi katika nyumba hiyo kubwa ya makazi, ameambia gazeti moja California kwamba buibui huyo huenda alichangia kueneza moto huo chumbani, akikimbia akiwa anaungua.
Haijabanika iwapo buibui huyo alinusurika.
Hakuna mtu yeyote aliyejeruhiwa, lakini wakazi wa jumba hilo walioondolewa salama.
Afisa wa idara ya zimamoto eneo hilo Gerry Gray ameambia BBC ni kwenye kwamba moto ulizuka katika jumba hilo lakini akasema chanzo cha moto huo bado kinachunguzwa.
"Taarifa kuhusu 'buibui' zilitolewa na raia walioshuhudia, waliokuwa eneo la tukio, na bila shaka zinatumiwa katika uchunguzi.
Buibui huyo alikuwa aina ya 'wolf spider' ambao ni buibui wakubwa.
Idara ya zima moto imeambia gazeti la Redding Record Searchlight kwamba dalili zinaonesha moto huo uliwashwa na mwenye nyumba.
Redding, eneo ambalo kisa hicho kilitokea, ni mji ulio maili 162 (261km) kaskazini Sacramento.
Walioshuhudia wanasema buibui huyo alieneza moto alipokimbia na kujificha kwenye mto.
Mto huo ulishika moto na moto huo, na ingawa wakazi waliweza kuuzima hapo, ulikuwa tayari umeenea maeneo mengine ya jumba hilo.
Maafisa wanasema moto huo ulisababisha uharibifu wa takriban $11,000 (£8,000) na baadhi ya vyumba vya jumba hilo vitahitaji kukarabatiwa kabla ya watu kuishi huko tena.
Hiyo ni hasara ya kuogopa vitu hata kama havina madhara ambayo kwa kiingereza huitwa "phobia" ambapo watu huogopa hata chura, kinyonga, jongoo nk
Meli inayoteketea baharini iko katika hatari ya kulipuka na kuzama
Kuna hofu kubwa ya kutokea janga la kimazingira Kusini mwa bahari ya China wakati meli ya kubeba mafuta inazidi kufuja siki mbili baada ya kugongana na meli nyingine ya mizigo.
Maafisa nchini China wameviambia vyombo vuya habari kuwa meli hiyo iko kwenye hatari ya kulipuka na kuzama.
Wakoaji wanaojaribu kufika eneo hilo wanazuiwa na moshi mkubwa.
Wahuhudumu 30 raia wa Irana na 2 wa Bangladesh bado hawajulikani waliko licha ya jitihada za kimataifa kuwaokoa.
Kiwango cha uchafuzi wa mazingira bado hakijulikani. Chombo hicho bado kilikuwa kinateketea leo Jumatatu.
Licha ya kuwa na usajili wa Panama meli hiyo inamilikiwa na kampuni ya Iran.
Sanchi ilikuwa imebeba tani 136,000 za mafuta ya Iran wakati iligongana na meli ya mizigo ya China Jumamosi usiku.
Wahudumu 21 wa meli ya mizigo ya China waliokolewa.
Wahudumu 30 raia wa Irana na 2 wa Bangladesh bado hawajulikani waliko licha ya jitihada za kimataifa kuwaokoa. Watu wanaoshughulikia mazingara mnasemaje?
Tatizo la kunyonyoka kwa nywele na kuwa na kipara limekuwa likiwatatiza wanaume wengi kwa muda.
Shida hii mara nyingi huanza wanaume wakiwa wana miaka 30 hivi, na kufikia umri wa miaka 50 ambapo nusu ya wanaume huwa wanakabiliwa na tatizo hili.
Tatizo hili hutokana na vinyweleo vya nywele, ambavyo huwa kina cha ukuaji wa nywele, kunywea. Shughuli hii huendelea pole pole kwa muda mrefu.
Kuna wengi wanaodai kuwa na tiba ya tatizo hili, baadhi wakitumia dawa za kisasa na wengine za kiasili lakini ufanisi wake huwa tofauti.
Ni njia gani hufanikiwa?
