KAZI ZA KUMWAGA HIZI HAPA

Serikali yatangaza nafasi za kazi 1,324.

Sekretarieti ya Ajira katika Utumishi wa Umma inawatangazia Watanzania wenye sifa na uwezo kujaza jumla ya nafasi wazi za kazi 1,324 ambazo ni kwa ajili ya waajiri mbalimbali Nchini.

Katibu wa Sekretarieti ya Ajira Bw. Xavier Daudi amesema kuwa nafasi 1,334 zimeainishwa bayana kwenye tovuti ya Sekretarieti ya Ajira ambayo ni www.ajira.go.tz ili kuwawezesha wahitimu wote wenye sifa na uwezo kutuma maombi kwa ajili ya kujaza nafasi hizo ajira Serikalini.

"Nadhani ni vizuri zaidi kwa kila muhitimu anayetafuta kazi serikalini kufungua tovuti ya Sekretarieti ya Ajira kuangalia nafasi za kazi zilizotangazwa na pale anapoiona kazi inayoendana na sifa alizonazo kutuma maombi yake ili kuweza kushindanishwa na wengine....maana ajira za Serikali hivi sasa ni za ushindani hivyo inampasa kila anayetaka kupata kazi serikalini kujiandaa vyema ili kujiweka katika nafasi nzuri zaidi ya kuajiriwa katika Utumishi wa Umma" alisema Daudi.

Alifafanua kuwa kwenye tovuti hiyo kuna matangazo mawili tofauti ya kazi ambapo moja liko katika lugha ya Kingereza likiwa na jumla ya nafasi za kazi 447 na tangazo lingine lipo kwa lugha ya Kiswahili ambalo lina jumla ya nafasi za kazi 877.

MAMA ALIYEUA 'MWANAYE' KIZIMBANI

Amina Ibrahim (27), mkazi wa Kimara jijini Dar anayeshikiliwa kwa kesi ya kumuua 'mwanaye'.

MKAZI wa Kimara Amina Ibrahim (27), amepandishwa Kizimbani katika Mahakama ya Hakimu Mkazi Kinondoni Jijini Dar es Salaam akikabiliwa na shitaka la kumuua mtoto wake wa kambo.

Akisomewa kosa hilo leo mbele ya Hakimu Amalia Mushi, Wakili wa Serikali Faustine Sylivester, alidai kuwa tukio hilo lilitokea Juni 18 mwaka huu huko Kimara, Wilaya ya Kinondoni.

Sylivester alidai kuwa mshitakiwa alikuwa akiishi naye na ndipo alipoamua kumuua mtoto huyo ajulikanaye kwa jina la Munir Dodi (6), wakati akifahamu kuwa kufanya hivyo ni kosa la jinai kufanya hivyo kwa mujibu wa sheria za Jamhuri ya Muungano wa Tanzania.

Mshtakiwa hakutakiwa kujibu kitu chochote kutokana na kosa lake kwani Mahakama hiyo haina uwezo wa kusikiliza kesi hiyo, hivyo kesi imeahirishwa hadi Agosti 15 mwaka huu itakapokuja kwa ajili ya kutajwa.

ISIS YATANGAZA KUCHUKUA DOLA IRAQ/SYRIA

Mpiganaji wa kundi la ISIS linalodai kutangaza taifa la kiislamu.

Hali nchini Iraq inaendelea kuzorota huku  raia wakiendela kukimbia mapigano.

