Wabunge waidhinisha kilimo cha bangi Uholanzi

 Uholanzi huruhusu ununuzi wa vipimo vidogo vya bangi

Bunge la chini nchini Uholanzi limeidhinisha kuhalalishwa kwa kilimo cha bangi.

Mswada huo ulioidhinishwa, utawakinga wakulima wa bangi ambao wanatimiza masharti fulani dhidi ya kuadhibiwa.
Muswada huo bado haujaidhinishwa kuwa sheria, kwani utahitaji pia kuungwa mkono na Bunge la Seneti.
Ununuzi wa viwango vidogo vya bangi katika 'migahawa' unakubalika nchini Uholanzi.
Hata hivyo upanaji wa mmea huo na kuuzia kwa wingi migahawa ni kinyume cha sheria.
Migahawa hiyo hulazimika sana kununua bangi kutoka kwa walanguzi.
Mswada huo wa Jumanne ulifikishwa bungeni na mbunge wa chama chenye msimamo wa kutetea uhuru wa raia cha D66, ambacho kwa muda mrefu kimetetea kuelegezwa kwa masharti kuhusu kilimo cha bangi.
Mswada huo uliungwa mkono na wabunge 77 dhidi ya 72, licha ya mwendesha mashtaka wa umma kueleza wasiwasi kwamba kuhalalisha kilimo cha bangi kutaifanya Uholanzi kukiuka sheria za kimataifa.
Wizara ya Afya pia ilikosoa muswada huo.
Hata hivyo, wengi wanasema huenda ikawa vigumu kwa muswada huo kupitishwa katika Seneti, iwapo maseneta watapiga kura kwa msingi wa vyama.
Lakini licha ya shaka kuhusu hatima ya muswada huo, wadau katika sekta ya bangi wamesema wamefurahishwa na ufanisi huo.
"Ni habari njema kwa sekta ya migahawa kwani hatimaye - iwapo itapitishwa na Bunge la Seneti - itafikisha kikomo mambo mengi ambayo hatuwezi kuyafanya kwa mpangilio na kwa uwazi," Joachim Helms, mwenyekiti wa Chama cha Wamiliki wa Migahawa, aliliambia shirika la habari la Associated Press.

Marufuku matumizi ya anasa:Kashmir: Tanzania vipi

 Vyakula na matumizi ya anasa marufu sasa Kashmir

Serikali ya Jimbo la Kashmir nchini India imeweka zuio dhidi ya gharama za anasa.

Wazazi wa bibi harusi watapigwa marufuku kualika zaidi ya wageni mia tano, na wazazi wa bwana harusi watapigwa marufuku kualika zaidi ya watu mia nne.
Idadi ya aina ya vyakula kwenye sherehe itakuwa saba, huku mziki wa sauti ya juu na fataki vitapigwa marufuku.
Serikali ya Kashmir imesema imechukua hatua hiyo baada ya kuwepo kwa malalamiko ya watu kuhusu matumizi makubwa wakati wa sherehe na kelele zinazowakera wengine.
Amri hizo zitaanza kufanya kazi mwezi Aprili 2017.
Hapa Tanzania harusi zinakuwa na watu hata 1000 huku michango ya harusi ikifikia milioni 50 hadi 60 na kuendelea.
Jambo hili linawakera watu wengi hasa ukuzingatia kuwa fedha yote hii inaliwa kwa siku moja tu huku watu wakishindana ni shughuli ya nani ni kubwa zaidi. Serikali ingeiga mfano wa Kashmir au kwenda zaidi ya hapo ingefanya la maana sana.

Sayari saba mpya sawa na Dunia zagunduliwa

Sayari zingine saba zagunduliwa anga za mbali

Wataalamu wa masuala ya anga za juu wa Marekani wakishirikiana na wengine duniani, wamefanya ugunduzi mkubwa wa sayari saba zenye ukubwa sawa na wa Dunia ambazo zinaizunguka nyota mojawapo kama ilivyo kwa dunia kulizunguka jua.

Wanasayansi hao wa anga za mbali kutoka Marekani, Uingereza na Ubelgiji, wamebainisha kuwa sayari hizo saba walizozigundua zinaizunguka nyota ijulikanayo kwa jina la Trappist One.
Hata hivyo wanasayansi hao wamesisitiza kuwa kwa teknolojia iliyopo sasa inaweza kuwachukua maelfu ya miaka kuzifikia sayari hizo.