Kwa mujibu wa Idara ya Taifa ya Afya Uingereza (NHS) kupandikizwa kwa nywele ni moja ya njia zinazofanikiwa sana.
Lakini gharama yake huwa ya juu mno.
Kupandikizwa nywele kunaweza kugharimu kuanzia £1000 hadi £30,000 [sawa na shilingi za kitanzania milioni 3 hadi 90].
Wakati mwingine, daktari wako anaweza kupendekeza utumie dawa yenye kiungo fulani ambacho hujulikana kama Finasteride. Kiungo hiki hubadilisha viwango vya homoni fulani zinazodhibiti mfumo wa uzazi katika binadamu.
Utafiti unadokeza kwamba tiba hii inaweza kusisimua ukuaji wa nywele tena katika theluthi mbili ya wanaume wenye upara.
Dawa nyingine kwa jina Minoxidil iligunduliwa kibahati miaka ya 1950 watafiti waliokuwa wanatafuta tiba ya shinikizo la damu. Inaaminika kwamba hufanya kazi kwa kwa kuongeza mtiririko wa damu kwenye ngozi ya kichwa maeneo yenye nywele na kufungua vinyweleo vya nywele.
Ikitumiwa vyema, inaweza kufanikiwa kwa asilimia 80 ya wanaoitumia, lakini huhitaji kutumiwa kwa muda mrefu.
Kutumia dawa hizi mbili kunaweza kukugharimu maelfu ya pesa kila mwaka.
Kuna ushahidi pia kwamba aina fulani ya vyakula vina uwezo wa kuzuia upara. Kuna utafiti ulioonyesha kwamba ulaji wa vyakula vyenye Omega 3 kwa wingi ulipunguza kunyonyoka kwa nywele pole pile.
Upara huhusishwa pia na upungufu wa madini ya chuma mwilini, hivyo kula mboga zenye rangi ya kijani (mfano spinachi) kunaweza pia kumfaa mtu.
Kando na kula vyakula vifaavyo, utafiti unadokeza pia kwamba kufanya mazoezi zaidi na kupunguza mfadhaiko ni mambo yanayoweza kupunguza kunyonyoka kwa nywele pia.
Mwanamume huyo alikuwa akinywa pombe hapa Copenhagen, mji mkuu wa Denmark
Mkazi mmoja wa mji
wa Oslo anajutia aliyoyafanya akiwa amelewa mkesha wa Mwaka Mpya baada
ya kugundua kwamba alikuwa anadaiwa $2,220 (£1,640) sawa na shilingi za Kitanzania milioni 5 kwa kutumia teksi.
Mwanamume
huyo wa miaka 40 hivi alikuwa amesafiri kupitia mataifa matatu, kuanzia
Copenhagen nchini Denmark, akapitia Sweden, na kisha akafika Oslo
nchini Norway. Alipofika nyumbani, aliingia ndani na hakumlipa nauli dereva wa teksi. Dereva
huyo alijipata amekwama baada ya betri ya gari lake yake kuisha chaji
akiwa nje ya nyumba ya mwanamume huyo akisubiri atoke nje na pesa
amlipe. Aliamua kuwapigia simu polisi. Kupitia Twitter, polisi wa Olso wanasema walimkuta mwanamume huyo akiwa amelala fo fo fo kitandani na kumwamsha. Alikubali kulipa pesa alizokuwa anadaiwa. Mwanamume huyo hana historia ya kutekeleza uhalifu, kwa mujibu wa runinga ya taifa ya Norway ya NRK. Safari hiyo ya kutoka Copenhagen hadi mtaa wa Abildso mjini Oslo ilikuwa ya umbali wa 600 km (maili 372). Huenda akafikiria kutumia ndege siku zijazo... Na dereva wa teksi? Gari jingine lilifika kumsaidia..
Hili ni fundisho kwa walevi kufanya maamuzi ya busara wakiwa wamelewa.
Benki Kuu ya Tanzania(BoT) imezifutia leseni ya kufanya biashara benki tano na kuziweka chini ya ufilisi.