Sasa wapiganaji wa kiislam wa Kundi la iSIS wamesema kuwa wanataka kuweka utawala wao baada ya kudhibiti maeneo ya Iraq na Syria.
Msemaji wa wanamgambo hao wa kiislamu wa ISIS ametangaza kuwa wataunganisha ardhi wanazozidhibiti walizoziteka kutoka Iraq na Syria ndio waunde eneo moja wanalolitaja kama 'Islamic Caliphate' litakalotawaliwa kwa sheria kali za kiislamu.
Kama vile ilivyotolewa taarifa ya Shami ndivyo ilivyotangazwa kauli ya Shaykh Abu Muhammad al-Adnani, kupitia mtandao wa You Tube.
Na kufuatia hali hiyo msemaji huyo amefafanua kwamba sasa kundi hilo badala ya kuwa na kujulikana kwa jina la ufupi ISIS na the Levant sasa watajiita tu "the Islamic State" Taifa la kiislam.
Kundi hilo pia limesema limemteua kiongozi wao -- Abu Bakr al-Baghdadi -- kama 'Caliph', wakidai ndio kiongozi wa waslamu wote.
Haya yote yanatangazwa baada ya kundi hilo la Isis kupata mafanikio makubwa katika vita vivyo.
Wakati huo huo Serikali ya Iraqi imesema vikosi vyake vimepiga hatua kuelekea Tikrit, mji wa kazkazini mwa nchi hiyo uliotekwa na wanamgambo hao wa kiislamu zaidi ya wiki mbili zilizopita.
Msemaji wa jeshi la Iraqi Luteni Jenerali Qassim al-Moussawi amesema jeshi lao liko katika awamu ya kwanza ya mapigano hayo ya tangu alhamisi.
Televisheni ya kitaifa ilionesha helicopta zikishambulia maeneo kadhaa huko jangwani lakini hamna ushahidi kamili wa kuaminika kwamba wanajeshi wa serikali wamefanikiwa kuingia mjini.
Waasi hao wametega mabomu kando kando mwa barabara kuu kujaribu kuzuia vikosi vya serikali.
Hata hivyo mwandishi wa BBC aliyeko Baghdad amesema hii ndio hatua ya kwanza thabiti iliyowahi kuchukuliwa na serikali dhidi ya ISIS tangu waasi hao walipoanza kushambulia na kuyateka maeneo ya nchi hiyo kwa kasi iliyowashangaza wengi.CHANZO BBC

LADY JAYDEE APAGAWISHA KENYA

Zilikuwa ni shangwe zakupitiliza pale mkali kutoka tzee Jaydee ilipofika zamu yake ya kupanda jukwaani, unaambiwa vile amepanda tu, uwanja mzima uliokuwa umefurika mashabiki, ulikuwa umeanza kupiga kelele zikisema yahayaa, ilikuwa ni kuanzia alipoanza kuimba nyimbo ya kwanza hadi ya saba, lakini watu wapi, walikuwa wamekazia na kuendelea kupaza sauti wakililia wimbo wa yahaya. Ni jambo ambalo hata lady Jaydee mwenyewe hakulitegemea.

Jaydee alifunguka nakusema “Tangu naanza kuimba wimbo wa kwanza mpk wa 7 watu wana scream tu, Yahaya, Yahaya. Duuuh! Kenya vipi?

Mhe MAGRET SAKAYA ANUSURIKA AJALINI

Naibu Katibu Mkuu mpya wa CUF pia Mbunge wa viti Maalum Magdalena Sakaya akimshukuru Mungu baada ya kunusurika katika ajali na Lori kwenye makutano ya barabara ya Mandela na Nyerere Dar

AVEVA AIBUKA MSHINDI UENYEKITI SIMBA

Amin Bakhresa akitangaza matokeo ya Uchaguzi Mkuu wa Simba SC.

Evance Aveva akishukuru baada ya kutangazwa kuwa Rais mpya wa klabu ya Simba na kuchukua mikoba ya Ismail Aden Rage, aliyemaliza muda wake wa miaka minne.Rais mpya wa Simba, Aveva akipongeza Bakhresa kwa kazi nzuri ya kusimamia shughuli nzima ya uchaguzi, ambao ulifanyika pasipo bugudha yoyote ile katika Bwalo la Polisi Oysterbay jana

MIKAKATI IMEANZA! Rais mpya wa Simba Aveva (mwenye suti, kushoto), akisalimiana na Katibu Mkuu wa klabu hiyo Ezekiel Kamwaga huku Makamu Katibu Mkuu Phillip Stanley (mwenye shati jekundu) akiwasikiliza mipango yao.

