ANALIPWA KUBIRI ATOTO MALAWI: KUONDOA NUKSI

 
Eric Aniva maarufu kama  'Fisi ' aliyewabikiri zaidi ya watoto 104

Katika tamaduni nyingi kote duniani mwanamke anapoolewa huwa ni fahari kubwa sana akiwa ni bikira.

Mathalan ni dhihirisho la mwanamke kuwa amelelewa na kutunzwa vyema. Ni dhihirisho la usafi.
Hata hivyo jamii moja nchini Malawi haithamini ubikira wa watoto wao wa kike.
Amini usiamini wazazi huwa wanamlipa ''Fisi'' kumbikiri binti yao punde tu anapopata hedhi yake ya kwanza.

Bodi ya Tanzania yafafanua kuhusu Mlima Kilimanjaro

Mlima Kilimanjaro unapatikana Tanzania

Bodi ya Utalii Tanzania imetoa taarifa kufafanua kuhusu Mlima Kilimanjaro baada ya shirika moja la habari la Marekani kudaiwa kuchapisha taarifa iliyoonekana kuashiria mlima huo unapatikana Kenya.

Shirika hilo lilikuwa likiripoti kuhusu kifo cha Guguleth Zulu, raia wa Afrika Kusini, aliyefariki akikwea MlimaKilimanjaro hivi karibuni. Bw Zulu, 38, alikuwa akishuka baada ya kufanikiwa kupanda mlima Kilimanjaro katika mradi uliopangwa na taasisi ya Nelson Mandela ili fedha itakayopatikana iwanunulie pedi wasichana  nchini Afrika ya Kusini. Ameacha mke aitwaye Letshego na binti wa mwaka mmoja  Lelethu. Bw Zulu alikuwa dereva maarufu wa mbio za magari huko Afrika ya Kusini.
 
 Bw Zulu na mkewe Letshego wakianza safari ya kupanda mlima Kilimanjaro
“Tungependa kusahihisha habari za kupotosha zilizochapishwa na Miami Herald, kwamba Mlima Kilimanjaro unapatikana Tanzania na si Kenya,” taarifa iliyotiwa saini na meneja mkurugenzi wa Bodi ya Utalii ilisema.
Bodi hiyo inasema imeliandikia barua gazeti hilo na kulitaka lichapishe sahihisho.

VIGIGI WOOOTE WAKALA WA MISITU WATUMBULIWA

Gerald Kamwenda

SERIKALI imemuondoa katika nafasi yake Mtendaji Mkuu wa Wakala wa Misitu Tanzania (TFS), Gerald Kamwenda na wakurugenzi wenzake, katika jitihada za kufumua na kusuka upya shirika hilo.
Waziri wa Maliasili na Utalii, Profesa Jumanne Maghembe, ametangaza hatua hiyo ya serikali jana alipokutana na vyombo vya habari na kuongeza kuwa, watumishi wengine 41 wamehamishwa vituo vya kazi.
Alifafanua kuwa hatua hizo ni sehemu ya utekelezaji wa agizo la Waziri Mkuu, Kassim Majaliwa, lililotaka kufumuliwa na kusukwa upya kwa TFS ili kuongeza ufanisi.
Kutokana na hatua hiyo, Waziri Maghembe alisema Profesa Dos Santos Silayo ameteuliwa kuwa Kaimu Mtendaji Mkuu wa TFS, wakati Kamwenda anahamishiwa Chuo cha Viwanda vya Misitu kilichopo Moshi.
Aidha, Mwanaidi Kijazi aliyekuwa Mkurugenzi wa Usimamizi wa Raslimali za Misitu na Nyuki, yeye amekwenda kuwa Mhifadhi Mkuu Amani Nature Reserve na nafasi yake inachukuliwa na Zawadi Mbwambo.
Waziri Maghembe alisema Mohamed Kilongo aliyesimamishwa kazi Januari 5, mwaka huu uchunguzi umeonekana hana hatia na hivyo anaendelea kuwa Mkurugenzi Mipango na Matumizi Endelevu ya Rasilimali za Misitu.
Alisema Wizara imeamua Mkurugenzi wa Idara ya Misitu na Nyuki, Gladnes Mkamba ahamishiwe Idara ya Mipango makao makuu na nafasi hiyo kuteuliwa Dk Ezekiel Mwakalukwa, kuwa Kaimu Mkurugenzi.
Aidha Monica Kagya aliyekuwa Kaimu Mkurugenzi Msaidizi wa Maendeleo ya Ufugaji Nyuki, anakuwa Mtafiti Mwandamizi Idara ya Nyuki (Tawiri). Alisema Kagya ni mtaalamu wa masuala ya nyuki, hivyo atahamishiwa Taasisi ya Utafiti wa Wanyamapori, ili ashughulikie utafiti wa masuala ya nyuki.
Pia alisema katika Idara ya Wanyamapori, Profesa Alexander Songorwa anakuwa Kaimu Mkurugenzi wa Idara ya Wanyamapori, nafasi ambayo ilikuwa ikishikiliwa na Herman Kerayo ambaye anahamishiwa Idara ya Mipango Makao Makuu.
Profesa Ramadhan Kideghesho, yeye anakwenda kuwa Mkuu wa Chuo cha Mweka wakati Mabula Misungwi aliyekuwa Meneja Mradi Selous, anakwenda Chuo cha Wanyamapori Pasiansi na nafasi yake inachukuliwa na Jaffary Lyimo, huku Robert Mande akipelekwa kuwa Kaimu Mkurugenzi msaidizi Uzuiaji Ujangili.
Waziri Maghembe alisema Majjid Ally ameteuliwa kuwa Kaimu Mkuu wa Kitengo cha Leseni, nafasi iliyokuwa ikishikiliwa na Haji Mpya ambaye amehamishiwa Shamba Jipya Songea kuwa Ofisa Misitu Alisema Julai 18, mwaka huu Waziri Mkuu, Kassim Majaliwa alikutana na viongozi na watumishi wa Wizara hiyo na watendaji wakuu na watumishi wa TFS na kuagiza kufumuliwa na kusukwa upya kwa wakala huo.
Katika mkutano huo, Waziri Mkuu alitaka kuondolewa kwa utitiri wa vituo vya ukaguzi na kuwekwa vituo vichache na kuondolewa kwa ofisi za makontena yanayotumiwa na ofisi ya TFS, badala yake watumishi wanaofanya ukaguzi wasimame mahali pa wazi ili kuondoa mianya ya rushwa na kuweka uwazi katika utendaji.

