TETEMEKO LAUA WATU 272 ECUADOR

Tetemeko kubwa la ardhi lenye ukubwa wa 7.8 katika vipimo vya Ritcher limeikumba nchi ya Ecuador na kuua watu wapatao 272 na kujeruhi wengine 2500.

Tetemeko hilo ni kubwa na limekumba maeneo ya pwani ya nchi hiyo.

Juhudi za uokozi zinaendelea.

KUNGUNI NOMA!!! SASA WAWA SUGU KWA SUMU

 
Kumuua kunguni sugu kunaweza kuhitaji dawa yenye makali mara elfu moja zaidi ya ile inayohitajika kuua wadudu wasio sugu.

Huenda kunguni wakawa sugu kwa dawa, hali ambayo itasababisha wadudu hao kuwa na uwezo kuhimili makali ya dawa ya kuua wadudu.

Idadi ya watu inayozidi kuongezeka na safari za kimataifa zimesadia mdudu huyo kuwa kero kwenye mahoteli kote duniani.

BARCA KIPIGO CHA TATU MFULULIZO

 Messi alifunga bao lake la 500

Miamba wa Uhispania Barcelona wamepokea kichapo cha tatu mtawalia La Liga baada ya kulazwa na 2-1 Valencia nyumbani kwao Jumapili.

Hii ni mara yao ya kwanza kushindwa mechi tatu mfululizo ligini tangu 2003.
Kitulizo pekee kutoka kwa mechi hiyo ni kwamba mshambuliaji wao matata Lionel Messi kufunga bao lake la 500.
Ivan Rakitic aliingiza wavuni krosi iliyotoka Guilherme Siqueira na kuwapatia Valencia uongozi wa kushangaza.

TETEMEKO LA PILI LAIKUMBA JAPAN

 
Tetemeko hilo lilisababisha kuporomoka kwa majengo

Maafisa nchini Japan wanasema kuwa tetemeko kubwa la ardhi limewaua takriban watu 19 na kusababisha uharibifu mkubwa.

Tetemeko hilo ambalo ni la pili kukumba kisiwa cha Kyushu ndani ya siku mbili, limesababisha kuporomoka kwa majengo, limeharibu barabara pamoja na mifumo ya maji na umeme.
Tetemeko hilo lilikuwa na nguvu ya 7.3 kwenye vipimo vya Richter.

MTU MREFU ZAIDI DUNIANI AWASILI MAURITIUS

 
Sultan Kösen ana urefu wa futi 8 na inchi 3 au mita 2.51.

Mtu mrefu zaidi duniani raia wa Uturuki Sultan Kösen aliye na urefu wa futi 8 na inchi 3 au mita 2.51 amewasilia nchini Mauritius leo asubuhi.

Sultan alilakiwa na umati katika kisiwa hicho cha bahari ya Hindi, kwa mujibu wa taarifa zilizowekwa kwenye ukusara wa facebook wa mtandao wa habari wa nchi hiyo.

UINGEREZA YAKODI PAKA KUDHIBITI PANYA

Panya wailazimu Uingereza kukodisha paka

Je unampenda paka ?

Awe ni paka wa nyumbani ama yule paka wa pori na wanyama wote katika jamii ya paka kama vile simba, ama chui, paka huvutia hisia nyingi sana kwa mwanadamu.

 

Je unampenda paka ?

Lakini mapenzi hayo ya paka yamefikia hatu mpya.
Amini usiamini ofisi ya maswala ya nchi za kigeni ya Uingereza imekodisha paka ili kusaidia kudhibiti ongezeko la idadi ya panya katika makao makuu yake huko Westminster.

 

Ofisi ya maswala ya nchi za kigeni ya Uingereza imekodisha paka ili kusaidia kudhibiti ongezeko la idadi ya panya katika makao makuu yake huko Westminster.

Paka hmmoja ambaye zamani alinusuriwa alipokuwa akizurura mitaani katika mji mkuu wa London -- alipewa jina Palmerston, jina la waziri mashuhuri wa zamani wa mashauri ya nchi za kigeni wa Uingereza na waziri mkuu karne ya kumi na tisa.
Kituo cha kuwanusuru wanyama, kimesema kwamba Palmerston, alikuwa mkakamavu na paka mwenye nguvu, ambaye haikuwa vigumu kwake kuwa na marafiki -- au maadui, katika makao hayo yake mapya katika afisi ya wizara ya nchi za kigeni.

JUMBA REFU KULIKO BURJ KHALIFA KUJENGWA DUBAI

 

umba la Burj Khalifa lina urefu wa mita 828

Kampuni moja nchini Dubai imetangaza mpango wa kujenga jumba litakalokuwa refu kushinda jumba refu zaidi duniani kwa sasa, jumba la Burj Khalifa.

Kampuni hiyo ya Emaar Properties, inayosaidiwa na serikali, haijasema jumba hilo jipya litakuwa na urefu gani lakini imesema tu kwamba litakuwa “refu kiasi” kushinda jumba la Burj Khalifa lililo na urefu wa mita 828 (2,717ft).
Mradi huo utakaogharimu $1bn (£710m) umeratibiwa kukamilika tayari kwa maonyesho ya kibiashara ya Dubai Expo ya 2020.