Rais Aveva, akifurahia jambo na Makamu Mwenyekiti uongozi uliomaliza muda wake, Joseph Itang'are 'Mzee Kines' baada ya shughuli nzima ya uchaguzi kumalizika kwenye Ukumbi wa Bwalo la Polisi Oysterbay.

(PICHA NA RICHARD BUKOS/GPL

MTOTO MWINGINE AFANYIWA UNYAMA WA KUTISHA MOROGORO

                          
Mtoto Mwajuma Athuman[6] aliyeokotwa na wanajeshi kambi Pangawe baada ya kukimbia mateso ukatili anaodai kufanyiwa na mama yake mkubwa Bi,Ashura Omar amefichua siri nzito mbele ya Afisa Mtendaji wa kata ya Kingolwira

Mwenyekiti wa Mtaa Tank la Maji kata ya Kingolwira Bw Mohamed Said akiwa na mtoto huyo

Mtoto huyo akiwa na Makovu aliyodai yametokana na kipigo toka kwa mama yake mkubwa

Mtoto huyo hawezi kutembea baada ya mguu wa kushoto uliokuwa na kidonda kuvimba, akidai kidonda hicho pia kimetokana na kichapo toka kwa mama yake huyo.

Mwenyekiti akimbeba mtoto huyo kuelekea ofisi ya Afisa Mtendaji

Mama mkubwa wa mtoto huyo baada ya kuona kamera za Mtandao huu zikimmulika alificha sura yake kwa kuinama

Afisa Mtendaji wa kata hiyo Bw Rubeni Ndimbo [kulia] akimhoji mama huyo aliyeficha sura yake; aliyevaa nguo za kitenge ni Afisa Mtendaji wa mtaa wa Tenk la Maji Bi, lnocencia Mbena Patrick, mwingine aliyekuwepo kwenye kikao hicho ni Mwandishi wa mtandao huu

Baada ya mtoto huyo kieleza kwamba mama yake alimtesa baada ya kugoma kurithishwa uchawi, mwenyekiti huyo wa mtaa alishindwa kujizuia na kutokwa na machozi

Baada ya kikao hicho kukamiliza mwandishi wa mtandao huu pamoja na mwenyekti wa mtaa huo walijitolea kwenda Zanahati ya Kingolwira na kumtibia mguu mtoto huyo. Pichani wauguzi wa Zanahati hiyo inayomilikiwa na Halmashauri ya Manispaa ya Morogoro wakimtibu mtoto huyo

Muuguzi akimfunga baada ya kusafisha na kuweka dawa kidonda hicho

Mwajuma akitolewa nje baada ya kupata tiba

Akifanya mazoezi ya kutembea

Dustan Shekidele, Morogoro.

Mtoto huyo mwenye uwezo mkubwa wa kujieleza akihojiwa kwa zaidi ya masaa 2 na Uongozi wa kata ya Kingolwira alifichua siri ya mama yake huyo ambaye ni Mganga wa Kienyeji kumtesa.

" Kabla sijaanza shule nilikuwa nikiishi na mama kwa upendo mkubwa lakini nilipoanza shule ya chekechea mwaka jana mama alinilazimisha kutembea usiku bila nguo mimi na yeye na watu wengine nilipokataa ndio ananipiga, nikimuuliza anasema anataka kunifundisha uganga"alisema mtoto huyo.

Baada ya kauli hiyo Afisa Mtendaji wa kata hiyo Bw Ruben Ndimbo alipomuuliza mama huyo kuhusiana na madai hayo mazito alikana huku akitishia kumtolea radhi mwanae kwa kile alichodai amemdhalilisha.

