Utafiti: Kupungua kwa viwango vya mbegu za kiume kutasababisha kutoweka kwa binadamu

 Utafiti: Kupungua kwa viwango vya mbegu za kiume kutasababisha kutoweka kwa binadamu

Watafiti wanaochunguza matokeo yao tafiti 200 wanasema kuwa upungufu wa kiwango cha mbegu za kiume miongoni mwa Wanaume kutoka Marekani ya kaskazini, Ulaya, Australia na New Zealand umefikia nusu yake.

Baadhi ya wataalam wanashaka kuhusu matokeo hayo.
Lakini mtafiti bingwa anayeongoza utafiti huo Dkt Hagi Levine anasema kuwa alikuwa na wasiwasi mkubwa kuhusu kile kitakachofanyika katika siku za usoni.
Dkt. Levine ambaye ni mtaalamu wa magonjwa aliambia BBC kwamba iwapo mwenendo huo utaendelea basi huenda binadamu wakatoweka.
Utafiti huo ambao ni miongoni mwa tafiti kubwa ulileta matokeo ya tafiti 185 kati ya 1973 na 2011.
''Iwapo hatutabadili mienendo yetu ya kuishi mbali na kemikali na mazingira yetu, nina wasiwasi mkubwa kuhusu kile kitakachofanyika siku za usoni''.
Hatimaye tutakuwa na tatizo hususan na uzazi kwa jumla na huenda ikawa kutoweka kwa binadamu.
Wanasayansi ambao hawakushirikishwa katika utafiti huo wameusifu ubora wake lakini wanasema kuwa huenda ni mapema mno kutoa tangazo hilo.

Mamia waogelea wakiwa utupu Finland kuvunja rekodi

Ilikuwa mara ya tatu kwa jaribio la kuvunja rekodi hiyo kufanyika Finland

Mamia ya waogeleaji waliokuwa utupu walijumuika kwa pamoja kuogelea katika mto wenye maji baridi katika jaribio la kuvunja rekodi nchini Finland.

Washiriki walikuwa wanataka kuvunja rekodi ya dunia ya watu wengi zaidi kuwahi kuogelea kwa pamoja wakiwa utupu.
Watu 789 waliokuwa pia wanahudhuria tamasha ya muziki mashariki mwa Finland walijitosa kwenye maji kuogelea wakiwa utupu, waandalizi wanasema.
Walifanikiwa kuvunja rekodi ya awali iliyokuwa imewekwa na waogeleaji nchini Australia, kwa kuzidi watu hao kwa watu watatu, taarifa zinasema.
Waandalizi wamesema sasa wanasubiri rekodi yao ithibitishwe na maafisa wa Guinness World Records.
Hii ni mara ya tatu kwa jaribio la kuvunja rekodi hiyo kuandaliwa nchini Finland, mtandao wa habari wa Yle umesema.

Majaribio ya awali mjini Helsinki mwaka 2015 na mwaka 2016 yalivutia watu takriban 300.
Waandalizi wa tamasha hiyo ya muziki ya Ilosaari Rock mjini Joensuu walikuwa wamekusubia kuwapata watu 1,000.
Sawa na ilivyokuwa katika majaribio ya awali, ni watu mia kadha waliokuwa wamejitolea kushiriki.
Lakini muda mfupi kabla ya jaribio kufanywa, jua lilichomoza na hilo liliwafanya watu wengi zaidi kujitokeza, Yle wanasema.
Rekodi waliokuwa wakijaribu kuivunja iliwekwa mwaka 2015 mjini Perth na watu 786 waliokuwa wanajaribu kuhamasisha watu kuipenda miili yao.

Kuogelea nje kwenye mito na bahari ni utamaduni wa miaka mingi nchini Finland, ambapo "avantouinti" - kuogelea katika shimo la barafu - hutangazwa na bodi ya utalii nchini humo kama shughuli inayosaidia kusisimua mwili.

Mzee mwenye watoto 100 anasema ana nia ya kuongeza watoto zaidi

Kofi Asilenu mwenye umri wa miaka 80 ana watoto 100 

Wakati ulimwengu ulipoadhimisha siku ya idadia ya watu duniani mwanamume mmoja alikuwa na sababu 100 za kusherehekea.

