BURIANI SARA DUMBA RIP

Mkuu wa Wilaya ya Njombe, Sarah Dumba

Mkuu wa Wilaya ya Njombe, Sarah Dumba, amefariki dunia, baada ya kuugua ghafla.

Mkuu wa Mkoa wa Njombe, Dk. Rehema Nchimbi, alisema jana kuwa Sarah alifariki dunia juzi saa moja jioni, katika Hospitali ya Wilaya ya Njombe ya Kibena, alikokuwa amepelekwa kwa matibabu.    

Alisema mkuu huyo wa wilaya aliugua ghafla juzi muda mfupi baada ya kutoka ofisini na alianza kujisikia vibaya alipokuwa akijiandaa kula chakula alichokuwa ameandaliwa.

“Mkuu wa wilaya alipofika nyumbani kwake, alitaka kupata chakula lakini alianza kupata shida ya kupumua na baadaye kuanza kulegea mwili. Alipelekwa katika Hospitali ya Kibena ndipo umauti ukamfika akipatiwa matibabu,” alisema Dk. Nchimbi

Dk. Nchimbi alisema mwili wa marehemu umehifadhiwa katika Hospitali Teule ya Wilaya ya Wanging’ombe ya Ilembula, ambayo ndiyo ina uwezo wa kuhifadhi maiti.

Alisema mipango ya mazishi inaendelea kufanywa na kwamba leo kutakuwa na ibada maalum ya kuaga mwili wake katika Kanisa Kuu la Kiinjili la Kilutheri Tanzania (KKKT), Dayosisi ya Kusini mjini hapa, alikokuwa akiabudu.

Mkuu wa Mkoa alisema baada ya hapo, mwili wa marehemu utasafirishwa kwenda Dar es Salaam, ambako familia yake inaishi maeneo ya Kigamboni, kwa maziko ambayo yatafanyika siku ya Alhamisi tarehe 24/3/2016. 

Sarah alianza kazi ya ukuu wa wilaya mwaka 2006 katika wilaya ya Kilindi mkoani Tangana baadaye kuhamia Njombe (wakati huo ikiwa katika mkoa wa Iringa) na sasa mkoa wa Njombe, alikotumika hadi kufariki dunia.

Ndugu waliojilipua Brussels watambuliwa

 
Wawili hao, waliovalia jaketi nyeusi, walifariki

Washambuliaji wawili wa kujitoa mhanga waliojilipua katika uwanja wa ndege wa Brussels Jumanne wametambuliwa kuwa ndugu wawili, Khalid na Brahim el-Bakraoui.

Kituo cha runinga cha RTBF kimesema wawili hao walifahamika vyema na polisi.

Obama na Castro wapingana Cuba

 Bw Obama na Bw Castro wamejibizana kuhusu haki za kibinadamu

Rais Barack Obama na mwenyeji wake Raul Castro wamejibizana kuhusu suala la haki za binadamu na vikwazo vya kibiashara baina ya Marekani na Cuba.

Hata hivyo Rais Obama amehimiza Cuba kuendelea na mageuzi ya kisiasa na haki za binadamu kama inataka kurejesha ambao kwa miaka mingi ulidorora baina ya mataifa hayo mawili.
Lakini Castro naye ameishutumu Marekani na kusema ina unafiki.

MWIGULU NCHEMBA AANZA SAFARI YA KUHAKIKISHA WAFUGAJI WANAACHA KUFUGA KIHOLELA,WAFUGE KWA VITALU.

Waziri wa Kilimo, Mifugo na Uvuvi Mh:Mwigulu Nchemba akimuangalia  dume la ng’ombe linalotumika kuzalisha Mitamba kwenye kitalu namba 9 shamba la Kitengule-Karagwe.

JPM ATEUA WAKUU WA MIKOA

Baada ya uteuzi wa mawaziri na makatibu wakuu, Rais John Magufuli, ameteua wakuu wa mikoa 26, kati yao 10 ni wapya wakiwamo Mameja Jenerali na Brigedia Jenerali 16 waliostaafu jeshi Machi 4, mwaka huu na wabunge wanne walioshindwa kutetea nafasi zao.

Taarifa ya Ikulu iliyotolewa jana, inaonyesha kuwa waliokuwa wakuu wa wilaya watatu chini ya Serikali ya Jakaya Kikwete, wamepandishwa na kuwa wakuu wa mikoa, sita wamehamishwa vituo vya kazi na saba wamebaki vituo vya awali.

Kutokana na idadi hiyo, wakuu wa mikoa ambao walikuwa chini ya Serikali ya Kikwete waliobaki ni 16.

Pia, Rais Magufuli amemthibitisha Kaimu Kamishna Mkuu wa Mamlaka ya Mapato Tanzania (TRA), Alphayo Kidata, kushika rasmi nafasi hiyo na Valentino Mlowola, kuwa  Mkurugenzi wa Taasisi ya Kuzuia na Kupambana na Rushwa (Takukuru), awali walikuwa wakikaimu nafasi hizo.

