ANGALIA RAIS ANAYETEMBELEA VW BEETLE TZ VIPI

 

TANZANIA imeshuhudia mwishoni mwa mwezi Mei na Juni mwanzo wakijitokeza wanasiasa kutoka vyama mbalimbali ikiwemo CCM na vile vya upinzani wakitangaza nia ya kupitia vyama vyao kupewa ridhaa ya kupitishwa ili kugombea nafasi nyeti ya urais katika uchaguzi mkuu unaotarajia kufanyika Oktoba 25 mwaka huu.

SERIKALI YAMALIZA MGOGORO NA WAFANYABIASHARA.

Waziri wa Fedha Mh. Saada Mkuya Salum akiwaeleza wafanya biashara kuendelea kutoa ushirikiano, utakaojenga uhusiano wa kudumu kati yao na Serikali kwa maslahi na maendeleo ya Taifa, wakati akitoa Taarifa ya muafaka uliofikiwa kati ya wafanyabiashara na serikali juu ya Matumizi ya Mashine za kielektroniki (EFDs) leo Jijini Dar es Salaam.

2- Kamishna Mkuu wa Mamlaka ya Mapato Tanzania Bw. Rished Bade akimshukuru Waziri wa Fedha kwa ushirikiano wanaoendelea kuuonyesha kwa mamlaka hiyo hasa katika kukabiliana na changamoto mbalimbali katika suala la ukusanyaji Kodi nchini.

3- Mwenyekiti wa Jumuiya ya wafanyabishara Bw. Johnson Minja akimueleza Waziri wa Fedha Mh. Saada Mkuya Salum kuridhishwa na utendaji wa serikali katika utatuzi wa changamoto za wafanyabiashara na kuahidi kuendelea kutoa ushirikiano ili kwa pamoja waweze kufikia malengo ya taifa ya kuwa na uchumi imara kupitia ukusanyaji wa Kodi.

RAFA KOCHA MPYA WA REAL MADRID

Rafa Benitez ndio mkufunzi mpya wa Real Madrid

Aliyekuwa kocha wa Napoli Rafa Benitez amethibitishwa kuwa k ocha wa Real Madrid katika kandarasi ya miaka mitatu.

Benitez mwenye umri wa miaka 55 anachukua mahala pake Carlo Ancelotti ambaye aliondoka katika kilabu hiyo miezi 12 tu baada ya kuisaidia kushinda kombe lao la kumi la vilabu bingwa Ulaya.
Benitez ambaye ni mzaliwa wa Madrid amehudumu misimu miwili kama mkufunzi wa Napoli ,baada kufanikiwa na vilabu kadhaa vya Ulaya.
Baada ya kuisaidia Valencia kushinda kombe la Uefa mwaka 2004,mwaka unaofuatia alielekea Liverpool na kuisaidia kilabu hiyo kushinda kombe la vilabu bingwa ikiwa ni msimu wake wa kwanza katika kilabu hiyo ya Mersyside.
Miaka miwili baadaye aliisaidia Liverpool kufika katika fainali za kombe la vilabu bingwa Ulaya na mwaka 2013 alikuwa kaimu mkufunzi wa Chelsea waliposhinda kombe la Yuropa

FREDRIK SUMAYE AJA NA MPYA ATANGAZA NIA

Sehemu iliyokuwa imeandaliwa kwa ajili ya kutangaza nia ya kugombea urais katika Ukumbi wa Hoteli ya Hyatt Regency.

Waziri Mkuu Mstaafu Mhe. Frederick Sumaye akitangaza nia ya kugombea urais mbele ya wananchi waliohudhuria mkutano huo leo.

WAJUMBE WAPYA WA BODI YA WAKURUGENZI YA MAMLAKA YA USIMAMIZI WA BANDARI TANZANIA (TPA)

P

INTERPOL YASAKA MAAFISA 6 WA FIFA

Polisi wa interpol watoa ilani ya kukamatwa kwa watu sita wanaohusishwa na FIFA

Shirika la maafisa wa polisi wa kimataifa Interpol limetoa ilani ya kukamatwa kwa watu sita wanaohusishwa na FIFA kufuatia madai ya kuhusika na ufisadi.