TUJIKUMBUSHE

ASKARI wa Jeshi la Wananchi Tanzania (JWTZ) Kambi ya Pangawe mkoani Morogoro wamemuokota mtoto mwenye umri wa miaka sita, Mwajuma Athuman aliyedai kukimbia mateso kutoka kwa mama yake mkubwa Juni 17, mwaka huu.

Habari zilizopatikana eneo la tukio zinasema Mwajuma ambaye ni mwanafunzi wa Shule ya Msingi Mwenge mjini hapa, aliokotwa katika vichaka vilivyopo pembeni ya kambi hiyo akitokea Kijiji cha Ngionolo kilichopo jirani ambako ndiko anakoishi mama yake mkubwa aliyetajwa kwa jina moja la Ashura ambaye ni mganga wa kienyeji.

Baada ya kumuokota na kumhoji, wanajeshi hao walimpeleka kwa mjumbe, Magessa Mwita ambaye naye alimpeleka kwa Mwenyekiti wa Serikali ya Mtaa wa Tangi la Maji, Mohamed Said.

Mwandishi wa habari hizi alimkuta mtoto huyo akiwa na makovu kichwani na kidonda kikubwa mguuni kilichosababisha ashindwe kutembea ambapo alidai kilitokana na kipigo kutoka kwa mama yake huyo.

“Nimekimbia nyumbani, mama ananipiga kila siku nikitoka shuleni, nilifika kambi ya jeshi kwa mtoto mwenzangu ninayesoma naye lakini nilipotea nyumba yao.

“Nilipoona giza linaingia nikaamua kutafuta kichaka nilale ili asubuhi niende shule halafu niondoke na rafiki yangu nikaishi kwao. Juzi ndiyo askari walinikuta na kunileta hapa,” alisema mtoto huyo.

Kuhusu wazazi wake, mtoto huyo alisema mama yake alifariki dunia yeye akiwa na umri wa miaka miwili, baba yake anaishi Mwanza ambako ameoa mke mwingine. Mama mkubwa huyo alipoitwa mbele ya viongozi wa serikali ya mitaa, alikiri kuishi na mtoto huyo, lakini alikanusha kumtesa.

Hata hivyo, mwanamke huyo aling'ang'ania kumchukua mtoto wake ili arejee naye nyumbani, lakini viongozi hao waligoma na kwa zaidi ya siku nne aliishi nyumbani kwa Mohamed Said.

Katika kikao cha pamoja kati ya viongozi wa serikali ya mtaa na Afisa Ustawi wa Jamii Mkoa wa Morogoro, mama mkubwa huyo na mwandishi wa habari hizi walikubaliana kuwasiliana na mjomba wa mtoto aishiye jijini Dar, Anjelu Shindano ambaye aliahidi kutuma nauli ili mtoto huyo aweze kwenda Mwanza kwa baba yake mzazi.

BOKO HARAM WASHAMBULIA VIJIJI TENA

Watu wanaoshukiwa kuwa wapiganaji wa Boko Haram wameshambulia vijiji kadha na makanisa kaskazini mashariki mwa Nigeria.

Wakaazi wa huko walisema kuwa watu wengi wameuwawa na nyumba nyingi zimeteketezwa.

Mashambulio yamefanywa karibu na mji wa Chibok, ambako wasichana wa shule zaidi ya 200 walitekwa nyara mwezi wa Aprili.

Mwandishi wa BBC Nigeria anasema katika kijiji kimoja cha Kautikari, wanamgambo wa kijiji walizidiwa nguvu walipojaribu kulinda kanisa.

Anasema jeshi halikuweza kufika katika vijiji hivyo vilivyoko mbali

UHOLANZI WATINGA ROBO FAINALI LAKINI ROBBEN AKIRI KUJIANGUSHA

Arjen Robben amekiri kuwa alidanganya timu yake ikapewa penalti

Mshambulizi wa Uholanzi Arjen Robben amekiri kuwa alidanganya timu yake ikapewa penalti ya ushindi lakini akasema alikuwa ametegwa .

