ALALA MASKINI AKAAMKA TAJIRI Ufaransa

Mwanamume asiye na makazi amepata pesa nyingi uwanja wa ndege Ufaransa

Mwanamume ambaye alipata pauni 260,000 baada ya kuegemea mlango wa kampuni ya Charles de Gaulle kwenye uwanja wa ndege nchini Ufaransa na mlango ukafunguka na kukuta kitita cha fedha  anaaminiwa kuwa mtu asiye na makazi.

Polisi wanasema kuwa walimtambua mwanamume huyo kupitia kwa kamera za CCTv kama mmoja wa watu wanaolala karibu na uwanja wa ndege.
Mlango wa kampuni inayoshughulikia masuala ya fedha ya Loomis terminal 2F, ulikuwa umeachwa bila kufungwa na mwanamume ambaye umri wake unakisiwa kuwa miaka 50 hivi alitoka nje akiwa na mifuko miwili ya pesa.
Kwa sasa anasakwa na polisi.
Mwendo wa saa (16:30 GMT) Ijumaa iliyopita king'ora kililia katika kampuni hiyo inayohusika na masuala ya fedha.

Maafisa waliochunguza video ya cctv waligundua kuwa mwananamume huyo alikuwa akichakurachakura kwenye ndoo za taka nje ya ofisi hizo ili kupata chochote kitu, na kuonekana kushangazwa wakati mlango aliokuwa ameegema ulipofunguka ghafla.
Aliingia ndani na muda mfupi baadaye akaondoka akiwa amebeba mifuko miwili.
Mwanamume huyo aliacha mfuko wake nyuma lakini haukuwa na stakabadhi yoyote ambayo ingesababisha atambuliwe.
Pesa alizochukua zinatajwa kuwa jumla ya pauni 260,000 ambazo ni zaidi ya shilingi za Kitanzania milioni 750. AMELALA MASKINI AKAAMKA TAJIRI usikate tamaa hadi uingie kaburni!!!!.

Mpanda majengo marefu ahofiwa kufariki baada ya kuanguka China

Mpanda majengo marefu afariki baada ya kuanguka China

Mpanda mijengo mirefu ambaye ni maarufu sana nchini China amehofiwa kufariki akionyesha moja ya ujuzi wake hatari.

Wu Yongning alikuwa amejizolea maelfu ya mashabiki kwenye mtandao ya kijamii wa Weibo, kutokana na video zake fupi za kutisha akiwa juu ya majengo marefu bila ya kuchukua tahadhari zozote za kiusalama.
Wasi wasi uliwaingia mashabiki wake wakati aliacha kuchapisha video zake mwezi Novemba.

Sasa imeibuka kuwa alikufa baada ya kuanguka kutoka jumba la ghorofa 62 kwenye mji wa Changsha.
Vyombo vya habari nchini China vinasema kuwa alikuwa akishiriki kwenye mchezo wa kushinda pesa nyingi.

 

Mpanda majengo marefu akionesha manjonjo huko China

PENZI LIKIKOLEA HATARI: Mwanamke aliyemuua mume wake ili aishi na mpenzi wake India

 Swati Reddy (kulia) na mpenzi wake wanadaiwa kumuua mume wake Sudhakar (kushoto) mwezi uliopita

Wapenzi wiwili nchini India wamekamatwa kwa kumuua mume wa mwanamke na kisha kujaribu kumfanyia upasuaji wa kubadilisha sura mwanamume mpenzi ili aweze kuchukua mahala pake,

Tindi kali ilimwagwa kwenye uso wa mwanamume, mpenzi wa mwanamkea, katika shambulizi lililopangwa, huku wapenzi hao wakipanga kusema kuwa sura yake ilikuwa imebadilika baada ya upasuaji.
Lakini ndugu wa bwana wa mwanamke aligundua mpango huo alipofika hospitalini.
Alitoa malalamiko yake kwa polisi ambao walifanya uchunguzi wa vidole na kugundua njama huyo.
Mke, Swati Reddy amekamatwa. Polisi waliiambia BBC kuwa watamkamata pia mpenzi wake, Rajesh Ajjakolu mara atakapotibiwa majeraha yake na kuruhusiwa kuondoka hospitalini.

 

Rajesh Ajjakolu alilazwa hospitalini akiwa na majeraha ya uso

Bwana Sudhakar Reddy anadaiwa kuuliwa usiku wa tarehe 26 Novemba na mwili wake kutupwa siku iliyofuatia. Hadi sasa mwiwi huo bado haujapatikana.
Polisi wanasema kuwa mwanamke huyo amekiri kuwa walimuua mume wake.
Rajeshi Ajjakolu alilazwa hospitalini tarehe 28 Novemba huku Bi Reddy akiwajulisha familia ya mume wake kuhusu shambulizi la tindi kali.
Polisi wanasema kuwa wazazi wa Bw. Reddy waliamini kuwa mwanamume ambaye alikuwa akipata matibabu alikuwa ni mtoto wao na kulipa hadi dola 7,758 kama bili ya hospitali.
Njama hiyo haikugunduliwa hadi tarehe 9 mwezi Disemba, wakati ndugu yake Reddy, alifika hospitalini humo na kuwajulisha polisi aliposhuku kuwa mwanamume huyo hakuwa ndugu yake.

