Kifungo cha waliokamatwa wakibusiana chaendelezwa na mahakama ya rufaa nchini Tunisia

Kifungo cha waliokamatwa wakibusu chaendelezwa na mahakama Tunisia

Mahakama ya rufaa nchini Tunisia imeamuru kuendelezwa kwa hukumu ya wapenzi wawili waliokamatwa mwezi Septemba kwa kubusu wakiwa ndani ya gari lao.

Nessim Ouadi, ambaye ni raia wa Ufaransa pia alilaumiwa kwa kupuuza maagizo ya baada ya kukamatwa pamoja na mpenzi mwanamke raia wa Tunisia.
Wawili hao walipewa vifungo vidogo ikiwa ni miezi minne kwa mwanamume na miwili kwa mwanamke tofauti na walivyopewa mwezi Oktoba.

Kesi hiyo ilisababisha malalamiko katika mitandao ya kijamii na kuzua mjadala nchini Tunisia kuhusu maadili katika maeneo ya umma na wajibu wa polisi.
Mkuu wa mshataka alisema kuwa kesi hiyo imeripotiwa kwa njia isiyofaa na vyombo vya habari vya kimataifa na kuwa wawili walikuwa uchi na walikuwa wakifanya mapenzi wakati walisimamishwa na polisi. Jambo hili linazua mawsali mengi kwa sababu sio rahisi watu kuendesha gari huku wakifanya mapenzi

Kwanini watu huamua kujiua?

Ripoti mpya ya Shirika la Afya Duniani inaonyesha kuwa watu takriban milioni moja hujiua kila mwaka. Nini sababu kuu za watu kujiua, mazingira ya tukio hilo kiakili na nini kifanyike kukabiliana na majaribio ya kujiua?

 

Sikiliza sauti 09:48

Sikiliza makala ya Afya Yako

         

Anthony Joshua kuvaana na Mkameroon Carlos Takam Oktoba 28

Joshua ameshinda michezo yote 19 aliyocheza

Bondia Anthony Joshua anatarajiwa kutetea mataji yake ya IBF na WBA atakapovaana na Carlos Takam baada ya Kubrat Pulev kujitoa kufuatia majeraha.

Pambano hilo linalotarajiwa kuwa kali na la kuvutia litapigwa Oktoba 28 katika dimba la Cardiff ambapo mpaka sasa tiyari tiketi 70,000 zimeshauzwa.
Litakuwa pambano la kwanza la Joshua tokea alipomtwanga Wladimir Klitschko katika dimba la Wembley April.

 

Takam ameshinda michezo 35, amepigwa mitatu na kutoka suluhu mmoja katika mapambano 39 aliyocheza

Pulev alipata majereha ya bega wakati akijiandaa na mchezo huo.
Takam mzaliwa wa Cameroon na anayeishi nchini Ufaransa ana miaka 36 na anatarajiwa kutoa upinzani mkali kwa Joshua.

Chapisha Kitabu Kwa BUKU NANE TU

Idadi  kubwa  ya  waandishi chipukizi  nchini  Tanzania, wanakabiliwa  na  changamoto  moja  kubwa. Nayo si nyingine  isipokuwa  ni kushindwa  kufikia  ndoto  ya  kuchapisha  walau  kitabu kimoja   kwa   sababu  ya  kutokumudu  gharama  za  uchapishaji  wa vitabu.

Kuchapisha  kitabu  chenye  kiwango  ( standard ) kinacho  hitajika  sokoni, ambacho  kinaweza  kukubaliwa  na  wauzaji  na  wasambazaji  wakubwa nchini,  mwandishi  anatakiwa  kwa  kadirio la  chini  kabisa,  awe  na  walau  kiasi  cha  shilingi  LAKI  NANE  hadi  MILIONI  MOJA NA NUSU kutegemea  na  ukubwa  wa  kitabu.

Kiasi  hiki  kinaonekana  kuwa  kikubwa  mno  kwa mwandishi  chipukizi  ambae  ndio  kwanza  anataka  kutumia  kipaji  chake  cha  uandishi kujipatia  fedha  kwa  ajili  ya  kuendesha maisha  yake ya  kila  siku   na  kupata maendeleo  kwa  ujumla.

Mwisho  wa  siku  waandishi  hawa  huamua  kukata  tamaa  ya  kutimiza  ndoto  yao  hiyo  adhimu  na  matokeo  yake  mawazo  waliyo  taka  kuyaandikia  kitabu hufa  ama kupotea.