UKUSTAAJABU YA NANIHII UTAONA YA NINIHII: Aliyekatwa mikono kwa utasa ni mjamzito

 Jackline Mwende alikatwa mikono na mumewe

Mwanamke ambaye alishambuliwa na mmewe na kukatwa mikono nchini Kenya, baada ya ndoa yao kuvunjika kwa kishindwa kuzaa mtoto, sasa anaripotiwa kuwa mjamzito.

Muda mfupi baada ya kushambuliwa, Jackline Mwende alisema kuwa madaktari walikuwa wamewajulisha kuwa yeye alikuwa na uwezo wa kushika mimba, lakini mmewe Stephen Ngila, hakuwa na uwezo wa kuzaa.
Kwenye mahojiano na gazeti na Daily Nation, Mwende amesema kuwa hali hii ilichangia aanze uhusiano mwingine nje ya ndoa.
Anasema alikuwa na haja ya kuwa na watoto ndipo akaanza uhusiano na mwanamume mwingine ili kuokoa ndoa yake, lakini mumewe ambaye sasa anakabiliwa na kesi ya kutaka kuua akagundua.
"Nilikuwa ninataka mtoto. Nilikuwa na haja ya mtoto...na pia ibilisi alisababisha mimi kutembea nje ya ndoa yangu. Haikuwa vizuri kufanya hivyo, ninajua watu watanihukumu vikali kwa sababu ya hilo. Kwa vile niko hai na nitajifungua mtoto hivi karibuni, nina matumaini licha ya kupitia taabu." Alisema Bi Mwende.

KIJANA WA MIAKA 22 AUA FISI

---

KIJANA mwenye umri wa miaka 22, Yusuf Ali, mkazi wa Kijiji cha Mgongo, Wilaya ya Iramba, Mkoa wa Singida, amepambana na fisi na kufanikiwa kumuua (22).
Tukio hilo lilitokea juzi kijijini hapo, baada ya fisi huyo kumvamia akiwa na wenzake wawili.
“Siku hiyo nilikuwa na wenzangu wawili tukitembea na ghafla tukamuona fisi akituangalia.
“Baada ya dakika chache, alituvamia na kuanza kuwashambulia wenzangu na kuwasababishia majeraha katika miili yao.
“Baada ya kuwajeruhi wenzagu, alinikimbiza na alipoanza kunishambulia, nilipata nguvu za ghafla na kuanza kupambana naye.
“Nilimkaba kabari ya shingo, kisha nikamshika mdomo kwa nguvu ili asiachame na wakati huo nilikuwa nikipiga kelele za kuomba msaada.
“Kutokana na kelele hizo, watu walikuja na kuanza kumkata na mashoka, mapanga na wengine kumpiga na marungu hadi akafa na hapo ndipo nikapumua na kumshukuru Mungu  kwa jinsi alivyoniokoa,” alisema kijana huyo.
Wakati huo huo, fisi wilayani humo, wanatishia maisha ya wakazi wa wilaya hiyo baada ya kujeruhi watu saba kwa nyakati tofauti.
MTANZANIA imeshuhudia majeruhi watano walioshambuliwa na mnyama huyo na kulazwa katika Hospitali ya Kiomboi na wengine wawili kuhamishiwa katika Hospitali ya Hydom, iliyoko Wilaya ya Mbulu, Mkoa wa Manyara.
Tukio la kwanza la mnyama huyo, lilitokea Februari 14, mwaka huu katika Kijiji cha Mgongo ambapo alijeruhi watu wanne.
Akizungumzia matukio hayo, Diwani wa Kata ya   Mukulu, Advesty Christopher, aliiambia MTANZANIA jana, kwamba Februari 16 mwaka huu, saa 11 jioni, fisi mmoja alijeruhi watu watatu na kuwasababishia maumivu makali.
“Nilipopata taarifa hiyo, nilikwenda moja kwa moja kwenye tukio katika Kitongoji cha Kagera (Mukulu D). Nilipofika mahali hapo, niliambiwa majeruhi walikuwa wamepelekwa Hospitali ya Wilaya ya Kiomboi.
“Lakini, kijijini hapo nilikutana na kijana mmoja anaitwa Ramadhani Kibuda ambaye alinisimulia jinsi tukio hilo lilivyokuwa.
“Alisema wakati wa tukio, yeye na wenzake walikuwa njiani wakitembea na walipomuona fsi huyo, aliwafuata na kuanza kuwashambulia mmoja baada ya mwingine, lakini yeye alinusurika baada ya kupanda kwenye mti,” alisema Diwani Christopher.
Naye Mganga Mfawidhi wa Hospitali ya Wilaya hiyo, Dk. Adam Mashenene, alithibitisha kupokea majeruhi waliofikishwa hospotalini hapo baada ya kujeruhiwa na fisi.
Alitaja majina ya majeruhi hao kuwa ni Yusuf Ali (22), Ramadhani Juma(65) na Charles Juma (42), alijeruhiwa usoni.