Taarifa
iliyotolewa leo Alhamisi na BoT imezitaja benki hizo kuwa ni
Covenant
Bank For Women (Tanzania) Limited,
Efatha Bank Limited,
Njombe Community
Bank Limited,
Kagera Farmers' Cooperative Bank Limited, na
Meru Community Bank Limited.
BoT
imeeleza kuwa imefanya hivyo kwa mamlaka iliyopewa chini ya kifungu cha
56(1)(g), 56(2) (a), (b) na (d), 58(2)(i), 11(3)(c) na (j), 61(1) na
41(a) cha Sheria ya Mabenki na Taasisi za Fedha ya mwaka 2006, Benki Kuu
ya Tanzania imeamua kuzifunga; kusitisha shughuli zake zote za kibenki;
kufuta leseni zake za biashara ya kibenki; na kuziweka chini ya
ufilisi.
“Kwa
mamlaka iliyopewa chini ya kifungu Na. 41(a) cha Sheria ya Mabenki na
Taasisi za Fedha ya mwaka 2006; Benki Kuu ya Tanzania imeiteua Bodi ya
Bima ya Amana (The DEPOSIT INSURANCE BOARD) kuwa mfiiisi kuanzia tarehe
04 Januari 2018,” imeeleza taarifa hiyo.”
“Uamuzi
huu umechukuliwa baada ya Benki Kuu ya Tanzania kujiridhisha kuwa benki
hizi zina upungufu mkubwa wa mtaji kinyume na matakwa ya Sheria ya
Mabenki na Taasisi za Fedha ya mwaka 2006 na kanuni zake. Upungufu huo
wa mtaji unahatarisha usalama wa sekta ya fedha na kwamba kuendelea
kutoa huduma za kibenki kwa benki hizo kunahatarisha usalama wa amana za
wateja wake.”
Taarifa
hiyo imeeleza kuwa BoT inapenda kuuhakikishia umma kuwa itaendelea
kulinda maslahi ya wenye amana katika mabenki kwa lengo la kuleta
uhimilivu katika sekta ya fedha.
Rais Donald Trump
amemshambulia msaidizi wake wa zamani wa Ikulu ya White house Steve
Bannon,kwamba alipoteza akili zake mara tu alipopoteza ajira yake.Trump
amefikia hatua hiyo kufuatia Bannon kunukuliwa na kitabu kipya
kilichopishwa akiwa anaelezea jinsi mtoto wa rais Trump alivyokutana kwa
siri na kundi la watu kutoka Urusi ili kupanga njama za uchaguzi.
Ndani
ya kitabu hicho kilichoandikwa na mwandishi wa habari Michael
Wolff,afisa huyo wa zamani wa ikulu ya Marekani,ameelezea namna ambavyo
Donald Trump mtoto,mwanaye rais Trump alivyopewa taarifa na Urusi
zilizolenga kummaliza kisiasa Bi Hillary Clinton ili yeye aweze
kushinda.
Hata hivyo kutokana na shutuma hizo ndani ya kitabu
hicho zilizopewa uzito na afisa huyo wa zamani wa ikulu ya white
house,rais Donald Trump amesema kuwa lolote la kuweza kumuathiri yeye
binafsi na urais wake pia,bali amesisitiza kuwa amegundua kuwa ofisa
huyo hakupoteza kazi yake tu lakini alipoteza akili zake pia.
''Steve alikuwa ofisa aliyekuwa akifanya kazi kwaajili
yangu,mara baada ya mimi kuteuliwa kuwania urais baada ya kuwabwaga
wagombea wengine 17,'' amesema Trump.
Amesema pia kuwa Steve
anafanyayote hayo kwa maslahi binafsi,akifikiri kuwa suala la ushindi si
rahisi kama ilivyokuwa katika ushindi wangu,hana lolote la kuweza
kufanya kuhusiana na historia ya ushindi wetu ambao ulipatikana kwa kura
za wanawake na wanaume waliokuwa wamesahaulika.
Steve Bannon, ni
afisa wa zamani wa rais Trump nayetajwa kuwa mtu muhimu na alibuni kauli
mbiu ya rais Trump Marekani kwanza yaani America first kabla kuacha
kazi mwezi August mwaka jana.
