ANTHONY MTAKA Mkuu wa wilaya ya Mvomero akiongea na waandishi.Mkuu wa Wilaya ya Mvomero, Antony Mtaka amekifungia kwa muda usiojulika shughuli za uzalishaji, Kiwanada cha Sukari cha Mtibwa mpaka kiwanda hicho kitakapolipa madeni ya wafanyakazi na wakulima wa miwa.
Akitoa msimamo wa Serikali ya wilaya hiyo
juu ya kukifungia kiwanda hicho mbele ya wafanyakzi na wakulima hao katika
mkutano wa hadhara uliofanyika katika ofisi za mtendaji wa kata ya Mtibwa
wilayani hapa, Mhe. Mtaka alisema kuwa wamechukua uamuzi huo baada ya mabishano ya muda
mrefu baina ya pande zote mbili kutofikia muafaka.
Mkuu huyo wa wilaya katika mabishano hayo ya
muda mrefu juu ya madai ya wakulima na wafanyakazi alisema wanakidai Kiwanda cha
Mtibwa zaidi ya Sh1.9 bilioni ambazo ni za mauzo ya miwa na mishahara ya
wafanyakazi.
Mtaka alisema shughuli nyingine kiwandani
hapo zitaendelea kama huduma ya afya, ulinzi na idara ya fedha ili kuwezesha
makundi hayo kupata mafao yao mwishoni mwa wiki hii kama ilivyoahidiwa na
uongozi wa kiwanda hicho.
Meneja mkuu Hamad Juma alisema, kiwanda
hicho kilikwama kulipa madeni hayo kutokana na uingizwaji mwingi wa sukari
nchini kutoka nje ya nchi uliosababisha wao kukosa soko ingawa waliahidi kuanza kulipa mwezi huu. (TK)
Hakuna maoni:
Chapisha Maoni