VIBAKA WAWILI WACHOMWA MOTO DAR (samahani kwa picha ambazo sio nzuri)

Baadhi ya wananchi wakishuhudia jinsi miili hiyo inavyoteketea.

Vijana wawili wakazi wa Jiji la Dar es Salaam ambao hawakufahamika majina yao, wanaodaiwa kuwa ni vibaka alfajiri ya leo wameuawa kwa kuchomwa moto na wananchi wenye hasira kali baada ya kumpora pochi dada mmoja mkazi wa Tabata Liwiti. Shuhuda wa tukio hilo ambaye hakupenda kutaja jina lake alisema baada ya vibaka hao kumpora pochi dada huyo, walitaka kutoweka na bodaboda ndipo wananchi walifanikiwa kumkamata aliyeipora pochi hiyo akaanguka chini wakaanza kumpa kipigo huku mwenzake akifanikiwa kuondoka.

Matairi yaliyotumika kuwachomea vibaka hao yakiungua.Miili hiyo ikiteketea kwa moto

Kama waswahili wasemavyo za mwizi arobaini, kibaka huyo aliyekuwa akiendesha bodaboda kwa kasi, hakufika mbali pikipiki yake ikapata pancha naye akakamatwa na kuanza kupewa kichapo kisha walikusanywa pamoja wakavishwa matairi na kuchomwa moto.
Baada ya kuteketea kwa moto, polisi walifika eneo la tukio wakachukua mabaki ya miili ya vibaka hao na kuipeleka katika Hospitali ya Taifa ya Muhimbili.

 

Wananchi wanaaswa kutochukua sheria mikononi ili watuhumiwa wafikishwe kwenye vyombo vya dola.