Sanamu ya Rais Jacob Zuma nchini Nigeria yakosolewa

Sanamu ya shaba ya Rais Zuma

Serikali ya jimbo moja nchini Nigeria imempa heshima rais wa Afrika Kusini Jacob Zuma, kwa kumjengea sanamu kubwa ya shaba na kuipa barabara moja jina lake.

Wakati akifanya ziara katika jimbo lililopo kusini mashariki la Imo siku ya Jumamosi na Jumapili, Bw. Zuma alipewa cheo cha kiongozi wa kitamaduni ambacho ndicho cha juu zaidi kinachotolewa eneo hilo.
Muungano wa mashirika ya kupambana na ufisadi (CSNC) ambao ni wa zaidi ya mashirika 150 ya kupambana na ufisadi nchini Nigeria, umemlaani gavana wa jimbo Rochas Okorocha, kwa kumtambua Zuma kama mtu shujaa mbele ya kundi la vijana wa Afrika, wakati anakabiliwa na shutuma nyingi za ufisadi nchini mwake.
"Ni kama Gavana Okorocha hafahamu kuwa watu wa Afrika Kusini kwa sasa, wanamtaka rais wao ajuzulu kwa kuleta aibu kwenye nchi ya Nelson Mandela?" uliandika katika taarifa.
Pia taarifa hizo zimekosolewa vikali katika mtandao wa twitter.

Zari awaumbua wanaofikiri penzi lake na Diamond limekwisha

 Diamond na Zari

Kila mtu amekuwa akidhania kwamba uhusiano wa wapenzi maarufu Afrika Mashariki na kati msanii wa bongo fleva Diamond Platinumz na mfanyibiashara wa Uganda Zari Hassan ulikuwa umevunjika baada ya kashfa ya Diamond iliomhusisha na mwanamitindo Hamisa Mobeto.

Zari yeye mwenyewe amjitokeza na kushutumu uvumi huo ambao umekuwa ukisambaa katika mitandao ya blogi, kufuatia hatua yake ya kuondoa picha za Diamond katika mitandao yake mbali na kutohudhuria sherehe ya kuzaliwa kwake.
Inadaiwa hata kadi ya siku ya kuzaliwa hakumtumia mpenziwe na baba ya watoto wake wawili Diamond Platinumz.
Wakati Diamond alipokiri kuwa na uhusiano mwengine nje ya ndoa na Hamisa na kupata mtoto naye ilikuwa mwanzo wa vita vya mitandaoni kati ya wapenzi hao wawili na kuzua uvumi kwamba huenda wataachana.
Hata hivyo akizungumza kwa mara ya kwanza kuhusu kisa hicho Zari amethibitisha kwamba bado yuko na mpenziwe Diamond na kile wanachojaribu kufanya ni kutoweka hadharani maisha yao huku wakiendelea kushauriana.
Alisema: Nilimtakia siku njema ya kuzaliwa lakini sio hadharani bali katika mtandao wa Whatsapp.Tunajaribu kuondoa maisha yetu ya kibinafsi katika mitandao ya kijamii. Na kila tunapoendelea kujiondoa katika mitandao ya kijamii ndio tunazidi kupata uvumi, lakini hakuna tatizo kama hilo kila kitu kiko shwari, Zari alisema katika mahijiano na idhaa moja maarufu ya Tanzania.
Habari za penzi lao kuisha zilizusha madai kwamba hatua hiyo itaathiri mikataba ya mamilioni ya fedha waliotia saini ikiwemo kampuni kadhaa.

Kwa nini huwa vigumu kuwaua mbu na nzi

Umewahi kujaribu kumuua mbu au nzi kwa mikono? Utagundua kwamba huwa vigumu sana. Wadudu hawa huwa na kasi ya ajabu. Lakini inakuwaje wadudu hawa wadogo - wenye ubongo mdogo hivi - wanaweza kuwazidi binadamu kwa urahisi hivi?