Kocha wa Mexico Miguel Herrera amemkashifu refarii wa mechi yao na Uholanzi Pedro Proenca kwa kuipendelea Uholanzi .

 

Herrera amesema kuwa Penalti hiyo dakika tatu kabla ya kukamilika kwa mechi hiyo haikufaa'' hiyo ni njama ya FIFA kuiondoa Mexico kwenye kinyang'anyiro hicho .
Robben alikfanyiwa faulu katika eneo la lango Uholanzi ilipokuwa imesawazisha bao moja kwa moja na ikaisaidia Uholanzi kuibuka mshindi kwa mabao 2-1 .
Penalti hiyo ilifungwa na Jan-Klaas Huntelaar

Arjen Robben akiwa na mpira katika eneo la Mexico

 

“Nataka kwanza kuwaomba radhi mashabiki wangu kwa kudanganya na kujiangusha'' Robben aliiambia runinga ya Uholanzi NOS.
''Nafikiri kuwa refarii Proenca alifanya kweli kuashiria penalti akisema kuwa alikuwa ametegwa na nahodha wa Mexico Rafael Marquez.
Mexico ilikuwa imeongoza hadi dakika ya 88 ya kipindi cha pili kabla Wesley Sneijder kuisawazishia Uholanzi kabla ya Huntelaar kufunga penalti iliyozua ubishi mkubwa.
Herrera alisema kuwa haikufaa refarii kutoka ulaya alipewa mechi kati ya timu kutoka ulaya na Marekani ya kusini.
Kwanini FIFA hawakutupa refarii mwafrika mhindi ama hata refarii kutoka Marekani kusini ?

FEDHA ZA IPTL ZI ZA UMMA - ZITTO ZUBERI KABWE

Kwa mara nyingine serikali kupitia viongozi na watendaji wake akiwamo Mwanasheria Mkuu wa Serikali (AG), wamedai kwamba kiasi cha Dola za Marekani milioni 250 zilizopaswa kuendelea kuwapo katika ‘Tegeta Escrow Account’ si mali ya serikali na hivyo si mali ya umma. Akaunti hiyo ilifunguliwa na serikali kupitia Wizara ya Nishati na Madini, Shirika la Umeme Tanzania (Tanesco) pamoja na kampuni ya Independent Power Limited (IPTL).

Kwa bahati mbaya sana viongozi wa serikali wamekuwa wakiendelea kurudia kuueneza huo uongo kwamba fedha hizo si mali ya umma. Inasikitisha pia kwamba vyombo vya habari vimekuwa navyo vikibeba na kusambaza huo uongo bila kuhoji na kuchunguza. Inashangaza sana pia asasi za kiraia nazo zimekaa kimya. Inatisha na kushangaa tena kuona wapinzani wakimwachia suala hili Mbunge wa Kigoma Kusini (NCCR-Mageuzi), David Kafulila, pekee wakati mapambano dhidi ya rushwa ni ajenda kuu ya wapinzani. Kafulila amekuwa akiendelea kuhoji suala hilo bungeni peke yake bila kupata kuungwa mkono na kupewa msaada wa aina yoyote kutoka kwa wenzake wa kambi ya upinzani bungeni.

KAULI YA OMMY KUHUSU KUSHINDWA KWA DIAMOND

Stori kubwa inayoongelewa kuhusu tuzo hizi za BET 2014 ambazo kwenye kipengele cha tuzo inayotolewa kwa msanii/kikudi cha Afrika Diamond Platnumz pia alichaguliwa kushiriki, ni tuzo hiyo kutolewa saa kadhaa kabla ya zile tuzo za wasanii wa Marekani kutolewa…. yaani kwa ufupi hafla ya utoaji wa tuzo hizi haitoi nafasi kwa tuzo ya Afrika.Kwenye exclusive interview na millard, Diamond amesema  ‘tuzo ya Afrika imetolewa saa mbili asubuhi wakati tuzo za kina Chris Brown, Beyonce na wengine wakubwa zinatolewa saa kadhaa baadae usiku, Waafrika wanawekwa peke yao ila ingekua poa kama wangekua wanatoa tuzo ya Afrika palepale kama wasanii wa Marekani, ingesaidia kuunyanyua muziki wa Afrika’

Miongoni mwa waliotoa yao ya moyoni ya kutofurahishwa na utolewaji huu wa tuzo ya Afrika kivyake na kutojumuishwa na zile za wasanii wa Marekani ni msanii Ommy Dimpoz.