WATANZANIA KUFUKUZWA MSUMBIJI: NI SHUKRANI YA PUNDA???

Juzi watanzania 58 ambao walikuwa wanaishi nchini Msumbiji wamefukuzwa nchini humo na kurudishwa Tanzania huku wakidai kunyang’anywa mali zao, vitambulisho pamoja na hati za kusafiria na askari wa Msumbuji.
Watanzania hao kabla ya kufikishwa kwenye mpaka wa Tanzania na Msumbiji mpaka wa Kilambo waliwekwa ndani ya mahabusu kwa siku tatu bila chakula.
Watanzania ambao wamefukuzwa nchini Msumbiji wamesena wameacha kila kitu, fedha walizokuwa nazo mifukoni wameporwa na askari wa Msumbiji wakati wanakamatwa, sehemu zao za biashara ambazo walikuwa wamefungua wameziacha wazi, bila kufuata taratibu raia hao waliwekwa mahabusu na baada ya siku tatu wakafikishwa mpaka wa Kilambo mkoani Mtwara ambao ni mpaka wa Tanzania na Msumbiji.
Wakiwa mkoani Mtwara raia hao ambao wanatoka mikoa mbalimbali hapa nchini wameiomba serikali kuwasaidia kwani hata mawasiliano na ndugu zao yamekuwa magumu kutokana kuporwa simu na askari wa Msumbiji.
Jambo la kujiuliza ni hili: Hii sio shukrani ya punda? 
Ikumbukwe kuwa Tanzania iliwasaidia Watu wa Msumbiji kwenye vita ya kumng'oa Mreno na baadaye katika vita dhidi ya RENAMO. Watanzania wengi walikufa kwenye vita hizo mbili. Wengi walipata ulemavu wa kudumu. Lakini pia Wareno waliua watanzania wengi pale walipokuwa wanashambulia Mkoa wa Mtwara  kama kulipiza kisasi kwa kitendo cha kuisaidia FRELIMO.
Cha kufanya tunao watu wengi wa Msumbiji hapa nchini. tunashauri Serikali makini ya awamu ya tano kuwarudisha makwao.

Mkalimani ‘feki’ aliyedaiwa kumpotosha mtali kwa tafsiri aomba radhi Tanzania

 Mwelekezi huyo wa watalii amesema walikuwa wanafanya utani

Mkalimani anayedaiwa kutafsiri maneno yasiyo sahihi kutoka kwa mmoja wa watalii aliyetembea hifadhi ya Ngorongoro, hatimaye ameibuka na kuomba radhi kutokana na video hiyo iliyosambaa kwa madai kuwa alikuwa katika mazingira ya kufanya utani.

Awali mkalimani huyo anayeitwa Simon Sirikwa aliwekwa chini ya ulinzi kutokana kile kilichokuwakinatafsiriwa kudaiwa kuwa kilikuwa kinapotosha uhalisia wa maneno yaliyokuwa yakizungumzwa na mtalii aliyekuwa akisifia kile alichokiona baada ya kutembelea eneo hilo la utalii.

Hata hivyo katika video mpya aliyoitoa akiwa na mtalii yule yule aliyeonekana katika video ya kwanza, amesikika akizungumza kwa lugha ya Kiswahili akiomba radhi kwa kile alichokuwa amezungumza kwenye video ya awali.
"Kama mlivyoona video yangu niliyopitisha mimi ni tour guide kwa zaidi ya miaka kumi sasa, siwezi kuichafua hii nchi hata kidogo, hata aliyetoa hiyo video kwenye Facebook, kwenda kwenye Whatsapp na kuisambaza kwenye makundi ya kijamii atakuwa amekosea," amesema Sirikwa.
"Lakini ilikuwa ni comedy, ilikuwa ni utani, na najua kuna watu wamekwazika, ila naomba samahani kwa waliokwazika, ila kwa mafansi wangu, wafuasi wangu endeleeni kupata burudani, ila mfahamu sijafanya hichi kitu kwa serious wala sikuwa na makusudio yoyote mabaya, asanteni."
Baadhi ya watu wanaomfahamu Sirikwa walipohojiwa na BBC wamemuelezea alivyo mtu wa utani na kwamba anajulikana kwa jina la utani kama Mpondamali.

Amuua mfanyakazi akidhani ni ngiri Afrika Kusini

Ngiri

Watu nchini Afrika Kusini wamegadhabishwa, kufuatia taarifa za mwanamme mmoja, ambaye analaumiwa kwa kumuua kwa kumpiga risasi mfanyakazi wa shamba, akidhani kuwa mtu huyo ni ngiri.