Kofi Asilenu mwenye umri wa miaka 80 ni baba wa watoto 100 na wake 12.
Anaishi na familia yake katika kijiji chaAmankrom kilicho umbali wa kilomita 45 kutoka mji mkuu Accra.
Familia yake ni thuluthi moja ya watu 600 katika kijiji hicho.
Anasema kuwa anataka familia kubwa kwa sababu hakuwa na ndugu.
Sina kaka, dada wala shangazi, ndio sababu niliamua kuwa na watoto wengi ndio wapate kunipa maziko yaliyo mazuri nikifa.
Familia hiyo yake hata hivyo imemgharimu pakubwa. anasema alikuwa mtu mwenye mali nyingi, lakini mali hiyo ilipungua sana kutokana na gharama ya kuitunza familia yake kuwa kubwa mno.
Kofi Asilenu anaonekama kuwa mwenye afya nzuri na hata anasema kuwa anataka kupata  watoto zaidi.

Abiria asafiri kwa ndege na mkebe wa bia pekee kama mzigo

Kopo hilo lilifika lkiwa na kibandiko na likiwa bado halijafunguliwa

Mwanamume mmoja amefanikiwa kusafiri na kopo la bia pekee kama mzigo nchini Australia.

Mwanamume huyo ambaye alitambuliwa kama Dean Stinson alisema kuwa rafiki yake alikuwa amependekeza hilo kama mzaha.
Kopo hilo lilifika likiwa na kibandiko na likiwa bado halijafunguliwa kama mzigo wa kwanza katika uwanja wa Perth baada ya safari ya saa nne kutoka Melbourne.

 

Kopo hulo likiwa na kibandiko likiwasili eneo la kupokelea mizigo 

Shirika la ndege la Qantas lilisema kuwa haliwashauri abiria wengine kufuata mkondo huo.
Bwana Stinson aliiambia AFP kuwa alifurahi kuwa kopo hio liliwasila salama siku ya Jumamosi.
Shirika hilo halilipishi mizigo ambayo hubebwa na abiria.

Watu wawili wakwama katika shimo kubwa Brazil

 Shimo linalotitia nchini Brazil ambamo ndani yake kuna watu wenye vyombo vya moto

Kitengo cha dharura nchini Mexico kinafanya juhudi za kuwa  kuwaokoa watu wawili waliokuwa wamesafiri na gari ambao wamenaswa katika gari ambalo lililotumbukia katika shimo lenye urefu wa kina cha mita tano .

Shimo hilo lilionekana baada ya mvua kubwa iliyonyesha katika barabara kuu iliyozinduliwa hivi karibuni ambayo ni kiungo kati ya mji wa Cuernavaca na Mexico City.
Gari hilo na pikipiki vilitumbukia katika shimo hilo ambalo linadhaniwa kujitengeneza kutokana na mvua kubwa kuingilia sehemu ya barabara kuu iliyofanyiwa ukarabati kabla ya majira ya mvua

USHER RAYMOND AZURU SERENGETI NATIONAL PARK

Usher Raymond akipiga picha na familia yake katika mbuga ya Serengheti nchini Tanzania

Msanii wa Marekani Usher Raymond yuko ziarani nchini Tanzania akitembelea eneo la uhifadhi wa wanyama pori la Serengti National Park.

Bwana Raymond alichapisha baadhi ya picha akiwa na familia yake katika akaunti yake ya Twitter.
Alielezea hali ilivyo katika eneo hilo kama ya kufurahisha .
Ripoti za Usher Raymond kuzuru Tanzania zilisambaa kwa haraka nchini humo.

 

Usher Raymond

Watu wengine maarufu akiwemo mchezaji wa zamani wa Manchester United na Real Madrid David Becham, aliyekuwa mchezaji wa Liverpool Mamadou Sakho, mchezaji wa Everton Morgan Schneiderlin ni miongoni mwa wale waliozuri katika sehemu mbali mbali za kitalii nchini humo mwaka huu.
Vivutio vya kitalii nchini Tanzania kama vile mbunga ya uhifadhi wa wanyamapori ya Serengeti na mlima Kilimanjaro ni vivutio vinavyoongoza kwa utalii ambapo watu wengi maarufu wametembela.

Mkali wa hesabu raia wa Iran afariki Marekani

Prof Mirzakhanienzi za uhai wake

Maryam Mirzakhani, mwanamke wa kwanza kushinda tuzo la hesabu la Fields Medal amefariki nchini Marekani.

Professor Mirzakhan mwenye umri wa miaka 40 ambaye ni professor katika chuo cha Stanford, alikuwa akiugua ugonjwa wa Saratani ya matiti ambayo ilisambaa hadi kwa mifupa yake.
Alipewa jina mshindi wa Nobel ya hesabu. Tuzo la Fields Medal hutolewa baada ya kila miaka minne kwa kati wa wasomi wa hesabu wawili na wanne walio chini ya miaka 40.