MAREKANI YAZUIA MALI ZA MZUNGU WA UNGA WA TZ

Marekani imetangaza kuzuia mali za Mtanzania, Ali Khatib Haji Hassan maarufu 'Shkuba' anayetuhumiwa na nchi hiyo kusambaza tani za dawa za kulevya karibu dunia nzima zikitokea Tanzania.

Uamuzi huo umetangazwa na Idara ya Ofisi ya Hazina inayoshughulikia udhibiti wa mali za nje ya Marekani (OFAC).

Marekani imepeleka suala hilo katika Bunge la Congress.

Aidha, Bodi ya Kimataifa ya Kudhibiti Dawa za Kulevya (International Narcotic Control Board-ICBC), juzi ilitoa ripoti ya mwaka 2015 iliyolenga Afrika na Tanzania, ikionyesha kuwa Tanzania ni kichochoro cha kupitisha dawa za kulevya.

Taarifa ya Marekani iliyochapishwa kwenye Mtandao wa OFAC, ilimhusisha Mtanzania huyo na Kampuni yake ya Hassan Drug Trafficking Organization, kama mfanyabiashara muhimu wa kigeni wa mihadarati kwa mujibu wa Sheria ya Wafanyabiashara wa Kigeni wa Mihadarati (The Foreign Narcotics Kingpin Designation Act), Kingpin Act ya nchi hiyo.

Watu saba wauawa kwa kuchomwa moto Malawi

Polisi nchini Malawi wanasema genge moja la watu limewauwa watu saba kwa kuwachoma moto kwa madai ya kukutwa na mifupa ya binaadamu kwa ajili ya matumizi ya kichawi kusini mwa nchi hiyo.

Mkuu wa polisi wa wilaya ya Nsanje, Kirdy Kaunga, anasema watu hao walikutikana na mifupa ya binadaamu na genge hilo likajiamulia kuchukua hatua mikononi mwao kwa kuwawasha moto wakitumia petroli.
Maafisa wanasema bado wanaendelea na uchunguzi iwapo mifupa hiyo ilikuwa ni ya watu wenye ulemavu wa ngozi, yaani albino.
Katika nchi kadhaa za Kiafrika, zikiwamo Malawi, Msumbiji na Tanzania, watu wenye ulemavu wa ngozi huandamwa kwa mashambulizi yanayolenga kukatwa viungo vyao ambavyo hutumiwa kwenye mambo ya kishirikina.

WAUZAJI WA JANI WAKUTANA ISRAEL

 Wakuzaji bangi wakutana Israeli

Wataalamu wanaohusika na matumizi ya bangi kama dawa wanakutana Israel kujadili uvumbuzi zaidi katika kilichokuwa sekta yenye thamani ya mabilioni ya dola duniani.

Hayo ndiyo maazimio ya Canna-Tech inayojumuisha wawekezaji, wakulima halali na watumizi wa bangi kama dawa.

SAA ZINAZOIBA MITIHANI

 Saa hizo zinauzwa katika Amazon an eBay

Saa za kisasa ambazo zimetengenezwa mahususi kutumiwa kudanganya wakati wa mtihani zimekuwa zikiwakosesha usingizi walimu na wasimamizi wa mitihani.

Saa hizo zina uwezo wa kuweka akiba data na maelezo ambayo yanaweza kusomeka mtu anapofanya mtihani.
Aidha, zina kitufe cha dharura ambacho kinaweza kubadili uso wa saa hizo haraka sana na badala ya kuonesha habari ziwe zinaonesha uso wa kawaida wa saa.
Saa hizo zinatangazwa katika soko la kuuza bidhaa mtandaoni la Amazon.
Mojawapo ya aina ya saa hizo ina uwezo wa kuweka akiba data ya 4GB. Nyingine, ambayo itaanza kuuzwa baadaye mwaka huu, itakuwa na uwezo wa 8GB na inaweza kuhifadhi hata video.
Baadhi ya saa hizo, zina kifaa kidogo sana cha kusikizia ambacho hakitumii nyaya, jambo linalowezesha mtu kusikiliza kilichohifadhiwa kwenye saa hiyo bila kuonekana.
Tangazo moja katika mtandao wa Amazon linasema mtu anaweza kununua saa ya aina hiyo kwa $61 (£43) sawa na sh 122,000?= Tsh.

RAIS DKT. MAGUFULI AMUAPISHA MHE. BALOZI ENG. JOHN WILLIAM KIJAZI KUWA KATIBU MKUU KIONGOZI

 Rais wa Jamhuri ya Muungano wa Tanzania Dkt. John Pombe Magufuli akimuapisha Balozi Eng. John William Herbert Kijazi kuwa Katibu Mkuu Kiongozi Ikulu jijini Dar es Salaam. Balozi Kijazi anachukua nafasi ya Balozi Ombeni Sefue ambaye atapangiwa kazi nyingine.