Stephen Hepburn alifikishwa mahakamani ili kujibu mashtaka ya mauaji.
Yeye na mwenzake wa kike walikuwa wakiwawinda ngiri kwenye shamba moja lililo mkoa wa Limpopo kaskazini siku ya Jumamosi, wakati Jan Railo ambaye alikuwa na umri wa miaka 23 aliuawa.

Msemaji wa Polisi Motlafela Mojapelo aliiambia BBC kuwa Bwana Hepbaun, alikamatwa siku ya Jumatutu.
Mojapelo aliongeza kusema kuwa bwana Hepburn alisema kuwa aliafyatua risasi eneo ambapo alisikia sauti alipokuwa akiwinda, na alipoenda kuangalia akapata kuwa ni mtu alikuwa amelala chini.
Wanachama wa tawi la chama cha ANC eneo hilo ambao waliofika mahakamani walisema hawaamini ikiwa mauaji hayo yalikuwa ya kimakosa.

Familia yenye watu 500 yapiga picha China

Familia ya Ren yapiga picha kwa pamoja

Zaidi ya jamaa 500 wa familia moja huko China wamepiga picha ya familia.

Picha hizo zilichukuliwa wakati wa kusherehekea mwaka mpya nchini humo ambao huadhimishwa na familia kubwa na vyakula.
Mpiga picha Zhang Liangzong alipiga picha hizo kwa kutumia ndege isiokuwa na rubani karibu na eneo la kitalii la Shishe.
Aliambia BBC kwamba familia ya Ren ambayo inatoka kijijini inadaiwa kuanza miaka 851 iliopita lakini rekodi ya udugu wao haijaangaziwa kwa zaidi ya miongo minane.
Wazee wa kijiji hivi majuzi walianza kuangazia rekodi za familia hiyo na kufanikiwa kupata ndugu wengine 2000 kupitia vizazi saba, alisema Bw Zhan.

MJUSI ANAYEBAMBUA MAGAMBA KUWATOKA MAADUI

Geckolepis megalepis ana uwezo wa kubambua magamba kwa urahisi mno Jamii mpya ya mjusi aliyetambuliwa hivi majuzi, ambaye ana tabia ya kujibambua magamba yake mwilini mwake na kumuacha adui anayetaka kumla, pindi anaposhambuliwa.
Jamii nyingi za mijusi hukata mkia, wanaposhambuliwa, lakini mjusi huyu aliye na magamba kama samaki, ana magamba mengi mno yanayobambuka kwa urahisi.
Mjusi huyu aliyetambuliwa, ni bingwa wa usanii, wanasema wanasayansi, wakiwa na kiwango kikubwa mno cha magamba kuliko aina yoyote ya mjusi duniani.

UNA KIGUGUMIZI? FANYA YAFUATAYO

 
Kigugumizi ni hali ambayo mtu anashindwa kuongea moja kwa moja, kukwama kutamka neno, kurudiarudia neno au kuacha kuongea kabisa. Hali hii inawakumba watu kiasi cha milioni 70 dunia nzima. Hakuna sababu moja inayosababisha tatizo hili. Baadhi ya machapisho yanasema kuwa tatizo linatokana na baadhi ya neva (nerves) kushindwa kuwasilisha au kupeleka taarifa moja kwa moja, kurithi ambapo wanasema mtoto mwenye wazazi wenye kigugumizi ana uwezekano mkubwa wa kuwa na kigugumizi nk
.
Ni tatizo ambalo linahusu kushindwa kuongea moja kwa moja lakini pia kuna wanaoshindwa kuongea kabisa. Mara nyingi watu wa aina hii wanakuwa na hasira sana. Wakati mwingine wakikutana na mtu mwenye kigugumizi wanakasirika sana wakidhani wanawatania.
Mwanzoni unaweza kumgundua mtu mwenye kigugumizi kwa kurudia herufi kwa mfano u-u-u-naju- ju-jua, hahahaa- bari yayayaa-ko nk.
Matibabu:
Kwa hapa nchini sina uhakika kama tuna madaktari bingwa wa taaluma ya kuzungumza (speech) lakini kwa nchi za Ulaya kuna watu waliosome na kubobea na kuitwa certified speech-language pathologist (SLP).Ila kama  una tatizo la kigugumizi au mwanao unshauriwa kufanya yafuatayo:

• kujaribu kujizoeza kutamka neno moja moja 
• baada ya hapo ujaribu sentensi fupifupi
• ujaribu kujizoeza kuzungumza taratibu
• ujaribu pia kujizoeza kupumua taratibu
• kujaribu kupunguza hasira

Al-Shabab wawakata vichwa wapelelezi wa Marekani na Kenya

Kundi la wanamgambo la al-Shabab la nchini Somalia, limethibitisha kuwa limewaua wanaume wanne waliolaumiwa kwa kuipelelezea Marekani, Kenya na serikali ya Somalia inayoungwa mkono na nchi za magharibi.