Suvarnabhumi ni uwanja wa ndege kubwa zaidi nchini Thailand
Familia moja kutoka Zimbabwe wamefanya uwanja wa ndege mjini Bangkok kuwa makazi yao kwa karibu miezi mitatu.
Kwa
mujibu ya ofisi ya uhamiaji wa Thailand, watoto wanne wenye umri chini
ya miaka 11 na watu wazima wanne walifika jijini Bangkok mwezi wa Mei,
lakini walikataa kurudi Zimbabwe kwa misingi ya usalama wao.
Taarifa
yao iliibuka baada ya mfanyakazi wa uwanja wa ndege huo alipoweka picha
katika mtandao wa kijamii wa Facebook, akimpatia mtoto wa kike
Mwafrika, zawadi ya Krismasi.
Picha hio,ambayo imefutwa sasa,
iliambatana na ujumbe wa Kanaruj Artt Pornsopit akisema kuwa familia
hiyo ilikuwa ikiishi katika jengo hili kwa miezi mitatu kwa sababu ya
"hali ya sintofahamu" nchini mwao. Wafanyakazi wa uwanja wa ndege wamekuwa wakitoa msaada wa chakula kwa familia hio.
Msemaji wa ofisi ya uhamiaji Pol Col Cherngron
Rimphadee aliiambia BBC kuwa awali familia hiyo iliwasili nchini
Thailand kama watalii. Walijaribu kupanda ndege kutoka mjini Bangkok
mwezi Oktoba hadi mji wa Barcelona nchini Uhispania kwa kupitia Kieve
nchini Ukraine.
Lakini walikatiliwa kuingia katika ndege kwa sababu ya kukosa vibali vya kuingia Uhispania.
Pamoja
na hayo walishindwa kurudi tena na kuingia nchini Thailand sababu
kibali chao cha mwanzo cha kitalii kilichowakubalia miezi mitano
kilipitwa na wakati na ilibidi walipie faini kubwa. Familia hiyo imekataa kurudi Zimbabwe ikisema wanahofia usalama wao baada ya vurugu iliyotokea Novemba iliyomwondoa madarakani rais Mugabe aliyedumu kwa miaka 37.
Hata hivyo, kwa sasa hamna taharuki yeyote inayoendelea nchini
Zimbabwe, kwa baadhi nchini humo wameyashuku madai yao kuhofia usalama
wao.
Kwa mujibu wa Col Rimphahdee familia hiyo imewasilisha maombi
ya kuomba makazi kwa Umoja wa Mataifa, wakati wakihudumiwa na
wafanyakazi wa uwanja wa ndege wa Suvarnabhumi.
Aliimabia idhaa ya
BBC Thai kuwa shirika la wakimbizi la Umoja wa Mataifa, UNHCR ,
limeomba familia hiyo ibaki nchini Thailand wakati jitahada za
kuwapeleka nchi nyingine zikifanyika.
Nchi ya Thailand haina sheria ya kuwapatia makazi wakimbizi au watafuta hifadhi.
Picha ya ndani ya jengo la uwanja wa ndege wa Suvarnabhumi
Takriban watu 40,000 wamedaiwa kudanganywa na tapeli huyo
Mahakama moja ya Thailand imemuhukumu tapeli mmoja zaidi ya kifungo cha miaka 13,000 jela.
Pudit Kittithradilok ,34, alikiri kumiliki mradi mmoja wa piramidi ambao aliwaahiidi wawekezaji kupata mapato ya hali ya juu.
Takriban watu 40,000 walikubali kuwekeza kiwango cha $160m katika kampuni yake.
Mahakama ilisema kuwa alijihusisha na vitendo vya kutoa mikopo na makosa 2,653 ya udanganyifu.
Baada ya kukiri ,mahakam hiyo ilipunguza hukumu hiyo na kumpatia kifungo cha miaka 6,637 na miezi sita.
Huenda asihudumu zaidi ya miaka 20 kwa kuwa sheria ya Thai inatoa miaka 10 kwa makosa mawili aliyopatikana nayo.