RAILA AUFYATA: aahirisha Shughuli za kumuapisha kama Rais wa Kenya

Raila Odinga Muungano mkuu wa upinzani nchini Kenya NASA, umetangaza kuahirishwa kwa shughuli ya kumuapisha kinara mkuu wa muungano huo Raila Odinga na Stephen Kalonzo Musyoka, kama rais na makamu wa rais mtawalia wa Jamhuri ya Kenya.
Shughuli hiyo ilikuwa imepangwa kufanyikasiku ya Jumanne tarehe 12 mwezi huu.
Katika taarifa iliyotolewa leo na muungano wa NASA ni kuwa tarehe mpya ya kuapishwa kwa Bw. Odinga na Musyoka, na pia kuzinduliwa kwa mabunge ya wananchi itatangazwa baadaye.
Odinga alijiondoa kwenye uchaguzi mkuu ambao ulifanyika tarehe 26 mwezi Oktoba ambapo Uhuru Kenyatta aliibuka mshindi.

Uchaguzi huo wa tarehe 26 ulikuwa ni marudio ya uchaguzi mkuu, baada ya mahakama ya juu  nchini Kenya kufuta matokeo ya uchaguzi wa tarehe 8 mwezi Agosti mwaka huu.
Wakati wa kuapishwa kwake tarehe 28 mwezi uliopita, Rais Uhuru Kenyatta aliahidi kuunganisha taifa katika muhula wake wa pili uongozini katika sherehe ambayo ilisusiwa na viongozi wa upinzani.
Akihutubu baada ya kula kiapo uwanjani Kasarani, Nairobi, kiongozi huyo alisema ameyasikia baadhi ya mapendekezo ya upinzani na atazingatia baadhi.
Hata hivyo aliwahimiza viongozi wa upinzani kuheshimu sheria na katiba ya nchi hiyo.

Mwanamuziki maarufu Tanzania Babu Seya na familia yake waachiwa huru kwa msamaha wa rais

Babu Seya na wanawe waachiwa kwa msamaha wa Rais

Rais John Magufuli wa Tanzania leo amemuachia huru,Mwanamziki maarufu nchini Tanzania Nguza Viking, maarufu kama Babu Seya aliyehumiwa kifungo cha maisha jela.

Msamaha huu unatajwa kuwa historia na hasa kuwasamehe wafungwa wa maisha na wale wa kunyongwa.ambapo kwa leo wa kunyongwa waliachiwa huru ni 61 na wengine walioachiwa huru kutokana na makossa mbali mbali ni 1,821 huku wengine 8157 wamepunguziwa adhabu zao.
Nguza Viking, maarufu kama Babu Seya na watoto wake watatu walihukumiwa kifungo cha maisha jela kwa makosa ya kubaka na kulawiti watoto.
Mwaka 2010, rufaa yao ilisikilizwa katika Mahakama ya Rufaa, na kuwaachia huru Nguza Mashine na Francis Nguza baada ya kuwaona hawana hatia katika makosa yote waliyoshitakiwa.
Baada ya rufaa hiyo, Babu Seya na mwanaye Papii Kocha walipatikana na hatia na hivyo kuendelea kutumikia adhabu ya kifungo cha maisha jela.
Tarehe 30 Oktoba mwaka huu, Mahakama ya Rufaa iliyoketi chini ya jopo la majaji watu, likiongozwa na Mhe Jaji Nathalia Kimaro, akisaidiana na Majaji Mbarouk Mbarouk na Salum Masati walisikiliza hoja za pande zote kuhusu ombi la kufanyika mapitio ya uamuzi wa awali wa mahakama hiyo.
Alhamisi, Mahakama ya Rufaa baada ya kufanya mapitio ikiwa imeketi chini ya majaji watatu, imeendelea kuwaona warufani hao wawili kuwa na hatia na hivyo kuendelea kutumikia adhabu yao.
Upande wa utetezi ukiongozwa na wakili wao Mabere Marando uliomba kupitiwa upya kwa uamuzi huo, ukidai kuwepo kasoro katika ushahidi uliowatia hatiani, ikiwemo kukosekana kwa mashahidi muhimu katika kesi hiyo.
Majaji walisema kuwa kuna uthibitisho kuwa warufani hao wawili waliwabaka watoto wa shule ya msingi mwaka 2003.
Kesi hiyo imewashtua mashabiki wa mwanamuziki Viking nchini Tanzania na kanda nzima ya Afrika Mashariki.
Mwanamuziki huyo mwenye kuimba nyimbo za Rhumba, ambaye ni mzaliwa wa DRC, ameishi Tanzania kwa miaka mingi na kuwa na mashabiki wengi.
Mwandishi wa BBC Ben Mwang'onda mjini Dar es Salaam anasema kuwa Nguza Viking na mtoto wake Johnson Nguza maarufu kama Papii Kocha ambaye pia ni mwanamuziki, walifika mahakamani hapo kusikiliza hatma yao.
Walionekana kuwa watulivu wakati majaji walipotupilia mbali ombi lao kutaka hukumu yao kubatilishwa.
Walihukumiwa kwa kuwabaka watoto10 wa shule ya msingi waliokuwa kati ya umri wa miaka sita na nane wote waliokuwa katika shule ya msingi ya Mashujaa wilayani Kinondoni mjini Dar es Salaam.
Wakili wa muimbaji huyo alisema kuwa mwanamuziki huyo hana matumaini tena ya kupewa rufaa kwani hili ndilo ombi lake la mwisho.