Rais wa Iran Hassan Rouhani alisema kuwa kifo cha Prof Mirzakhan kileta huzuni nyingi.
Waziri wa mashauri ya nchi za kigeni Mohammad Javad Zarif, alisem kuwa kifo chake kimewaletea majonzi watu wote nchini iran.
Prof Mirzakhani na mumewe ambaye na mwanasayansi raia wa Czech, wana mtoto mmoja.

Prof Mirzakhaniakiwa darasani enzi za uhai wake

Rugemalira na Sethi wa IPTL waongezewa mashitaka 6

Wafanyabiashara wawili, Harbinder Sethi na James Rugemalira wamepandishwa kizimbani katika Mahakama ya Hakimu Mkazi Kisutu, Dar es Salaam

WAFANYABIASHARA wawili, Harbinder Sethi na James Rugemalira wamepandishwa kizimbani katika Mahakama ya Hakimu Mkazi Kisutu, Dar es Salaam kwa mara ya pili na kusomewa mashitaka mapya sita likiwamo la utakatishaji fedha na kusababisha hasara ya Dola za Kimarekani milioni 22.1 na Sh bilioni 309.4.
Rugemalira ambaye ni Mkurugenzi wa Kampuni ya VIP Engineering na mmiliki mwenza wa zamani wa Kampuni ya Kufua Umeme ya Independent Power Tanzania Ltd (IPTL) na Sethi ambaye ni Mwenyekiti Mtendaji wa Kampuni ya Power African Power (T) Limited (PAP), walisomewa mashitaka hayo jana mbele ya Hakimu Mkazi, Huruma Shaidi, yakifanya sasa wakabiliwe na mashitaka 12 baada ya awali kupandishwa kizimbani Juni 19, mwaka huu, ambako walikabiliwa na mashitaka sita.
Akiwasomea mashitaka hayo, Wakili wa Serikali, Shedrack Kimaro alidai washitakiwa hao wanakabiliwa na mashtaka ya kula njama, kujihusisha na mtandao wa uhalifu, kughushi, kutoa nyaraka za kughushi, kujipatia fedha kwa njia za udanganyifu, kuisababishia serikali hasara na kutakatisha fedha. Kimaro alidai kati ya Oktoba 18, 2011 na Machi 19, 2014 jijini Dar es Salaam, walikula njama katika nchi za Afrika Kusini, Kenya na India ili kutenda kosa.
Alidai katika mashitaka ya pili kati ya Oktoba 8, 2011 na Machi 19,2014 jijini Dar es Salaam, wakiwa siyo watumishi wa umma walishirikiana na watumishi wa umma kutekeleza mtandao huo wa uhalifu kwa lengo la kujipatia faida.
Katika mashitaka ya tatu yanayomkabili Sethi, inadaiwa kuwa Oktoba 10, 2011 katika Mtaa wa Ohio Manispaa ya Ilala jijini Dar es Salaam akiwa na nia ya ulaghai, alighushi fomu namba 14 A ya usajili wa kampuni na kuonesha kuwa yeye ni Mtanzania anayeishi Kitalu namba 887 Mtaa wa Mrikau, Masaki wakati akijua sio kweli.
Pia Sethi anadaiwa alitoa nyaraka ya kughushi ambayo ni fomu namba 14 A ya usajili wa kampuni kwa Ofisa Msajili wa Kampuni, Seka Kasera kwa njia ya kuonesha kwamba yeye ni Mtanzania na Mkazi wa Mtaa wa Mrikau, Masaki Kinondoni jijini Dar es Salaam.
Aidha, Kimaro alidai katika mashitaka ya kujipatia fedha kwamba kati ya Novemba 28 na 29, 2011 na Januari 23,2014 katika Makao Makuu ya Benki ya Stanbic Kinondoni na Benki ya Mkombozi, Tawi la Mtakatifu Joseph, kwa ulaghai washitakiwa hao walijipatia kutoka Benki Kuu ya Tanzania (BOT), Dola za Marekani 22,198,544.60 na Shilingi za Tanzania 309, 461,300,158.27.
Pia washitakiwa wote wanadaiwa kuisababishia serikali hasara ambapo inadaiwa walitenda makosa hayo Novemba 29, 2013 katika Benki ya Stanbic, Tawi la Kinondoni, kwa vitendo vyao waliisababishia serikali hasara ya Dola za Marekani 22, 198, 544.60 na Sh 309,461,300,158.27.
Kimaro alidai kati ya Novemba 29,2013 na Januari 23, 2014 maeneo tofauti Dar es Salaam, kwa pamoja walitenda kosa la kutakatisha fedha kwa kuchukua fedha kutoka BoT ambazo ni dola za Marekani milioni 22.1 na Sh bilioni 309.4 wakati wakijua fedha hizo ni zao la kujihusisha na genge la uhalifu.
Katika mashitaka ya nane, Kimaro alidai kuwa Novemba 29, 2013 katika Tawi la Benki ya Stanbic Tanzania, Wilaya ya Kinondoni, Sethi alitakatisha fedha kwa kuchukua kutoka BOT dola za Marekani milioni 22.1 wakati akijua fedha hizo zimetokana na zao la kujihusisha na genge la uhalifu.
Aidha, Sethi anadaiwa kuwa kati ya Novemba 29, 2013 na Machi 14,2014 katika Tawi la Benki ya Stanbic Kinondoni, Dar es Salaam alitakatisha fedha Sh bilioni 309.4 kutoka Benki Kuu ya Tanzania wakati akijua fedha hizo zimetokana na zao uhalifu.
Katika mashitaka ya 10, inadaiwa Januari 23, 2014 katika Benki ya Mkombozi, Tawi la St Joseph Cathedral, Rugemalira alitakatisha fedha ambazo ni Sh bilioni 73.5 kutoka kwa Sethi wakati akijua fedha hizo zimetokana na zao la kujihusisha na genge la uhalifu.
Pia inadaiwa Januari 23, 2014 katika tawi hilo la Benki ya Mkombozi, Rugemalira alitakatisha fedha ambazo ni dola za Marekani milioni 22 kutoka kwa Sethi wakati akijua fedha hizo ni zao la uhalifu.
Kimaro pia alidai Sethi anadaiwa kuwa Januari 28, 2014 katika Tawi la Benki ya Stanbic, Kinondoni alihamisha Rand za Afrika Kusini 1,305,800 kwenda kwenye akaunti namba 022655123 katika Benki ya Standard Land Rover Sandton ya Afrika Kusini wakati akijua katika kipindi anahamisha fedha hizo zimetokana na zao la kujihusha na genge la uhalifu.
Washtakiwa hao hawakutakiwa kujibu chochote kwa sababu mahakama hiyo haina mamlaka ya kusikiliza kesi za uhujumu uchumi. Hata hivyo, upande wa mashitaka ulidai kuwa upelelezi wa shauri hilo haujakamilika na washitakiwa wamerudishwa rumande hadi Julai 14, mwaka huu kwa kuwa mashitaka ya kutakatisha fedha yanayowakabili washtakiwa hao hayana dhamana.