Imeandikwa na Sifa Lubasi, Dodoma

Imechapishwa: 23 Julai 2016

THERESA MAY AANZA KUIONGOZA UINGEREZA KAMA WAZIRI MKUU

Waziri mkuu mpya wa Uingereza Theresa May ameanza rasmi jana kushika hatamu za kuiongoza nchi hiyo inayojitoa kutoka Umoja wa Ulaya. Lakini ameanza kwa mbinyo mkubwa kutokana na uteuzi wa baraza lake la mawaziri.

Waziri mkuu mpya wa Uingereza Theresa May

Uteuzi huo ikiwa ni pamoja na kumteua Boris Johnson kuwa waziri wake wa mambo ya kigeni. Huyo ni waziri mkuu Theresa May alipoanza kwa mara ya kwanza kutoa tamko lake rasmi baada ya kuombwa na malkia Elizabeth kuunda serikali, baada ya chama chake cha Conservative kumteua kuwa waziri mkuu badala ya David cameron.

Theresa May akiwa na mume wake Philip

Wiki tatu baada ya Uingereza kupiga kura kujitoa kutoka katika Umoja wa ulaya, May pia anajikuta katika mbinyo mkali kutoka kwa viongozi wa Umoja wa Ulaya , ambao wanamtaka kuanzisha mchakato wa kujitoa haraka iwezekanavyo.
Na wakati hali isiyoeleweka ya kiuchumi ikiongezeka kutokana na mshituko wa uamuzi wa kujitoa kutoka kundi hilo la mataifa, Benki ya Uingereza ilikuwa inatafakari uwezekano wa kupunguza riba ili kuchochea uchumi. Waziri mpya wa fedha ni waziri wa zamani wa mambo ya kigeni Philip Hammond.

GRACE MUGABE: MKE WA MUGABE AMBAYE MWANZONI AIBEZWA LAKINI SASA ANAOGOPWA

Rais Mugabe na Mkewe Grace

Kwa muda mrefu alikuwa akifanya mambo kichichini. 
Alizaa watoto wawili na Rais Mugabe akiwa bado katika ndoa na mke wake wa kwanza. Grace aliowana na Mugabe baada ya mke wake wa kwanza kufariki.

Kwa sasa ni mwenyekiti wa tawi la wanawake la chama tawala ZANU-PF akiwa na ushawishi mkubwa. Wengi wanadhani atarithi madaraka ya mume wake, ingawa yeye anakanusha kuwa na azma hiyo.

WAZIRI TIZEBA ATUMBUA WATANO

Waziri wa Kilimo, Mifugo na Uvuvi, Dk Charles Tizeba

WAZIRI wa Kilimo, Mifugo na Uvuvi, Dk Charles Tizeba amewasimamisha kazi wakurugenzi watano wa idara tofauti katika wizara hiyo kutokana na kuonesha udhaifu mbalimbali katika utendaji wao na wengine kusababisha hasara katika usalama wa chakula.
Waliosimamishwa kazi ni Kaimu Mkurugenzi wa Idara ya Usalama wa Chakula nchini, Ombaeli Lemweli kutokana na kutoa vibali vya ununuzi wa mazao na kuuzwa nje ya nchi ilhali tathmini ikiwa haijafanyika. Nafasi yake kuchukuliwa na Elimpaa Kiranga aliyekuwa Mkurugenzi wa Bodi ya Mazao Mchanganyiko.
Aidha, ameagiza kusimamishwa kazi kwa Mtendaji Mkuu wa Wakala wa Taifa wa Hifadhi ya Chakula (NFRA), Charles Walwa na nafasi yake kushikwa na Deusdedit Mpazi aliyekuwa Meneja wa NFRA kanda ya Dodoma, kutokana na kuharibu ghala la chakula na kusababisha hasara.
Viongozi wengine wa NFRA waliosimamishwa ni Mkurugenzi wa Uendeshaji wa Huduma, Anna Ngoo, Mkurugenzi wa Masoko, Mikalu Mapunda na Meneja wa NFRA, Songea Jeremia Mtafya ambao wametakiwa kupisha na uchunguzi kufanyika mara moja dhidi yao.