Rais Magufuli Aangalia Kiatu Kinachotengenezwa Na Kiwanda Cha Magereza Cha Karanga

Rais wa Jamhuri ya Muungano wa Tanzania Dkt. John Pombe Magufuli akiangalia ubora wa kiatu cha Mrakibu Msaidizi wa  Magereza Melkior Komba, Katika Ikulu ya Chamwino mkoani Dodoma. Viatu hivyo vimetengenezwa na kiwanda cha Jeshi la Magereza Karanga kilichopo Moshi Mkoani Kilimanjaro.

Jeshi la Magereza linazalisha jozi 150 za viatu kwa siku katika kiwanda chake cha Karanga kilichopo Moshi Mkoani Kilimanjaro, na kwa kushirikiana na mfuko wa hifadhi ya jamii wa PPF limeanza kuboresha kiwanda hicho ili kufikia uzalishaji wa jozi 450 kwa siku.

 

Mheshimiwa akitaka kuwasaidia aagize Watanzania wavae viatu hivyo vya Karanga

Kampuni kutumia ndege kuwafukuza wafanyakazi ofisini Japan

Kampuni hiyo ya Taisei inapanga kuanza kufanyia majaribio mpango huo Aprili mwaka ujao

Kampuni moja nchini Japan inapanga kutumia ndege zisizo na rubani kuwafukuza wafanyakazi wanaokosa kwenda nyumbani na kutaka kuendelea na kazi muda wao wa zamu ukimalziika.

Ndege hiyo zitakuwa zikipaa hadi walipoketi wafanyakazi wa kampuni ya Taisei na kuwachezea muziki.
Ndege hiyo maalum zitakuwa zinacheza wimbo maarufu wa Auld Lang Syne ambao mara nyingi hutumiwa kutangaza kwamba maduka au afisi zinafungwa.
Japan imekuwa ikikabiliana na tatizo lililokithiri la wafanyakazi kufanya kazi muda wa ziada kupita kiasi, tatizo ambalo limekuwa likiathiri afya ya wafanyakazi na wakati mwingine hata kusababisha vifo.

Baadhi ya wataalamu hata hivyo hawajafurahishwa na mpango huo wa Taisei na wamesema ni wazo la "kipumbavu".
Kwa mujibu wa vyombo vya habari Japan, kampuni hiyo ya huduma za usalama na usafi, itatumia ndege zilizoundwa na kampuni ya ndege zisizo na marubani ya Blue Innovation zitakazotumia teknolojia ya kampuni ya mawasiliano ya NTT East.

 

Wafanyakazi Japan hufanya kazi muda mwingi sana  

Ndege hiyo zitakuwa na kamera na zitapaa ndani ya ofisi zikichezea wafanyakazi wahusika wimbo huo.
Taisei wanapanga kuanza mpango huo kwa majaribio Aprili 2018 na ukifanikiwa, waanze kuuzia kampuni nyingine
HAPA TZ ingetumika ndege kama hizi kuwaondoa watu vijiweni

Kampuni kutumia ndege kuwafukuza wafanyakazi afisini Japan

Kampuni hiyo ya Taisei inapanga kuanza kufanyia majaribio mpango huo Aprili mwaka ujao

Kampuni moja nchini Japan inapanga kutumia ndege zisizo na rubani kuwafukuza wafanyakazi wanaokosa kwenda nyumbani na kutaka kuendelea na kazi muda wao wa zamu ukimalziika.

Ndege hiyo zitakuwa zikipaa hadi walipoketi wafanyakazi wa kampuni ya Taisei na kuwachezea muziki.
Ndege hiyo maalum zitakuwa zinacheza wimbo maarufu wa Auld Lang Syne ambao mara nyingi hutumiwa kutangaza kwamba maduka au afisi zinafungwa.
Japan imekuwa ikikabiliana na tatizo lililokithiri la wafanyakazi kufanya kazi muda wa ziada kupita kiasi, tatizo ambalo limekuwa likiathiri afya ya wafanyakazi na wakati mwingine hata kusababisha vifo.

