VIJANA WALIOKUWA WANAGEMA MAFUTA KUTOKA KWENYE LIRO LILILOANGUKA WAPAMBANA NA POLISI

Nakuru, Kenya: Polisi mjini Nakuru wamepambana na vijana waliokuwa wakigema mafuta kwenye lori la mafuta lililopinduka katika barabara ya kuu ya Nakuru-Nairobi siku ya Jumapili.

Mashuhuda wa ajali hiyo walisema kuwa ajali hiyo ilitokea majira ya saa moja asubuhi wakati dereva aliposhindwa kulidhibiti na kusababisha kupinduka likiwa na lita 30,000 za mafuta.

Wakazi wa eneo hilo walianza sherehe ya kuchota mafuta ambayo yalikuwa yakitiririka ovyo kwenye mfereji.

"Nilikuwa dukani kwangu niliposikia sauti ya gari linaloenda kwa kasi likija,  na baadaye nikasikia kishindo kikubwa". alisema mmoja wa mashuhuda wa ajali hiyo.

Polisi walifika eneo la tukio mara moja lakini wakajikita vkwenye wakati mgumu kudhibiti kundi kubwa la vijana waliokuwa wakiiba mafuta na hatari ambayo ingewpata endapo lori hilo litawaka moto.

Meneja wa kampuni ya Petrcity huko Nakuru Bw. Martin Mwangi alisema kuwa lori hilo lilikuwa lamebeba  mafuta kutoka Konza mpaka  Kampala, Uganda.

"Polisi walifanikiwa kudhibiti vijana hao na hakuna madhara yaliyotokea,"alisema Bw Mwangi.