KUNDI LA ISLAMIC STATE NI TISHIO KWA DUNIA ASEMA HOLLANDE

Rais wa Ufaransa Francois Hollande akizindua mkutano wa kukabiliana na Islamic State mjini Paris

Rais wa Ufaransa, Francois Hollande, ametaja kundi la Waislamu wenye itikadi kali la Islamic State kama tishio kwa ulimwengu mzima na kwamba ulimwengu mzima unapaswa kukabiliana nalo.

Alisema haya alipokuwa akifungua mkutano wa kimataifa ambao unatarajiwa kukubaliana juu ya mbinu za kutumiwa kukabiliana na kundi hilo la Kiislamu.
Awali Serikali ya Ufaransa ilisema kuwa ndege zake za kivita zimeanza ziara .
Waziri wa Mashauri ya Kigeni wa Marekani, John Kerry amesema kuwa ameunda muungano wa zaidi ya mataifa 40, kukiwemo yale ya Kiarabu, kukabiliana na wapiganaji hao katika nchi za Syria na Iraq.
Waandishi wa habari wanasema kuwa kushiriki kwa mataifa ya kiarabu kutahalalisha zaidi mashambulizi dhidi ya kundi hilo.
Wakati huohuo Baraza la Usalama la Umoja wa Mataifa limeshutumu mauaji ya raia wa Uingereza David Haines na kutaja kitendo hicho kama cha ukatili na uoga.
Hata hivyo kufikia sasa Uingereza haijatangaza msimamo wake kuhusu kushiriki katika mashambulizi ya ndege dhidi ya kundi hilo la wapiganaji.
Nchi 40 ikiwa ni pamoja na 10 ya mataifa ya Kiarabu, wametia saini mkataba wa kusaidia kupambana na kundi hilo linalopigana na kuteka maeneo katka nchi za Iraq na Syria.
Rais wa Ufaransa Francois Hollande alisema kuwa kisa cha kukatwa kichwa na mfanyakazi wa misaada ya Uingereza ilionesha ukatili na ni lazma dunia ichukue hatua.
Wakati huo huo, Ufaransa inasema imejiunga na Uingereza katika kutekeleza uangalizi wa nchi za kiislamu dhidi ya Iraq.
"Hii asubuhi sana, ndege ya kwanza ya upelelezi itafanya uchunguzi katika makubaliano na mamlaka ya Iraq na Emirati," Waziri wa Ulinzi Jean-Yves Le Drian aliiambia askari wa Kifaransa Jumatatu katika kambi ya kijeshi ya Al-Dhafra katika milki za Kiarabu.

Kundi la wapiganaji wa Islamic State limeteka maeneo ya IRaq na Syria

Mwezi wa Agosti mwaka huu, Uingereza ilidhihirisha wazi kwamba kimbunga kikali kilipojiri na ndege ya upelelezi ilishiriki katika mkutano wa kupata maarifa.
Maafisa wa Marekani wamesema kwamba, mataifa kadhaa za Kiarabu yamejitolea kushiriki katika mashambulizi ya ndege hewani ili kupambana na wapiganaji wa kundi la Islamic State .
Bwana Kerry alisema alikuwa na motisha kwa ajili ya ahadi za msaada wa kijeshi kwa kukabiliana na wapiganaji wa kikundi hicho.
Kerry alizungumza baada ya ziara ya Mashariki ya Kati ya kujaribu kuungwa mkono kwa ajili ya mpango wa utekelezaji na Rais wa Marekani Barack Obama wiki moja iliyopita