Baadhi ya wataalamu hata hivyo hawajafurahishwa na mpango huo wa Taisei na wamesema ni wazo la "kipumbavu".
Kwa mujibu wa vyombo vya habari Japan, kampuni hiyo ya huduma za usalama na usafi, itatumia ndege zilizoundwa na kampuni ya ndege zisizo na marubani ya Blue Innovation zitakazotumia teknolojia ya kampuni ya mawasiliano ya NTT East.

 

Wafanyakazi Japan hufanya kazi muda mwingi sana

Ndege hiyo zitakuwa na kamera na zitapaa ndani ya ofisi zikichezea wafanyakazi wahusika wimbo huo.

Taisei wanapanga kuanza mpango huo kwa majaribio Aprili 2018 na ukifanikiwa, waanze kuuzia kampuni nyingine.

Papa Francis anataka maombi ya Baba Yetu yarekebishwe

Kiongozi wa kanisa Katoliki duniani Papa Francis ameomba maombi maarufu ya Kikristo ya Baba Yetu yafanyiwe marekebisho.

Anataka sehemu ambayo huzungumzia vishawishi ilitafsiriwa vibaya.
Asema tafsiri kwamba "Usitutie katika vishawishi (majaribu/majaribuni)" iangaziwe upya akisema tafsiri iliyofanywa si sahihi kwa sababu Mungu huwa hawaongozi binadamu kutenda dhambi.
Papa amependekeza watu watumie "usituache tukaingia katika vishawishi (majaribu/majaribuni)" badala yake.
Alitoa pendekezo hilo akizungumza katika runinga ya Italia Jumatano usiku.
Ombi la Baba Yetu ndilo linalofahamika vyema zaidi miongoni mwa maombi ya Kikristo.
Papa Francis amesema Kanisa Katoliki nchini Ufaransa sasa linatumia tafsiri hiyo ya "usituache tukaingia katika vishawishi" kama mbadala, na kwamba jambo kama hilo linafaa kufanywa kote duniani.
"Usiniache nikaingia kwenye vishawishi kwa sababu ni mimi nitakayeanguka, si Mungu anayetutia katika vishawishi na kisha kutazama nilivyoanguka," aliambia runinga ya TV2000, runinga ya kanisa Katoliki Italia.
"Baba hawezi kufanya hivyo, baba hukusaidia huinuke upesi."

 

Papa Francis alipokutana na wakimbizi wa Rohingya mjini Dhaka, Bangladesh Desemba 1, 2017

Ni tafsiri kutoka kwa tafsiri ya biblia ya Kilatini ya karne ya nne ambayo iliidhinishwa rasmi na kanisa Katoliki karne ya 16, ambayo ilitafsiriwa kutoka kwa maandiko ya kale ya Kigiriki, Kiebrania na Kiaramaic.
Tangu kuanza kuhudumu kama Papa, Papa Francis hajasita kugusia masuala tata na amekabiliana na baadhi ya mambo moja kwa moja, wachanganuzi wa mambo ya Vatican wanasema.

Mtoto aliyeibwa nchini Argentina apatikana baada ya miaka 40

 Mtoto aliyeibwa nchini Argetina apatikana baada ya miaka 40

Mwanamke ambaye alichukuliwa kutoka kwa mama yake baada ya kuzaliwa nchini Argentina, ameunganishwa na familia yake na kundi linalofahamika kama Grandmothers of the Plaza de Mayo.

Adriana, 40, ambaye aliomba jina lake la pili kutofichuliwa alitambulia baada ya kufanyiwa uchunguzi wa DNA.
DNA yake ililingana na ya familia ya wazazi wake ambao walitokeka wakati wa utawala wa kijeshi nchini Argentina.
Adriana ndiye mtoto wa 126 kupatikana na Grandmothers, ambao wanaendesha kampeni kwa niaba ya waathirika wa "Dirty War".
Akiongea kwenye mkutano na waandishi wa habari, Adriana alisema kuwa wakati watu waliokuwa wamemlea walikufa, aliambiwa na mtu mwingine kuwa yeye hakuwa mtoto wao wa kuzaliwa.

 

Adriana (kati katikati)

Alifanyiwa uchunguzi wa DNA na baada ya miezi minne hakupata DNA iliyolingana na yake, kutoka kwa ile inayohifadhiwa na Grandmothers ya watu waliotoweka au kuuawa na utawala wa kijeshi.
"Nilianza kufikiri kuwa nilitelekezwa, nilitolewa au kuuza kwa sababu hawakuwa wananitaka." alisema Adriana.
Lakini siku ya Jumatatu alipata simu kutoka tume ya kitaifa ya haki ya kutambuliwa, ikimuambia kuwa walikuwa na ujumbe wangependa kumpa.
Adriana alienda mara moja na kuambiwa kuwa alikuwa binti wa Violeta Ortolani na Edgardo Garnier, wote waliotoweka wakati wa utawala wa kijeshi.

 

Wanaharakati wakishika picha za wazazi wa Adriana waliotoweka mwaka 1977

Chimbuko la Illuminati na dhana kuhusu nguvu zao

Baadhi huamini michoro iliyo kwenye dola za Marekani ina uhusiano na Illuminati

Ni simulizi ya ulaji njama ambayo bila shaka imevuma zaidi kushinda njama nyingine zote. Ni wachache sana ambao hawajawahi kusikia kuwahusu Illuminati.