 

AGONGWA NA KUFARIKI DUNIA AKIWEKA ALAMA ZA KUZUIA AJALI

WATU wawili wamefariki dunia jijini Dar es Salaam juzi akiwamo Emmanuel Ndahani (39) mkazi wa Kibamba, aliyegongwa na gari na kufariki dunia alipokuwa akiweka alama za matawi kuzuia gari zisikanyage maiti.

Kamanda wa Polisi Mkoa wa Kinondoni, Camillius Wambura alisema Ndahani aligongwa na gari isiyofahamika kwa kuwa lilikimbia baada ya ajali hiyo.

Alisema Ndahani alikuwa akitaka kuzuia magari yasiukanyage mwili wa Onesmo Yarimunda aliyefariki dunia baada ya kugongwa na basi la Prince Muro alipokuwa akivuka barabara.

Kamanda Wambura, alisema Yarimunda (36), mkazi wa Kibaha aligongwa na basi hilo aina ya Scania, juzi, saa 3 usiku maeneo ya Kibamba.

Maiti zimehifadhiwa Hospitali ya Tumbi Kibaha. Dereva wa basi la Muro, Boniface Chuwa (36) mkazi wa Kibaha anashikiliwa na polisi.

COSTA RICA YATINGA ROBO FAINALI KWA MATUTA

COSTA Rica wamefanikiwa kufuzu hatua ya robo fainali ya kombe la dunia kwa kuifunga Ugiriki kwa mikwaju ya penati 5-3 baada ya dakika za kawaida na za nyogeza 30 kumalizika kwa sare ya bao 1-1.Hata hivyo kocha wa Ugiriki, Fernando Santos alitolewa kwenye benchi kwa kuoneshwa kadi nyekundu kutokana na kumzonga mwamuzi katika mchezo huo ulioenda hatua ya penati.

Sokratis (kushoto) akifunga bao la kusawazisha dakika za lala salama

MAGAIDI WANAMALIZA WANYAMAPORI

Mmoja wa Ndovu waliouawa na wawindaji haramu nchini Kenya

Makundi ya kigaidi na wanamgambo wamekuwa wakifaidi kutokana na uwindaji haramu wenye thamani ya dola bilioni 213 kila mwaka, na kutishia usalama wa kimataifa.

Hii ni kwa mujibu wa ripoti mpya ya shirika la UNEP.

 

Ripoti hiyo ilizinduliwa katika kongamano la kwanza kabisa la umoja wa Mataifa kuhusu mazingira lililoandaliwa nchini Kenya

Kwa mujibu wa ripoti hiyo, kundi la Al Shabab nchini Somalia hupata kati ya dola milioni 38 na 56 kila mwaka kutokana na biashara haramu ya uuzaji mkaa.

Kwa jumla, makundi ya wanamgambo na kigaidi yaliyoko barani Afrika, yalipata kati ya dola milioni 111 na 289 kila mwaka kwa kujishughulisha na kutoza ushuru na uuzaji haramu wa mkaa.

“Makundi mengine yanayonufaika na biashara haramu ya wanyama pori yalijipatia kati ya dola milioni 4 na 12.2 kila mwaka kutokana na uuzaji wa pembe za ndovu katika eneo la Afrika ya Kati.