SAMSUNG YAANGUKIA PUA: NI SIMU KUWA NDANI YA MAJI

 
Simu ya Samsung yaingiza maji

Simu ya kisasa ya Samsung Galaxy S7 inayopigiwa upatu kuwa na uwezo wa kustahimili kuwa chini ya maji imefeli majaribio ya shirika la moja la kutathmini ubora wa bidhaa za kielektroniki.

Programu ya simu hiyo ya Samsung Active ilizima punde baada ya kutumbukizwa ndani ya pipa la maji.
Kampuni hiyo ya kutathmini ubora wa bidhaa, Consumer Reports ilirudia jaribio hilo kwa mara ya pili wakitumia simu tofauti na kama ile ya kwanza ikafeli.
Kampuni ya kutengeneza simu hiyo ya Samsung ikijitetea imesema huenda simu hizo zilikuwa ni mbovu na hivyo kuruhusu maji kuingia ndani.

MJUE EDER ALIYEWAPA WARENO KOMBE LA EURO 2016

 
Kabla ya fainali ya michuano ya Euro 2016 kati ya Ufaransa na Ureno kuanza, wengi walikuwa wakimzungumzia mshambuliaji wa Real Madrid Cristiano Ronaldo.
Lakini hali ilibadilika baada ya Ronaldo kuumia na kulazimika kuondoka uwanjani, huku akitokwa na machozi.

Kwa wengi, kitumbua cha Ureno kilikuwa kimeingia mchanga. Lakini, baadaye kulijitokeza shujaa mwingine. Huyu si mwingine ila ni Eder ambaye amjina yake ni Éderzito António Macedo Lopes

MAMBA 100 WATOROKA

 
Uchina inatafuta mamba 100 waliotoroka kutoka kwenye hifadhi moja baada ya mafuriko makubwa

Mamlaka nchini Uchina inajaribu kutafuta takriban mamba 100 waliotoroka kutoka kwenye hifadhi moja baada ya mafuriko makubwa yanayoshuhudiwa nchini humo.

Mafuriko hayo yaliwawezesha mamba hao kuogelea na kuondoka kwenye eneo lilizingirwa kwenye hifadhi hiyo katika mkoa wa Anhui.

Ni nadra sana kupata Mamba hao wa Uchina mwituni.
Hata hivyo mamba huwindwa kutokana na ngozi yao inayouzwa kwa bei ghali mno pamoja na nyama yao na pia hutumika kuwaburudisha watalii.

N

i nadra sana kupata Mamba hao wa Uchina mwituni.

Takriban watu 180 wamekufa maji kutokana na mafuriko hayo makubwa yanayoendelea kushuhudiwa nchini China.
Zaidi ya watu milioni moja wamelazimika kutorokea maeneo yenye milima ilikutoroka mafuriko yanayochacha.

URENO WAREJEA NYUMBANI NA KOMBE LA ULAYA

Portugal's players continued their Euro 2016 celebrations on Monday morning before boarding a plane home

Star man Cristiano Ronaldo posted this picture of him hugging the Euro 2016 trophy on the return flight

Ronaldo akinyanyua kombe hilo baada ya timu ya Ureno kulitwaa

 

Ricardo Quaresma akishikilia kombe hilo walilotwaa katika uwanja wa  Stade de France mjini Paris Ufaransa

Meneja wa Timu ya Ureno  Fernando Santos (kulia) akibeba kombe hilo

Basi la wachezaji wa timu ya Ureno likiwasili uwanja wa ndege tayari kurudi Ureno

Mshambuliaji wa Ureno  Eder aliyeingia baada ya Ronaldo kuumia, na ambaye alifunga goli lililowaua wafaransa akipongezwa na Ronaldo na Nani katika hoteli yao leo Jumatatu

WATU WENGI KUPIGWA PICHA ZA UTUPU UINGEREZA

Sanaa halisi

Mamia ya watu watavua nguo zao na kupigwa picha wakiwa tupu kusherehekea utamaduni katika mji wa Hull, Uingereza.

Tukio hilo litakuwa la kusherehekea mji huo kama Mji wa Utamaduni.
Washiriki watapakwa rangi ya samawati Jumamosi na kisha wapigwe picha wakiwa katika maeneo mashuhuri jijini humo kama sehemu ya mradi uliopewa jina Sea of Hull.
Mradi huo unatekelezwa na mpiga picha Bwana Spencer Tunick na unadhaminiwa na taasisi ya Sanaa ya Ferens Art Gallery.