Huaminika kuwa kundi maalum la watu ambao hudhibiti masuala na uongozi wa dunia, na inasadikika kuwa hufanya shughuli zao kisiri kudhibiti kila kitu na kuunda Utawala Mpya wa Dunia.
Kwa wengine, wamehusishwa na utajiri wa ghafla ambao si wa kawaida.
Ukitajirika haraka, kunao bila shaka watakaodai kwamba umejiunga na Illuminati.
Je, kuna ukweli wowote kuhusu wasiwasi huu? Kuna kundi la watu wanaofanya vikao vya siri kupanga njama za kuitawala dunia na pia kjifaidi wenyewe kwa pesa na utajiri?
Simulizi hizi na umaarufu wa illuminati zina ukweli wowote?
Wasiwasi huu kuhusu kundi linalopanga njama ya kuweka utawala mpya duniani ulianza miaka ya 1960, sana kutokana na ubunifu wa watu fulani.
Kuenea kwa habari hizo kunatoa viashiria fulani kuhusu jinsi binadamu walivyo tayari kuamini mambo wanayoyasikia au kuyasoma, kwa urahisi sana. Aidha, kunaweza kutoa funzo kuu kuhusu taarifa na habari za uongo ambazo zinaenezwa mtandaoni siku hizi.

Bitcoin yagonga $17,000 huku wasiwasi ukizidi

 Thamani ya Bitcoin imepanda sana wiki za karibuni

Thamani ya sarafu ya dijitali ya Bitcoin ilifikia $17,000 (£12,615) katika masoko barani Asia, na kuendeleza mtindo ambao umekuwa ukishuhudiwa siku za karibuni.

Sarafu hiyo imeongezeka thamani 70% wiki hii kwa mujibu wa Coindesk.com, licha ya tahadhari kutolewa kwamba huenda uwekezaji katika sarafu hiyo ukawa "puto hatari".
Kupanda thamani kwake kumefananishwa na "treni inayoongeza kasi zaidi na zaidi ilhali haina breki".
Huku wasiwasi ukiongezeka, kundi moja limeonya kwamba mpango wa kuanzisha masoko ya fedha za bitcoin hameharakishwa.
Katika masoko ya barani Asia, sarafu hiyo ilipanda sana kabla ya kushuka kiasi na kutulia katika $16,000.
 Wakosoaji wa fedha hizo wamesema kupanda thamani kwake kwa sasa ni "puto hatari" kama ilivyofanyika kwa dotcom, lakini wengine wanasema kupanda bei kwake kunatokana na kuanza kukubalika kwa fedha hizo.
"Bitcoin kwa sasa ni kama treni inayoongeza kasi zaidi na zaidi ilhali haina breki," amesema Shane Chanel wa shirika la kifedha la ASR Wealth Advisers la Sydney.
Kupanda thamani kwa Bitcoin kumechangiwa pia na masoko ya fedha za aina hiyo ambayo yanatarajiwa kufunguliwa wikendi hii.
Bitcoin itaanza kuuzwa katika soko la Cboe Futures Exchange mjini Chicago Jumapili na baadaye, soko kubwa la ubadilishanaji wa fedha kama hizo la CME litaanza kuuza fedha hizo wiki moja baadaye.
Ingawa watu wengi wamewekeza mabilioni ya dola katika Bitcoin, thamani ya jumla ya $268bn ya fedha hizo kwa jumla bado ni ndogo ukilinganisha na aina nyingine za mali au fedha.

Awaua watu wa familia kwa sumu akidai wao si "wasafi" baada ya kujiunga na dhehebu

Awaua watu wa familia kwa sumu akidai wao si "wasafi"

Polisi nchini Italia wamemkamata mwanamume ambaye anadaiwa kutumia sumu ya kuua panya kuwaua watu wa familia yake kwa sababu hawakuwa "wasafi".

Mattia Del Zotto, 27, analaumiwa kwa kuweka sumu kwenye chakula cha babu na nyanya yake na cha shangazi ambao walifariki
Watu wengine watano katika familia wanaendelea kupata matibabu hospitalini.
Bw. Del Zotto alikamatwa eneo la Mozna karibu na Milan baada polisi kupata risiti kwenye kompiuta yake.
Baada ya kukamatwa alikiri kuwa alitaka kuwaadhibu watu wasio wasafi.
Mama yake aliwaambia wachunguzi kuwa hivi karibuni alikuwa amejiunga na dhehebu.

Mvulana wa miaka 13 amuua mama yake na kumkata kichwa China

 Mvulana wa miaka 13 amuua mama yake na kumkata kichwa China

Mvulana wa miaka 13 huko China amekamatwa kufuatia madai kuwa alimuua mama yake na kisha kumkata kichwa.

