KUNDI LA HAMAS MARUFUKU MISRI

 
 Kiongozi wa kundi la Hamas

Mahakama moja ya Misri imelipiga marufuku tawi la kundi la Palestina Hamas nchini humo na kuliorodhesha kama kundi la kigaidi.

Kundi la Hamas ndilo linaloongoza mashambulizi katika eneo la Gaza na maafisa wa Misri wanadai kwamba silaha hutolewa katika eneo hilo na kusafrishwa hadi eneo la Sinai ambapo Misri inakabiliana na wapiganaji.

Marufuku hiyo inajiri siku kadhaa baada ya wapiganaji hao wa kiislamu kuanzisha mashambulizi ya maafisa wa polisi na wanajeshi katika mkono huo wa bahari na kuwaua takriban watu 30.
Hamas imepinga marufuku hiyo ya mahakama ikiitaja kuwa NI HUKUMU ya kisiasa.

SUDANI KUSINI KUWEKEWA VIKWAZO

 

 

Umoja wa Afrika umetishia pande mbili zinazopigana Sudan Kusini kwamba zitawekewa vikwazo.

Baraza la Amani na Usalama la AU limesema vikwazo vitawekwa kwa pande zote ambazo zinachafua makubaliano ya amani.
Piya liliomba serikali na wapiganaji kueleza mapendekezo yao kuhusu serikali ya mpito kabla ya mkutano wa viongozi wa AU kumalizika mjini Addis Ababa.
Baraza la Usalama la Umoja wa Mataifa na jumuia ya Afrika Mashariki, IGAD, piya zimetishia kuwa zitaweka vikwazo.
Mapigano yalianza mwaka 2013 baina ya wanajeshi wa Rais Salva Kiir na wale watiifu kwa makamo wake wa rais wa zamani, Riek Machar.
Mapigano yameendelea ingawa makubaliano kadha ya amani yametiwa saini.

MAANDAMANO MAKUBWA HISPANIA KUIIGA UGIRIKI

 

Barabara kuu za Madrid zimajaa maelfu ya watu wanaofanya mhadhara kuunga mkono chama cha mrengo wa kushoto cha Uspania, Podemos, kinachopinga sera za kubana matumizi.

Waratibu wanasema hayo ni maandamano ya kutaka mabadiliko.

Ni maandamano makubwa kabisa ya Podemus ambayo yamepata nguvu baada ya ushindi wa chama cha Syriza nchini Ugiriki.

Waandamanaji walipepea bendera za Ugiriki na kupiga kelele dhidi ya wanasiasa wa sasa wa Uspania.

Podemos ilianza mwaka jana na sasa inaongoza katika kura za maoni, kabla ya uchaguzi mkuu wa mwisho wa mwaka

AFUNGWA KWA KUJARIBU KUUZA SIRI YA UTENGENEZAJI WA NUKLIA

Pedro Leonardo Mascheroni alipatikana na hatia ya kujaribu kuuza siiri za Marekani za kutengeneza zana za nuklia

Mwanasayansi wa zamani katika mahabara ya kitaifa mjini Los Amos nchini Marekani amefungwa jela miaka mitano kwa kujaribu kuipatia nchi ya Venezuela siri za kutengeza bomu la nuklia.

Pedro Leonardo Mascheroni alikiri kosa mwaka 2013 la kutoa siri kwa jasusi wa FBI aliyejidai kuwa afisa mkuu kutoka Venezuela.
Pedro Mascheroni, mwenye umri wa miaka 79,anatoka nchini Argentina. Mkewe pia alifungwa jela mwaka mmoja.
Mascheroni alikuwa anachunguzwa kwa karibu mwaka mmoja kabla ya kuchukuliwa hatua.
Shirika la ujasusi la FBI, lilinasa komputa, barua , picha na vitabu kutoka nyumbani kwa mwanasayansi huyo.
Kulingana na stakabadhi za mahakamani, bwana Mascheroni aliambia afisaa huyo wa FBI kwamba angeweza kuisiadia Venezula kutengeza bomu la nuklia kwa kipindi cha miaka kumi. 

Marekani imekuwa katika mstari wa mbele kupiga vita nchi zenye miradi ya kutengeNEza nuklia
Alisema nchi hio ingeweza kutengeza mtambo wa kisiri wa nuklia chini ya ardhi kuisiaidia kurutubisha madini ya Plutonium.