Kangaroo afariki katika kiti akiwa na mvinyo Australia

 Kangaroo apigwa risasi na kufariki akiwa ameketi katika kiti na mvinyo mkononi

Maafisa wa polisi wanachunguza baada ya kangaroo kupatikana amepigwa risasi huku akishikilia mvinyo wa pombe mjini Melbourne Australia.

Maafisa wa wanyama pori nchini Australia wanasema mnyama huyo aliigwa risasi mara tatu na baadaye kufungwa akiwa ameketi katika kiti.
Iliripotiwa mwezi uliopita lakini mamlaka ilitoa picha wiki hii katika harakati za kutafuta habari.
Hukumu ya mauaji ya myama huyo kinyume cha sheria ni faini ya hadi dola 36,500 za Australia na hadi kifungo cha miaka miwili jela.
Idara ya mazingira, ardhi, maji na mipango ilisema kuwa inashirikiana na maafisa wa polisi kutatua uhalifu huo.
Lazima ilichukua muda mrefu kumuweka kangaroo huyo katika hali aliyokuwa kanda kando ya barabara.
Hesabu ya hivi karibuni ya kangaroo nchini Australia ni milioni 34.3

Mwanamume akatwa kidole kwa kung'atwa harusini Australia

 Polisi wakiongea na watu nje ya tukio

Mwanamume mmoja amekamatwa kwa madai kuwa alimng'ata na kukata kidole cha mtu mwingine wakati was sherehe ya harusi mjini Sydney Australia.

Mvamizi huyo mwenye umri wa miaka 42 aliingia katika sherehe moja ya harusi siku ya Jumamosi usiku na kujaribu kuiba mkoba.
Wakati wageni walipomkabili, mvutano ukatokea ambapo mwanamume huyo alingata kidole cha mtu mwingine.
Kidole kilichong'atwa hakiwezi kuokolea, kwa mujibu wa vyomo vya habari.
Mwanamume aliyeumia alipelekwa hospitalini ambapo alitibiwa na kuruhusiwa kuenda nyumbani.
Hizo hazikuwa ghasia za mwisho usiku huo kwani polisi walilazimika kuvunja mapigano yaliyotokea nje ya klabu