Waendesha
mashtaka waliambia mahakama kwamba Pudit aliandaa semina ambapo
waliohudhuria walishawishiwa kuwekeza katika kile alichosema ni biashara
zinazohusiana na ujenzi ,urembo, uuzaji wa magari yaliotumika uuzaji wa
bidhaa nje ya nchi miongoni mwa vitu nyengine.
Kulingana na gazeti la Bangkok Post, wawekezaji waliahidiwa mapato makubwa na marupurupu iwapo wataleta wanachama wapya.
Na
kama mradi mwengine wowote wa Piramidi, wawekezaji waliowekeza fedha
zao wa kwanza wanalipwa kuwalipa wanachama wao wa kwanza.
Pudit alikuwa anazuiliwa katika jela ya Bangkok tangu alipokamatwa mwezi Agosti wakati aliponyimwa dhamana.
Mahakama ilizipiga faini kampuni zake mbili ilio sawa na dola milioni 20 kila moja.
Pudit na kampuni zake aliagizwa kulipa takriban dola milioni 17 kwa waathiriwa 2,653 pamoja na riba ya kila mwaka ya 7.5%
Kwa kawaida, Mwaka Mpya unapowadia, watu hujiwekea maazimio na malengo mengi ya kutimiza katika mwaka husika.
Mara nyingi huwa ni kupunguza uzani, kufanya mazoezi zaidi, kuacha kuvuta sigara, kujifunza lugha mpya na kadhalika.
Lakini mara nyingi malengo haya huwa hayatimizwi.
Hatuwezi
kukuambia ni maazimio gani yanafaa kuwekwa, lakini kuna utafiti
uliofanywa ambao unaweza kukuelekeza jinsi ya kujiwekea malengo ambayo
utaweza kuyatimiza na pia njia bora zaidi ya kuhakikisha unatimiza
malengo hayo.
Kuna ushahidi kwamba mara nyingi binadamu huongozwa
na hamu ya "kupunguza hasara" - yaani, huwa mara nyingi tunaongozwa na
kufuta hasara ambayo tumepata badala ya kupiga hatua mbele.
Kuweka
maazimio kwa njia ambayo lengo lako zaidi litakuwa kupunguza au kufuta
hasara, kwa maana ya kupata kitu ulichokipoteza, huenda yakawa rahisi
kutimiza kuliko maazimio ya kukipata kitu kipya.
Mfano, inaweza
kuwa rahisi kwako kuurejelea uraibu uliokuwa nao awali au kujiweka sawa
kimwili kufikia kiwango cha awali kuliko kuboresha muonekano wako au
uwezo wako kufikia viwango ambavyo haujawahi kuvifikia awali.
Hili
pia linatuelekeza kwenye ushauri mwingine muhimu unapojiwekea malengo yako
ya mwaka - lazima yawe na uhalisia na yanayoweza kutimizika.
Washirikishe wengine
Mwanafalsafa
katika Chuo Kikuu cha Warwick Dkt John Michael hutafiti kuhusu mambo
mbalimbali ya kijamii yanayowasaidia watu kutimiza malengo na ahadi zao.
Anasema kuwa
kuna uwezekano mkubwa zaidi wa kutimiza ahadi na maazimio iwapo
tutayatazama kuwa na umuhimu kwa watu wengine - kwamba maslahi ya
wengine yatakuwa hatarini iwapo tutashindwa.
Hii huenda ikawa ni kwenda darasani na rafiki yao.
Ufanisi
unaweza kuwa hata zaidi iwapo utalipa karo mapema - ukihisi kwamba mtu
amewekeza pesa na muda wake, na kwamba vyote vitapotea, basi kuna
uwezekano kwamba utajizatiti kutimiza malengo hayo.
Utafiti wa
Dkt Michael pia unaonesha kwamba watu huenda wakahamasishwa kuendelea na
kazi wasiyoipenda iwapo mtu mwingine wa maana kwao amewekeza kitu hapo.
Sifa na hadhi ya mtu huwa muhimu sana, na vinaweza kutumika kama kichocheo.
Kuyafanya maazimio yako wazi kunaweza kukuhamasisha kuyatimiza kwani utahofia kwamba hadhi yako itashuka iwapo hutayatimiza.