Aliongeza kwamba pia angeisaidia Venezuela kuzalisha kawi ya nuklia.
Bwana Mascheroni alifanya kazi kwa karibu miaka kumi katika kitengo cha kutengeza zana za nuklia katika mahabara ya kitaifa ya Marekani ambako bomu la kwanza la Atomiki lilitengezwa.
Mkewe alikuwa mwandishi wa maswala ya teknolojia katika mahabara hio.
Aliachishwa kazi mwaka 1988
Katika mahojiano na shirika la habari la AP, alisema alifanya mawasiliano na nchi nyingine baada ya wazo lake la kutengeza kawi safi ya nuklia kukataliwa na maafisa wa baraza la Congress.
Mascheroni alisema alifanya mazungumzo na Venezuela, baada ya Marekani kukata wazo lake la kuzalisha kawi safi ya nuklia.
Serikali ya Marekani,imesema kuwa haiamini kuwa Venezuela ilikuwa inajaribu kuiba siri zake za kutengeza zana za nuklia

AJIOA MWENYEWE BAADA YA KUKOSA WA KUMUOA

Yasmin Eleby

Yasmin Eleby hakupata mchumba wa kumuoa mtu ambaye alitaka awe mume wake atakapofikisha miaka 40--kwa hivyo akafanya kitendo ambacho kimewashangaza wengi, aliamua kujioa mwenyewe.

Kwa mujibu wa mtandao wa MySanAntonio.com, Eleby aliahidi kwamba ikiwa hatapata mchumba wakati atakapokuwa ametimiza miaka 40, basi atafanya harusi ya mtu mmoja yaani atajioa ili kusherehekea miaka yake 40.
Duru zinasema kuwa mwanamke Eleby alifanya harusi yake mwenyewe katika makavazi ya Houston akiambatana na jamaa na familia yake na wageni wengine waalikwa.
Kwa sherehe hii, dadake Eleby ndiye aliendesha sherehe hio, kwani ni kinyume na sheria kwa mtu kujioa mwenyewe. Harusi ya kawaida ni kati ya watu wawili.

POLISI MORO WAKANA KUMPIGA RISASI SHEHE PONDA

• 

  KIPIGO CHA PROFESA IBRAHIM LIPUMBA CHASABABUSHA BUNGE LA TANZANIA KUVURUGIKA DODOMA.29 Jan 2015 / 0 comments

• 

  KUTOKA KWENYE MAGAZETI YA HARDNEWS ALHAMISI YA JANUARI 29 / 2015, IKIWA NA VICHWA VIKUU VYA HABARI.29 Jan 2015 / 0 comments

• 

  KUTOKA KWENYE MAGAZETI YA UDAKU ALHAMISI JANUARI 29 / 2015.29 Jan 2015 / 0 comments

• 

  MBUNGE WA CCM AZITAKA MAMLAKA KUEPUSHA GHASIA ZA WAKULIMA NA WAFUGAJI, MGOGORO WA ARDHI MVOMERO MORO.28 Jan 2015 / 0 comments

• 

  POLISI MOROGORO WAMRUKA SHEIKHE PONDA ISSA PONDA MAHAKAMANI JUU YA MADAI YA KUPIGWA RISASI.28 Jan 2015 / 0 comments

• 

  MAJI YA MOTO ULIYOCHEMSHWA NA MWAKYEMBE WIZARA YA UCHUKUZI YATAZIDI KUWA YA MOTO.28 Jan 2015 / 0 comments

• 

  KUTOKA KWENYE MAGAZETI YA HARDNEWS JUMATANO YA JANUARI 28 / 2015, IKIWA NA VICHWA VIKUU VYA HABARI.28 Jan 2015 / 0 comments

• 

  KUTOKA KWENYE MAGAZETI YA UDAKU JUMATANO JANUARI 28 / 2015.28 Jan 2015 / 0 comments

• 

  TCF: MAHAKAMA YA KADHI YA KIBAGUZI27 Jan 2015 / 0 comments

• 

  MKUU WA KITUO CHA POLISI MORO ATUMIA MASAA MAWILI KUTOA USHAHIDI KESI YA SHEIKHE PONDA ISSA PONDA MAHAKAMANI.27 Jan 2015 / 0 comments

• 

  KIPIGO CHA PROFESA IBRAHIM LIPUMBA CHASABABUSHA BUNGE LA TANZANIA KUVURUGIKA DODOMA.