Je, huwa wanaweza kujua kwamba unataka kuwaua hata kabla ya kujaribu kuwaua?
Ni swali ambalo watu wengi wamekuwa wakijiuliza, lakini usishangae tena.
Sababu ya wadudu hawa kuwazidi binadamu na wanyama wengine ni mtazamo wao wa dunia.
Wadudu hawa huitazama dunia kwa mwendopole yaani 'slowmotion' ukilinganisha na tunavyoyatazama matukio.
Kwa kufafanua, hebu utazame mshale wa saa.
Kama binadamu, huwa unauona mshale huo wa saa ukienda kwa kasi fulani.
Lakini kwa wanyama wengine hali ni tofauti.
Mfano kasa atautazama ukienda kwa kasi mara mbili zaidi ya kasi anayoiona binadamu.
Kwa mbu, nzi na wadudu wengine wa karibu, mshale huo wa saa watauona ukienda kwa kasi mara nne chini ya kasi anayoitazama binadamu.

Kimsingi, kasi ya kuenda kwa wakati hubadilika kutoka kwa mnyama hadi mwingine.
Wanyama kimsingi huutazama ulimwengu kama video inayocheza mfululizo.
Kwa kufafanua, huwa wanaunganisha picha nyingi kutoka kwenye sehemu zao nyingi kwenye macho hadi kwenye ubongo kwa kasi ya juu, mara kadhaa kila sekunde. Kwa binadamu, picha hizi hutumwa mara 60 kila sekunde, kwa kasa mara 15 kila sekunde, na kwa mbu, nzi na wadudu wengine wanaopaa mara 250 kila sekunde!!!

Tofauti

Kasi ambayo picha hizi husomwa kwenye ubongo wa mnyama huweza kupimwa. Kwa kawaida, wanyama wadogo huwa na kiwango cha juu cha kasi hii, ikiwa ni pamoja na mbu na nzi. Binadamu kwa sababu ni wanyama wakubwa, kiwango chao cha kasi hii kiko chini.
Prof Roger Hardie, wa chuo cha Cambridge, amekuwa akitafiti jinsi mbu na nzi hufanya kazi, na ameandaa hata kipimo cha kupima kiwango hiki cha kasi ya mnyama au mdudu kufasiri picha kwenye ubongo.
"Kiwango hiki kwa ufafanuzi mwingine ni kasi ambayo mwanga unafaa kuwashwa na kuzimwa kabla ya kutambuliwa na ubongo au kuonekana kama mwendelezo wa mwanga," anasema Prof Hardie.
Roger huweka vipande vidogo vya glasi kwenye sehemu ya macho ambayo huusoma mwanga na kisha kuwasha taa ya LED kwa kasi na kuendelea kuongeza kasi hiyo huku akifanya vipimo vyake. Kila taa inapowashwa, nishati fulani huzalishwa kwenye sehemu hiyo ya jicho inayosoma mwanga na nishati hii inaweza kupimwa na kompyuta na mchoro kuandaliwa.
Vipimo vyake vimebaini kwamba nzi wenye uwezo wa kuona kwa kasi zaidi wanaweza kutenganisha mng'ao wa mwanga mara 400 kwa sekunde.
Uwezo wao ni mara sita zaidi ya uwezo wa binadamu.
Nzi mwenye uwezo wa juu zaidi hufahamika kama "nzi muuaji". Ni nzi mdogo sana mla wadudu ambaye hupatikana maeneo ya Ulaya. Huwa anapaa na kuwanasa nzi wengine wakiwa angani kwa kasi ya juu ajabu.
Kwenye maabara yake ya "nzi" katika chuo kikuu cha Cambridge, Dkt Paloma Gonzales-Bellido anadhihirisha uwezo wa juu wa nzi hao wauaji kwa kumwachilia mdudu mla matunda ndani ya kisanduku maalum ambapo mtu anaweza kupiga picha. Ndani yake kuna nzi muuaji wa kike.

 

Paloma Gonzales-Bellido hutumia kisanduku maalum kutafiti kuhusu nzi

Paloma ananakili wanachofanya nzi hao kwa kupiga video ya fremu (picha) 1,000 kwa sekunde kwa kutumia kamera za video za mwendopole. Nzi anapoanza kusonga, anapiga video ya sekunde 12 na kuhifadhi video hiyo.
Anatumia njia maalum, ya kuhifadhi video fupifupi ambazo zinajifuta kila sekunde 12 na kuhifadhi sekunde 12 za mwisho pekee baada ya kuhakikisha kwamba amenasa tukio.
"Muda wetu wa kuchukua hatua ni wa mwendopole sana kiasi kwamba iwapo tungebofya kwa kawaida kwenye kitufe cha kupiga video wakati tunafikiria kwamba tukio hilo linafanyika, tukio hilo litakuwa lilishafanyika," anasema Dkt Gonzales-Bellido. Hatuwezo kutumia uwezo wetu pekee kutegemea tutabofya kitufe nzi wakianza kuchukua hatua.