Mvulana huyo pia alichukua video ya mauaji hayo na kuwatumia marafiki kupitia mtandao wa kijamii wa WeChat.
Alikamatwa siku kadhaa baadaye, baada ya rafiki yake mmoja kumuonyesha mama yake video hiyo.
Kisa hicho kilitokea katika mji wa Wenxing kwenye mkoa wa Sichuan.
Polisi walithibisha kisa hicho kwa BBC lakini hawakutoa taarifa zaidi wakisema kuwa bado kinachunguzwa.
Mvulana huyo alimuua mama yake baada ya kugombana siku ya Jumapili, iliripoti Radio Free Asia.
Kisha akamkata kichwa na kukiweka kwenye mfuko kabla ya kukitupa, kwa mujibu wa ripoti.
Mvulana huyo anaripotiwa kukamatwa akiwa shuleni.

MTANZANIA ASHINDA TUZO YA TURNER UINGEREZA

Profesa Lubaina Himid ni mzaliwa wa Zanzibar ,mshindi wa Turner Prize

Profesa Lubaina Himid ni mzaliwa wa Zanzibar ambaye ni mtanzania ametangazwa kuwa mshindi wa 'Turner Prize 2017'katika tuzo kubwa za Sanaa nchini Uingereza.

Majaji wamempa Tuzo kwa maonesho matatu yaliyofanyika Oxford, Bristol na Nottingham ambapo waliisifu kazi yake ambayo inaangazia Afrika duniani kote pamoja na ubunifu wa mtu mweusi jambo ambalo wameliita namna nzuri ya ubunifu.

 

Waandishi wa habari wakifuatilia utoaji Tuzo za Turner

Profesa Himid ambaye ni mwanamke wa kwanza mweusi na mtu mwenye umri mkubwa zaidi kuwahi kutwaa Tuzo hiyo amesema atatumia tuzo ya fedha ya dola elfu thelathini na tatu ($33,000) alizozipata kuwasaidia wasanii wachanga kuweza kuonesha kazi zao.

Mtoto aliyedhaniwa kufariki azinduka India

 Madaktari kimakosa wamtangaza mtoto kuwa amefariki India

Mtoto ambaye alikuwa ametangazwa kuwa amefariki na madaktari mara baada ya kuzaliwa kwenye hospitali moja huko Delhi India, alionekana akiwa hai wakati akipelekwa kufanyiwa mazishi.

Madaktari kwenye hospitali ya kibinafsi ya Max walikuwa wamemtangaza mtoto kuwa amefariki saa chache baada ya pacha mwenzake kutangazwa kufariki baada ya kuzaliwa.
Wazazi wake walisema kuwa walifahamu kuwa mtoto huyo alikuwa hai ndani ya mfuko ambao madaktari walikuwa wamemweka.
Kisa hicho kimezua hasira na mjadala kuhusu umakini katika hospitali za kibinafsi ambazo mara nyingi ni ghali mno.

Mkuu wa jimbo la Delhi aliandika katika Twitter kuwa ameamrisha kisa hicho kufanyiwa uchunguzi.
Kulingana na babu yake mtoto, familia hiyo iliyokuwa imepigwa na mshangao ilimkimbiza mtoto kwenda hospitali iliyokuwa karibu ambapo waliambiwa kuwa mtoto huyo alikuwa hai.
Katika taarifa kwa waandishi wa habari , hospitali ya Max ilishangazwa na kisa hicho na kuongeza kuwa daktari huyo amepewa likizo huku uchunguzi ukifanywa.

Mwigizaji nyota wa Bollywood Shashi Kapoor afariki dunia

Shashi Kapoor aliigiza kwenye filamu zaidi ya 150

Mwigizaji mkongwe wa Bollywood Shashi Kapoor amefariki dunia akiwa na umri wa miaka 79.

Kapoor, aliyeigiza katika filamu maarufu kutoka India kama vile Deewar na Kabhie Kabhie, amekuwa akiugua kwa muda na alikuwa amelazwa hospitali.
Shashi anatoka familia ya Kapoor ambayo imetawala tasnia ya filamu za Kihindi kwa miongo mingi.
Alishinda tuzo nyingi za filamu za taifa na alitunukiwa tuzo kuu ya heshima inayopewa raia na serikali ya India mwaka 2011, tuzo ya Padma Bhushan.
Aliigiza pia katika filamu kadha za Uingereza na Marekani.
Kapoor amefariki wakati akitibiwa katika hospitali ya Kokilaben Dhirubhai Ambani mjini Mumbai.
Mpwa wake Randhir Kapoor ameambia Press Trust of India kwamba Kapoor alikuwa na matatizo ya figo kwa miaka mingi.

 

Shashi Kapoor alipokuwa kijana bado

Mwili wake utazikwa kesho asubuhi.
Alikuwa amemuoa mwigizaji mwingereza Jennifer Kendal, ambaye kwa pamoja walianzisha ukumbi maarufu wa sanaa Mumbai wa Prithvi mwaka 1978.