"Huwa
hakuna anayetaka kupata sifa za kuwa mtu asiyeaminika, kwa hivyo kutangaza mipango yetu hadharani kunaweza kukupatia motisha. Kuweka dau
kunaweza pia kuwa kichocheo zaidi," anasema Prof Neil Levy wa Chuo
Kikuu cha Oxford.
Vitu vya kukukumbusha
Kuweka maelezo zaidi na ufafanuzi kwenye maazimio yako pia husaidia, anasema.
Mfano
kwenda kwenye chumba cha mazoezi Jumanne alasiri na Jumamosi asubuhi,
kwa mfano, ni bora kuliko kusema tu kwamba utaenda kufanya mazoezi mara
nyingi zaidi, anasema Prof Levy.
Anapendekeza uhusishe maazimio yako na viashiria au vitu fulani vya kukukumbusha.
Iwapo
unataka kujifunza lugha nyingine, unaweza kwanza kuweka ahadi ya
kusikiliza makala ya lugha hiyo kila asubuhi ukisafiri kwenda kazini
asubuhi.
Kisha, ndipo ujiwekee nafasi ya kufanikiwa zaidi, unaweza
kuweka ujumbe wa kukukumbusha kufanya hivyo kwenye simu yako au kidhibiti mweleko wa
gari kila jioni kabla ya kulala.
Hapo, unaeleza nia na pia kuchukua hatua kuhakikisha unaitekeleza nia hiyo.
Kuweka masharti
Prof Levy anaonya pia dhidi ya kujiwekea masharti ambayo yanaweza kuwa kielelezo baadaye.
"Kubali
wazi kwamba kuna baadhi ya mambo yanayoweza kukuzuia kufanya jambo
(Sitakwenda kwa mazoezi iwapo nyumba itawaka moto). Lakini usipanue
masharti haya au kuyafanya kuwa mtindo kwani yanaweza kukuzuia
kutekeleza maazimio yako.
"Siku yangu ya kuzaliwa, inaweza kuwa
siku ya kipekee na inakubalika. Lakini nikianza kutambua mambo
yanayofanyika mara kwa mara - pengine iwapo ni wiki ya mwisho ya mwezi,
kuwepo kwa baridi kali - basi itakuwa mazoea," anasema. Yafanye maazimio yako kuwa sehemu ya mipango yako ya muda mrefu
Kufanya maazimio kuwa sehemu ya mipango ya muda mrefu
Naye Dkt Anne Swinbourne, mwanasaikolojia katika chuo kikuu cha James Cook,
Australia, anasema kuwa maazimio bora zaidi ni yale ambayo yanaoana na malengo ya
muda mrefu ambayo umejiwekea wewe binafsi, kuliko yale ambayo hayana
msingi au ni matamanio tu.
Iwapo hujawahi kuonesha nia ya
kushiriki katika michezo, kujiwekea malengo ya kuwa mwanariadha stadi ni
lengo ambalo bila shaka utatatizika kutimiza.
Kwa sababu umekuwa
na ndoto ya muda mrefu ya kusafiri sana kujionea ulimwengu kabla ya
kutimiza miaka 50, lengo la kusafiri zaidi linaweza kutimizika.
Na pia, kutimiza malengo yote hutegemea mipango yako.
Tambua
ni mambo gani yanakuchochea kufanya mambo usiyoyapenda au usiyoyapenda.
Iwapo hutaki kunywa pombe sana, panga kukutana na marafiki au wageni
wako kwenye mgahawa badala ya baa, vilevile, ukipanda kuacha kuvuta
sigara, vyema zaidi ni kuacha kujihusisha na wavutaji sigara sana.
Malengo yako ya mwaka ni vyema ukayaandika vizuri na kuyabandika mahali ambapo utayasoma mara kwa mara mfano kwenye kitanda chako !!!!!
Tanzania imefutilia mbali usajili wa meli kadhaa za Korea Kaskazini kwa kupeperusha bendera za taifa hilo kinyume na sheria. 
ya Thailand haina sheria ya kuwapatia makazi wakimbizi au watafuta hifadhi. 