Agizo hilo linawalenga maafisa wanne wa mashirika makuu pamoja na maafisa wawili wakuu wa zamani wa shirikisho la soka duniani FIFA akiwemo aliyekuwa makamu wa rais wa shirikisho hilo Jack Warner.
Sita hao tayari walikuwa wametajwa katika mashtaka yaliofunguliwa dhidi yao na mamlaka ya mahakama za Marekani wiki iliopita.
Ilani hiyo inawalenga watu wanaotafutwa kwa lengo la kuwakamata ili wasafirishwe hadi mataifa waliohusika na ufisadi huo ili washtakiwe ,lakini mataifa hayawezi kulazimishwa kumzuilia mtu yeyote aliyetajwa.

PROFESA MUHONGO ATANGAZA NIA

WAZIRI wa zamani wa Nishati na Madini Sospeter Muhongo, ametangaza nia rasmi ya kuwaomba Wana CCM kumteua kuwania urais wa Jamhuri ya Muungano wa Tanzania mwezi Oktoba, huku akisema ni yeye pekee mwenye uwezo wa kuikwamua nchi katika hali mbaya ya umasikini na ukosefu wa wataalamu, hali inayoifanya nchi ishindwe kupiga hatua.

MWILI WA MAREHEMU EUGEN ELISHIRINGA MWAIPOSA AAGWA LEO KATIKA VIWANJA VYA BUNGE MJINI DODOMA

 

 

Marehemu EUGEN ELISHIRINGA  MWAIPOSA

TANZIA

Spika wa Bunge la Jamhuri ya Muungano wa Tanzania anasikitika kutangaza kifo cha Mbunge wa Jimbo la Ukonga, Dar es Salaam, Mhe. EUGEN ELISHIRINGA  MWAIPOSA  kilichotokea usiku wa kuamkia tarehe 2 June 2015 nyumbani kwake Dodoma ambako amekuwepo kushiriki Mkutano wa Bunge la Bajeti.

Mwili wa Marehemu umeagwa leo tarehe 3 Juni 2015 kuanzia saa 4 asubuhi katika viwanja vya Bunge mjini Dodoma, na baadaye mwili kupelekwa nyumbani kwake Ukonga, Dar es Salaam.

BWANA alitoa, BWANA ametwaa. Jina la BWANA  lihimidiwe. Amina!

BREAKING NEWS SEPP BLATTER AJIUZULU URAIS WA FIFA

Sepp Blatter amejiuzulu rasmi urais wa FIFA kufuatia tuhuma za rushwa zinazokabili taasisi hiyo ambayo ndiyo kubwa zaidi duniani inayosimamia soka. Katika hatua inayoshangaza kutoka makao makuu ya FIFA mjini  Zurich nchini Uswisi  Blatter alisisitiza kuwa anaondoka katika hilo baada ya kulitumikia shirika hilo kwa miaka 17 akiwa kiongozi mwenye nguvu zaidi katika masuala ya soka. Blatter kwa sasa anakabiliwa na uchumguzi maalumu kutoka katika shirika la upelelezi la Marekani FBI ambalo linachunguza kama rushwa hizo ziliruhusiwa na Blatter na timu yake ya uongozi.

MZEE RUKSA ATIMIZA MIAKA 90

Rais Mstaafu awamu ya Pili Alhaji Hassan Mwinyi akitoa salamu zake kwa wageni waalikwa wakati wa sherehe yake ya kuzaliwa ambapo jana alitimiza umri wa miaka 90.Sherehe hiyo ilifanyika katika hoteli ya Sea Cliff na kuhudhuriwa na viongozi mbalimbali wa serikali.

Rais Dkt.Jakaya Mrisho Kikwete akimpongeza Rais Mstaafu awamu ya pili Alhaji Ali Hassan Mwinyi kwa kutimiza miaka 90 wakati wa sherehe ya kuzaliwa kwake iliyofanyika katika hoteli ya Sea Cliff jijini Dar es Salaam jana.Kushoto ni Mkewe Mama Siti Mwinyi.

Rais Mstaafu awamu ya pili Mzee Ali Hassan Mwinyi akiwa katika picha ya pamoja na familia yake watoto na wajukuu zake wakati wa sherehe yake ya kuzaliwa ambapo alitimiza umri wa miaka 90 jana katika hoteli ya Sea Cliff jijini Dar es Salaa.