WEZI WAJINGA ZAIDI DUNIANI HAWA HAPA

Katika karibu kila jambo duniani, mwanadamu huhitajika kutumia akili ili kufanikiwa. Bila shaka, iwapo utatarajia uwazidi watu wengine hasa katika kuwapora au kuwaibia basi utahitajika kuwa na ujanja zaidi. Lakini maeneo mbalimbali duniani kunao wahalifu ambao walionekana kupungukiwa.

Majuzi kwa mfano, wanaume wawili kutoka Skegness, Lincolnshire, walijipiga picha wakiiba pesa kutoka kwenye mitambo ya kucheza Kamari Bradford, Uingereza. Hawakuenda mbali, kwani walikamatwa muda mfupi baadaye Benjamin Robinson, 30, alifungwa jela miezi 32, naye Daniel Hutchinson akahukumiwa kifungo cha miezi sita jela ambacho kimeahirishwa.
Hawako peke yao. Hapa ni msururu wa wahalifu wengine waliojichongea:

1. Jambazi aliyejitapa Facebook

Andrew Hennells alikamatwa baada yake kuandika kwenye Facebook akijisifu kuhusu mpango wake wa kushambulia duka la jumla la Tesco eneo la King's Lynn, Norfolk.

MAJANGA: JUMUIYA YA ULAYA YAWEKA REHANI TRILIONI 2.1 ZA TANZANIA

SIKU chache baada ya Shirika la Changamoto za Milenia (MCC), kufuta Tanzania kwenye nchi wanachama wake na hivyo kuikosesha serikali msaada wa zaidi ya Sh. trilioni moja kutokana na uchaguzi wa Zanzibar.

Mkuu wa Masuala ya Siasa na Habari kutoka Umoja wa Nchi za Ulaya (EU) nchini Tanzania Bi. Luana Reale.

Umoja wa Ulaya (EU), upo hatarini kutotoa Sh. trilioni 1.56 kwa sababu ya suala hilo huku mmoja wa Waziri wa Uingereza, akiitaka serikali yake isitoe Sh. bilioni 622 za msaada kwa Tanzania.
Kwa mantiki hiyo, Tanzania ipo hatarini kupoteza jumla ya Sh. trilioni 2.182 kutoka EU na Uingereza endapo haitaridhishwa na suala la Zanzibar linavyoendelea.

WABUNGE ZAIDI KIZIMBANI KWA UFISADI

SIKU chache baada ya wabunge wanne kupandishwa kizimbani wakituhumiwa kwa rushwa, gazeti hili limedokezwa kuwa, juma hili wabunge wengi zaidi watafikishwa mahakamani wakikabiliwa na tuhuma kama hizo.

Felchesmi Mramba Mkurugenzi Mtendaji wa TANESCO.

Wabunge ambao tayari wamefikishwa mahakamani ni Mbunge wa Sumve (CCM), Richard Ndassa (56), akituhumiwa kuomba rushwa ya Sh milioni 30 kutoka kwa Mkurugenzi Mtendaji wa Shirika la Umeme Tanzania (Tanesco), Mhandisi Felchesmi Mramba.
Wengine ni Kangi Lugola wa Mwibara, Sadiq Murad wa Mvomero na Victor Mwambalaswa wa Lupa, wote wakiwa ni kutoka CCM.
Lugola, Murad na Mwambalaswa ambao ni wajumbe wa Kamati ya Kudumu ya Bunge ya Hesabu za Serikali (LAAC) walifikishwa mahakamani kwa tuhuma za kuomba rushwa ya Sh. milioni 30 kutoka kwa Mkurugenzi wa Halmashauri ya Manispaa ya Gairo, Mbwana Magotta, ili wamsaidie kutoa mapendekezo mazuri ya taarifa ya hesabu za halmashauri hiyo za mwaka 2015/2016.
Mbali na wabunge hao, juma lililopita pia vigogo wengine walifikishwa mahakamani, Kamishina Mkuu wa zamani wa Mamlaka ya Mapato Tanzania (TRA), Harry Kitilya, aliyekuwa Ofisa Mwandamizi wa Benki ya Stanbic tawi la Tanzania, Shose Sinare na aliyekuwa Mwanasheria wa benki hiyo, Sioi Solomon.
Vigogo hao wanakabiliwa na mashitaka ya kula njama, kughushi, kujipatia fedha kwa njia ya udanganyifu na utakatishaji wa dola milioni sita za Marekani sawa na zaidi ya Sh. bilioni 12 ambazo ni mali ya serikali ya Tanzania.

NOAH YAACHA NJIA BANDARINI JIJINI DAR ES SALAAM NA KUTUMBUKIA KWENYE MTARO

Mwananchi wakiangalia ajali ya Noah yenye namba za usajili T 367 DAK iliyoacha njia na kutumbukia kwenye mtaro jirani na Kanisa la Mtakatifu Joseph, Bandarini Dar es Salaam.

"Ni kama anaongea maskini mmiliki wa Noah hii hivi watu waliokuwa wamepanda wamesalimika ?"

Noah ikiwa mtaroni. Chanzo cha ajali hiyo hakikuweza kufahamika.

(Imeandaliwa na mtandao wa www.habari za jamii.com