 

Roger Hardie akitafiti kuhusu muundo wa macho ya nzi

Vita vya nzi

Nzi huyo muuaji na windo lake wakiwa ndani ya kisanduku, mwanzoni nzi huyo muuaji alikaa tu bila kufanya chochote, lakini nzi mla matunda alipopaa umbali wa sentimeta 7 hivi, ghafla bin vuu, nzi muuaji aliruka na kufumba na kufumbua macho nzi akawa amegeuzwa kuwa mlo.
Ni baada ya kuangalia video ya mwendo pole kwenye kompyuta ambapo inakuwa wazi nini kilifanyika.
Nzi huyo muuaji alipaa, akamzunguka nzi huyo mla matunda mara tatu akijaribu kumnasa, na mwisho akafanikiwa kumkamata kwa miguu yake ya mbele.
Hayo yote kuanzia kupaa hadi kutua tena na windo lake yalitokea kwa sekunde moja pekee.

Kwa macho yetu, hilo linaonekana kama tukio la ghafla.
Kwa kweli basi, kitendo chetu cha kujaribu kumnasa au kumuua nzi kwa mkono basi kwa nzi mkono huonekana ukienda kwa mwendo wa konokono.
Hilo humuwezesha mbu au nzii kupaa na kutoroka kabla ya mkono wako kumfikia.
Ili kumwezesha nzi huyu muuaji kufikia kasi hii ya ajabu, ambayo inazidi ya nzi wengine, seli zenye kugundua mwanga kwenye macho ya nzi hao huwa na mitochondria (betri au kiwanda cha nishati ndani ya seli) kwa kiasi cha juu kuliko kwenye seli sawa katika nzi wengine.
Hizi ndizo betri za seli na kwa hivyo basi, jambo ambalo linadokeza kuwa ili kuona kwa haraka lazima mdudu, mnyama au ndege yoyote yule kuwa na kiasi cha juu cha nishati kuliko wakati anaona kwa mwendopole.
Hii labda inafafanua ni kwa nini macho yote hayana uwezo sawa.
Kwa sababu nzi muuaji hula nyama, nyama hiyo humpa viwango vya juu vya nishati anayoihitaji kutumia kwenye seli hizo za macho.
Hata kama tungekuwa na kiasi sawa cha mitochondria kwenye seli za macho yetu, hatungekuwa na kasi sawa ya kuona sawa na ya nzi hao kwa sababu muundo wa seli za kutambua mwanga ndani ya macho ya nzi bado huwa tofauti na wa viumbe wengine wenye uti wa mgongo.
Asili ya hili imo katika asili ya viumbe wenyewe.
Wadudu na viumbe wenye uti wa mgongo walichipuka pamoja. 
Wazazi wa makundi haya mawili ya viumbe walitengana karibu miaka 700-750 milioni iliyopita.
Nzi hutumia viungo vinavyofanana na nyuzi kunasa na kusafirisha mwanga ndani ya jicho. Viungo hivi huchanganyikana na mwanga lakini si kwa ndani kama kemikali. Lakini kwenye viumbe wenye uti wa mgongo, huwa na seli zinazofanana na bomba ndogo ambazo huwa na kemikali kwenye shina lake ambazo huchanganyikana na mwanga.

 

Nzi wauaji wana mitochondria nyingi kwenye seli za macho kuliko nzi wengine

Kuna baadhi ya viumbe wenye mti wa mgongo ambao wana uwezo wa kuona kwa kasi kuliko binadamu.
Hili mara nyingi huonekana kuwiana na uwezo wa kiumbe husika kupaa au la, na pia iwapo ni kiumbe mdogo au mkubwa.
Hii huenda ni kwa sababu wanaopaa wanahitaji kuchukua hatua upesi kuepuka kugongana na vitu angani.
Viumbe wenye uwezo wa juu zaidi wa kuona huwa ni wale ambao wanaweza kuwanasa nzi wakiwa angani.