Watalii wa Marekani wakamatwa kwa kuonyesha makalio hekaluni Thailand

 Watalii wa Marekani wakamatwa kwa kupiga picha za utupu hekaluni

Raia wawili wa Marekani wamekamatwa nchini Thailand baada ya kuchapisha picha yao mtandaoni wakionyesha makalio yao katika hekalu.

Watalii hao walipiga picha hiyo katika hekalu maarufu nchini Bangkok Wat Arun na kuichapisha katika mitandao ya Twitter na instagram.
Mamlaka ya uhamiaji iliambia BBC kwamba wawili hao Joseph na Travis Dasilva wote wakiwa na umnri wa miaka 38 watapigwa faini na kurudishwa kwao.
Thailand ina sheria kali kuhusu tabia zinazoonekana kutokuwa na heshima na zinazoingilia dini yake ya Buddha.
Watalii hao walikamatwa jioni Jumane wakati walipokuwa wakiondoka nchini humo katika uwanja wa ndege wa Bankok Don Mueang.
Naibu msemaji wa idara ya uhamiaji nchini Thailand, kanali Choengron Rimpadee aliambia BBC kwamba wawili hao walikuwa katika orodha ya watu waliokuwa wakichunguzwa baada ya mamlaka kuona picha hizo zenye utata katika mitandao ya kijamii.
''Wakati watakaposhtakiwa maafisa wa polisi wa uhamiaji wa Thailand watafutilia mbali visa zao na kutaka warudishwe makwao'', alisema.

 

Watalii wa Marekani wakamatwa kwa kupiga picha za utupu hekaluni Thailand

Pia watapigwa marufuku kurudi nchini Thailand.
Alielezea kwamba wawili hao waliwasilishwa katika kituo cha polisi cha Yai nchini Bangkok ili kushtakiwa kwa kuonyesha utupu katika eneo la umma, makosa ambayo mtu anapopatikana na hatia anaweza kupigwa faini ya dola 153.
Hatahivyo, serikali ya Thai na maafisa wa polisi wameambia vyombo vya habari kwamba mashtaka hayo yanaweza kuwa mabaya zaidi.

Harufu mbaya ya soksi yamtia abiria matatani India

Polisi nchini India wanasema wamemkamata mwanamume mmoja ambaye uvundo wa soksi zake ulisababisha ugomvi kati yake na abiria wenzake kwenye basi.

Waliambia BBC kwamba wamewasilisha kesi dhidi ya Prakash Kumar, 27, kwa "kuvuruga amani ya umma".
Kisa hicho kilitokea kwenye basi lililokuwa safariki kuelekea mji mkuu Delhi, baada ya Kumar kuvua viatu vyake na soksi.
Harufu mbaya kutoka kwenye soksi zake ilikuwa mbaya sana kiasi kwamba abiria walimuomba Bw Kumaru kuziweka ndani ya mkoba wake au kuzirusha nje ya basi.
Lakini anadaiwa kukataa hilo, na ugomvi mkali ukazuka.
Abiria kisha walimlazimisha dereva wa basi hilo kuingia kituo cha polisi katika jimbo la Himachal Pradesh, kaskazini mwa India, ambapo malalamishi dhidi yake yaliwasilishwa.

Gazeti la Hindustan Times limemnukuu Bw Kumar akisema kwamba soksi zake hazikuwa na harufu mbaya, na kwamba abiria wenzake waligombana naye "bila sababu".
Polisi wameambia BBC kwamba mwanamume huyo amepewa dhamana.

Ratiba ya mechi za Kombe la Dunia: Urusi 2018 HII HAPA

Kundi A
Tarehe / saa	Mechi	Uwanja
14 Jun, 1500 GMT	Russia - Saudi Arabia	Luzhniki, Moscow
15 Jun, 1200 GMT	Egypt - Uruguay	Ekaterinburg
20 Jun, 1800 GMT	Russia - Egypt	San Petersburg
20 Jun, 1500 GMT	Uruguay - Saudi Arabia	Rostov on Don
25 Jun, 1400 GMT	Saudi Arabia - Egypt	Volgograd
25 Jun, 1400 GMT	Uruguay - Russia	Samara

Kundi B
Tarehe / saa	Mechi	Uwanja
15 Jun, 1500 GMT	Morocco - Iran	Sankt Petersburg
15 Jun, 1800 GMT	Portugal - Spain	Sochi
20 Jun, 1200 GMT	Portugal - Morocco	Luzhniki, Moscow
20 Jun, 1800 GMT	Iran - Spain	Kazan
25 Jun, 1800 GMT	Iran - Portugal	Saransk
25 Jun, 1800 GMT	Spain - Morocco	Kaliningrad

Kundi C
Tarehe/saa	Mechi	Uwanja
16Jun, 1000 GMT	France - Australia	Kazan
16Jun, 1600 GMT	Peru - Denmark	Saransk
21Jun, 1200 GMT	France - Peru	Ekaterinburg
21Jun, 1500 GMT	Denmark - Australia	Samara
26Jun, 1400 GMT	Australia - Peru	Sochi
26Jun, 1400 GMT	Denmark - France	Luzhniki, Moscow