SUARES MNG'ATA MENO AZIDI KUUMBUKA MDHAMINI WAKE AJITOA

Mshambuliaji wa timu ya Uruguay Luis Suarez amempoteza mmoja wa wadhamini wake baada ya kupigwa marufuku kwa kumng'ata mchezaji wa Italy Giorgio Chiellini.

Kampuni ya kamari ya mtandaoni 888 poker imesema ''imeamua kusitisha mkataba wake na mchezaji huo mara moja''.

''Kila mtu anajua ni nini alichofanya Luis.

Walitaka aondolewe katika michuano ya kombe la dunia. Na kweli walifanikiwa.

''Walimuondoa katika mechi hizo kama mbwa'' alisema Lila Piris Da Rosa bibiye Suarez.

''Mchezaji huyo wa miaka 27 anayeichezea kilabu ya Liverpool alipigwa marufuku ya miezi minne na shirikisho la soka duniani FIFA baada ya kupatikana na hatia ya kumng'ata Chiellini katika mechi ya kombe la dunia.
"
Suarez hawezi kuchezea kilabu yoyote ama taifa lake hadi mwisho wa mwezi Oktoba.

Atakosa kushiriki katika mechi zilizosalia katika kombe la dunia nchini Brazil.

Uruguay itacheza na Colombia katika mechi za kumi na sita bora siku ya jumamosi baada ya kufuzu katika kundi la 'Da' nyuma ya Costa Rica.

Suarez alijiunga na kampuni ya 888poker kama mjumbe wake duniani siku chache kabla ya kuanza kwa michuano ya kombe la dunia na kutoa baadhi ya kanda za video za shajara ya mtandao wake ikiwemo moja ya bao lake wakati wa ushindi wa taifa lake dhidi ya Uingereza.

SOKO LA KEKO LAUNGUA MOTO

Mbunge wa Temeke, Abbas Mtemvu akiingia eneo lililopata madhara kutokana na kuungua moto usiku wa kuamkia leo, katika soko la Keko, katika jimbo hilo jijini Dar es Salaam. Mtemvu amewapa pole walipoteza mali zao kutokana na moto huo ambao chanzo cha ke hakijajulikana. Hadi sasa inakisiwa imepatikana hasara ya zaidi ya sh. milioni 97.

Naibu Katibu wa soko la Keko, Hassan Gitigi (kushoto) akimpa maelezo Mbunge wa Temeke Abbas Mtemvu kuhusu madhara yaliyosababishwa na moto huo

Baadhi ya wafanyabiashara katrika soko hilo akieleza hasara walizopata. Wameeleza kwamba mbali na waliopata hasara ya kuunguliwa bidhaa na mabanda yao ya biashara, pia wapo waliopata hasara kwa maduka na mabanda yao ya biashara kuporwa na vibaka wakati wa tukio hilo la moto.

Mtemvu akizungumza na waliopatwa na madhara kutokana na moto huo

Mtemvu akizungumza na baadhi ya viongozi waliofika kutoa pole kwa walipatwa na madhara kwenye soko hilo.

MBINU MPYA UBEBAJI 'UNGA'

Kamanda wa Polisi mkoa wa Kilimanjaro ,SACP,Robert Boaz akitoa dawa za kulevya katika mikoba ya kike ambayo imekamatwa katika uwanja wa ndege wa Kimataifa wa Kilimanjaro KIA.











Kamanda wa Polisi mkoa wa Kilimanjaro ,SACP,Robert Boaz akiwaonesha waandishi wa habari(hawako pichani)moja ya mikoba iliyotumika kufichia dawa za kulevya kwa ustadi mkubwa.



Dawa za Kulevya ambazo hazijafahamika ni aina gani zikiwa katika mifuko maalumu.



Baadhi ya waandishi wa habari mkoa wa Kilimanjaro wakimsikiliza kamanda wa Polisi mkoa wa Kilimanjaro wakati akitoa taarifa juu ya kukamatwa kwa dawa za kulevya katika uwanja wa ndege wa Kilimanjaro KIA