Miongoni mwa viumbe wenye uti wa mgongo, watafiti katika chuo kikuu cha Uppsala nchini Sweden waligundua kwamba ndege afahamikaye kama 'pied flycatcher' ambaye huwanasa nzi wakiwa wanapaa, ana uwezo wa kutambua mwanga ukiwashwa na kuzimwa mara 146 kwa sekunde.
Uwezo wao wa kutenganisha mwanga ulikuwa karibu mara mbili zaidi ya uwezo wa binadamu, lakini uwezo wao haukufikia uwezo wa nzi wa kawaida.
Hii ina maana kwamba ndege, sawa na nzi, hutazama mshale wa saa ukisonga kwa mwendo wa pole zaidi kushinda binadamu.
Inaonekana hii ni kama njia ya kujinusuru kuhakikisha uhai wa viumbe.

 

Kwa nzi, muda hujivuta ukilinganisha na kwa binadamu

Ndege hao wanahitaji kuona kwa kasi ili kuweza kunasa windo, nzi nao wanahitaji kuona kwa kasi kuweza kuwakwepa wanaowawinda.
Utakapojaribu tena kumuua mbu au nzi ushindwe, usife moyo.

Juhudi zao zinazimwa na mambo ambayo yamekuwepo kutokana na mabadiliko ya mamilioni ya miaka kwenye viumbe kuhakikisha baadhi ya viumbe wanaendelea kuishi.
Ndio maana mbu au nzi atauona mkono wako ukielekea upande wake kwa mwendopole na kumwezesha kuukwepa!

Hatari ya kuvalia viatu bila soksi

Ukivalia viatu vyako bila soksi unajiweka katika hatari ya kupata matatizo makubwa zaidi kuliko kunuka miguu pekee.

Chuo cha Tiba ya miguu nchini Uingereza kinasema karibuni kumekuwa na ongezeko la maambukizi ya maradhi yanayosababishwa na kuvu (fangas) kutokana na kuvuma kwa mtindo wa kuvalia viatu bila soksi, hasa miongoni mwa vijana.
Mtaalamu Emma Stephenson anasema amekuwa akipokea wanaume wa kati ya miaka 18-25 walio na matatizo kwenye miguu yao ambayo yametokana na kutovalia soksi au kuvalia viatu visivyowatosha vyema.
Kutovalia soksi siku hivi kumekuwa mtindo maarufu wa mavazi, na mwanamuziki Sam Smith ni miongoni mwa watu wanaojitokeza hadharani wakiwa na viatu bila soksi.

Wanaume wengi katika maonesho ya mitindo pia mara nyingi huonesha mavazi wakiwa na viatu bila soksi.
Mwanamuziki Tinie Tempah amejishindia tuzo nyingi kwa sababu ya mitindo na mara nyingi katika maonesho ya mitindo ya London huketi viti vya mbele.
Yeye pia huwa mara nyingi havai soksi - lakini anafahamu madhara yake?

 

Tinie (kati) ambaye jina lake halisi ni Chukwuemeka Okogwu anaonekana akiwa bila soksi

"Miguu ya binadamu kwa kawaida hutoa nusu painti (ambayo ni sawa na lita 0.28) ya jasho kila siku," Emma Stephenson anasema.

"Unyevu mwingi na joto unaweza kusababisha maambukizi ya maradhi yanayotokana na kuvu mfano ugonjwa unaosababisha muwasho na kuchubuka kwa ngozi (kwa Kiingereza athlete's foot)."
Kwa mujibu wa Emma, madhara yake yanaweza kuwa mabaya.

"Moja ya vitu vibaya nilivyowahi kukumbana navyo ni cha mwanamume mmoja wa miaka 19 aliyefanya kazi ya kuosha magari. Miguu yake ilikuwa inatokwa na jasho sana na ilikuwa imechubuka sana."
Lakini bila shaka itachukua ujasiri kumwambia bingwa wa UFC Conor McGregor kwamba anaweza kupata matatizo kutokana na mtindo wake wa kuvalia viatu.

Emma anashauri kwamba siri ni kutozidisha, iwapo bado utataka kutovalia soksi.
Jaribu usivae viatu bila soksi kwa muda mrefu.

Jaribu pia kuweka kitu cha kukausha jasho kwenye soli ya kiatu chako kabla ya kukivalia bila soksi.
Kadhalika, kuwa makini kuchunguza miguu yako. Ukigundua unaumwa pahali mwone daktarii upesi.