Kundi D
Tarehe/saa	Mechi	Uwanja
16Jun, 1300 GMT	Argentina - Iceland	Spartak, Moscow
16Jun, 1900 GMT	Croatia - Nigeria	Kaliningrad
21Jun, 1800 GMT	Argentina - Croatia	Nizhni Novgorod
22Jun, 1500 GMT	Nigeria - Iceland	Volgograd
26Jun, 1800 GMT	Nigeria - Argentina	Sankt Petersburg
26Jun, 1800 GMT	Iceland - Croatia	Rostov on Don

Kundi E
Tarehe/saa	Mechi	Uwanja
17Jun, 1200 GMT	Costa Rica - Serbia	Samara
17Jun, 1800 GMT	Brazil - Switzerland	Rostov on Don
22Jun, 1200 GMT	Brazil - Costa Rica	Sankt Petersburg
22Jun, 1800 GMT	Serbia- Switzerland	Kaliningrad
27Jun, 1800 GMT	Serbia - Brazil	Spartak, Moscow
27Jun, 1800 GMT	Switzerland - Costa Rica	Nizhni Novgorod

Kundi F
Tarehe/saa	Mechi	Uwanja
17Jun, 1500 GMT	Germany - Mexico	Luzjhinski, Moscow
18Jun, 1200 GMT	Sweden - South Korea	Nizhni Novgorod
23Jun, 1500 GMT	Germany - Sweden	Sochi
23Jun, 1800 GMT	South Korea - Mexico	Rostov on Don
27Jun, 1400 GMT	South Korea - Germany	Kazan
27Jun, 1400 GMT	Mexico - Sweden	Ekaterinburg

Kundi G
Tarehe/saa	Mechi	Uwanja
18Jun, 1500 GMT	Belgium - Panama	Sochi
18Jun, 1200 GMT	Tunisia - England	Volgograd
23Jun, 1800 GMT	Belgium - Tunisia	Spartak, Moscow
24Jun, 1500 GMT	England - Panama	Nizhni Novgorod
28Jun, 1400 GMT	England - Belgium	Kaliningrad
28Jun, 1400 GMT	Panama - Tunisia	Saransk

Kundi H
Tarehe/saa	Mechi	Uwanja
19Jun, 1200 GMT	Poland - Senegal	Spartak, Moscow
19Jun, 1500 GMT	Colombia - Japan	Saransk
24Jun, 1500 GMT	Japan - Senegal	Ekaterinburg
24Jun, 1800 GMT	Poland - Colombia	Kazan
28Jun, 1400 GMT	Japan - Poland	Volgograd
28Jun, 1400 GMT	Senegal - Colombia	Samara

Hatua ya 16 bora
Tarehe / saa	Mechi	Uwanja
(1) 30Jun, 1400 GMT	Mshindi Kundi C - Wa pili Kundi D	Kazan
(2) 30Jun, 1800 GMT	Mshindi Kundi A - Wa pili Kundi B	Sochi
(3) 1 Jul, 1400 GMT	Mshindi Kundi B - Wa pili Kundi A	Luzhniki, Moscow
(4) 1 Jul, 1800 GMT	Mshindi Kundi D - Wa pili Kundi C	Nizhni Novgorod
(5) 2 Jul, 1400 GMT	Mshindi Kundi E - Wa pili Kundi F	Samara
(6) 2 Jul, 1800 GMT	Mshindi Kundi G - Wa pili Kundi H	Rostov on Don
(7) 3 Jul, 1400 GMT	Mshindi Kundi F - Wa pili Kundi E	Sankt Petersburg
(8) 3 Jul, 1800 GMT	Mshindi Kundi H - Wa pili Kundi G	Spartak, Moscow

Robo fainali
Tarehe / saa	Mechi	Uwanja
(A) 6 Jul, 1400 GMT	Mshindi Mechi 2 - Mshindi Mechi 1	Nizhni Novgorod
(B) 6 Jul, 1800 GMT	Mshindi Mechi 5 - Mshindi Mechi 6	Kazan
(C) 7 Jul, 1400 GMT	Mshindi Mechi 7 - Mshindi Mechi 8	Samara
(D) 7 Jul, 1800 GMT	Mshindi Mechi 3 - Mshindi Mechi 4	Sochi

Nusu fainali
Tarehe / saa	Mechi	Uwanja
(I) 10 Jul, 1800 GMT	Mshindi Mechi A - Mshindi Mechi B	Sankt Petersburg
(II) 11 Jul, 1800 GMT	Mshindi Mechi D - Mshindi Mechi C	Luzhniki, Moscow

Mechi ya kuamua mshindi wa nafasi ya tatu
Tarehe / saa	Mechi	Uwanja
14 Jul, 1400 GMT	Atakayeshindwa Mechi I - Atakayeshindwa Mechi II	Sankt Petersburg

FAINALI
Tarehe/saa	Mechi	Uwanja
15 Jul, 1500 GMT	Mshindi Mechi I - Mshindi Mechi II	Luzhniki, Moscow