Wanaume hao walikatwa vichwa hadharani kwenye mji ulio wilaya ya Jamame eneo la Jubba karibu kilomita 70, kaskazini mwa mji wa Kismayo baada ya kupatwa na hatia na mahakama ya Sharia.
Wanaume hao walikiri kuwa walikuwa wapelelezi, kwa mujibu wa shirika la Reuters, lililomnukuu gavana wa al-Shabab Abu Abdalla, eneo la Jubba.

DAWA YA KUKABWA USINGIZINI USIKU HII HAPA

Mtu aliyelala na kuhangaika huku akikabwa

Kuota ndoto mbaya ni jambo la kuchokesha sana. Hili ni tatizo linalowapata watu wengi sana. Mtu anapoota ndoto mbaya anaweza kuamka akiwa na hofu kubwa, kuchanganyikiwa, kukata tamaa na maisha,  hasira kubwa na woga mkubwa na kadhalika.

Ndoto hizi zinaweza kuwa na matukio ya kukosa amani hatari na hata kuhamanika (panic). Waathirika wa ndogo hizi mbaya wanapozinduka wanakuwa katika hali ya kuchanganyikiwa na inawachukua muda kupata usingizi tena.
Ndoto hi mbaya zinaweza kusababishwa na mambo yafuatayo:

• kulala vibaya kama kujikunja sana, kupindisha shingo kwa kutumia mto mkubwa sana
• kuwa na homa inayoanza
• kuwa na msongo wa mawazo
• kuwa na mhemko (anxiety)
• kutumia baadhi ya madawa makali kabla tu ya kulala.
• kula vyakula vigumu kabla ya kulala mfano ugali mgumu
• Sababu za kibinadamu (wanga)

Nini kifanyike?
Mambo ya kufanya kuepuka hali hii ni haya yafuatayo:

• Uwe na utaratibu wa kulala ukiwa umejinyoosha bila kujikunja sana
• kuangalia kama una homa
• kujitahidi usiwe na msongo wa mawazo 
• kukwepo mihemko
• kujitahidi kukwepa kutumia madawa makali na kwenda kulala saa hiyo hiyo
• kukwepa kula vyakula vigumu kabla ya kulala iwapo ni mlaji wa ugali jitahidi uwe mlaini au kuwepo na muda mrefu baada ya kula kabla ya kulala. 
• Iwapo hizo zote hazisaidii basi inawezekana ni tatizo la kibinadamu (wanga) hivyo cha kufanya ni kugeuka ulivyolala kama kichwa kilikuwa magharibi geuka kichwa kielekee mashariki na kadhalika. 

NINI MAONI YAKO ? 

Mwanamke akatwa masikio yake na mumewe KISA WIVU

Mwanamke aliyekatwa masiko yake na mumewe

Mwanamke mmoja wa miaka 23 kutoka nchini Afghanistan ameielezea BBC kwamba mumewe alimfunga kamba na kumkata masikio yote mawili katika mzozo wa kiunyumba katika mkoa wa kaskazini wa Balkh.

Mwanamke huyo Zarina kwa sasa yuko hospitalini akipata matibabu na hali yake inaendelea nzuri
''Sijatenda dhambi lolote'' ,alisema.''sijui kwa nini mume wangu alinifanyia hivi''.
Mume huyo kwa sasa ameenda mafichoni katika Ulaya kufuatia shambulio hilo kulingana na maofisa wa polisi.
Zarina ameambia chombo cha habari cha Pajhwok kwamba shambulio hilo ambalo anasema halikusababishwa na hatia yoyote lilifanyika baada ya mumewe kuamka.
Mwanamke huyo aliolewa akiwa na umri wa miaka 13 na ameiambia BBC kwamba uhusiano wake na mumewe haukuwa mzuri.
Zarina alilalamika kwamba mumewe alijaribu kumzuia kuwatembelea wazazi wake na amesema hataki kuwa naye tena.
"Ananishuku sana na kila mara hunituhumu kwa kuzungumza na wanaume wengine wakati ninapoenda kutembelea wazazi wangu'' ,alisema.
Zarina anataka akamatwe na kushtakiwa