• 

  KUTOKA KWENYE MAGAZETI YA HARDNEWS ALHAMISI YA JANUARI 29 / 2015, IKIWA NA VICHWA VIKUU VYA HABARI.

• 

  KUTOKA KWENYE MAGAZETI YA UDAKU ALHAMISI JANUARI 29 / 2015.

• 

  MBUNGE WA CCM AZITAKA MAMLAKA KUEPUSHA GHASIA ZA WAKULIMA NA WAFUGAJI, MGOGORO WA ARDHI MVOMERO MORO.

• 

  POLISI MOROGORO WAMRUKA SHEIKHE PONDA ISSA PONDA MAHAKAMANI JUU YA MADAI YA KUPIGWA RISASI.

• 

  MAJI YA MOTO ULIYOCHEMSHWA NA MWAKYEMBE WIZARA YA UCHUKUZI YATAZIDI KUWA YA MOTO.

• 

  KUTOKA KWENYE MAGAZETI YA HARDNEWS JUMATANO YA JANUARI 28 / 2015, IKIWA NA VICHWA VIKUU VYA HABARI.

• 

  KUTOKA KWENYE MAGAZETI YA UDAKU JUMATANO JANUARI 28 / 2015.

• 

  TCF: MAHAKAMA YA KADHI YA KIBAGUZI

• 

  MKUU WA KITUO CHA POLISI MORO ATUMIA MASAA MAWILI KUTOA USHAHIDI KESI YA SHEIKHE PONDA ISSA PONDA MAHAKAMANI.

POLISI MOROGORO WAMRUKA SHEIKHE PONDA ISSA PONDA MAHAKAMANI JUU YA MADAI YA KUPIGWA RISASI.

Posted by Juma Mtanda on 1:19 PM No comments

Khadija Ahmad, mke wa Katibu wa Jumuiya na Taasisi za Kiislamu Tanzania, Sheikh Ponda Issa akiondoka katika Viwanja vya Mahakama ya Hakimu Mkazi Morogoro jana baada ya kesi inayomkabili mumewe kuahirishwa hadi Februari mwaka huu. Picha na Juma Mtanda.

Na Hamida Shariff, Morogoro.
Shahidi wa pili katika kesi inayomkabili Kiongozi wa Taasisi na Jumuiya za Kiislamu nchini, Sheikh Ponda Issa Ponda ameieleza Mahakama ya Hakimu Mkazi, Morogoro kuwa, hawakuhusika kumpiga risasi mtuhumiwa huyo na kwamba alikamatwa katika Hospitali ya Muhimbili akitibiwa jeraha alilodai lilitokana na risasi.


Akitoa ushahidi wake mbele ya Hakimu Mkazi Mfawidhi, Mary Moyo shahidi Jafert Kibona, ambaye wakati huo alikuwa Mkuu wa Upelelezi wa Makosa ya Jinai Morogoro, alisema Agosti 9, 2013, polisi walipata taarifa kuwa, Sheikh Ponda angekwenda Morogoro kwenye kongamano, hivyo waliwataka waandaaji kumsalimisha polisi kiongozi huyo.


Kibona ambaye kwa sasa ni Mkuu wa Upelelezi wa Makosa ya Jinai Mtwara, alisema polisi walimtaka Sheikh Ponda kujisalimisha kutokana na kutafutwa kwa tuhuma za kutoa maneno ya kashfa na uchochezi, Dar es Salaam na Zanzibar.


Hata hivyo, Sheikh Ponda alikaidi amri hiyo, badala yake aliendelea kutoa maneno ya kashfa na uchochezi katika kongamano la Morogoro, alidai shahidi huyo mahakamani hapo.


Alidai walishindwa kumkamata Ponda baada ya wafuasi wake kumwingiza kwenye gari dogo na kumtorosha, kabla ya kupata taarifa kupitia mitandao ya kijamii kuwa kiongozi huyo alijeruhiwa kwa risasi bega la mkono wa kulia.


Kibona alisema walikwenda Hospitali Mkoa wa Morogoro, lakini hawakumkuta Ponda na siku iliyofuata walipata taarifa kuwa amelazwa Hospitali ya Taifa ya Muhimbili. Wakili wa utetezi, Juma Nassoro alimuuliza shahidi huyo kuhusu mtu aliyempiga risasi Ponda, ikiwa polisi ndiyo pekee waliokuwa na silaha siku hiyo.


Aliuliza pia kwa nini polisi walishindwa kumkamata Ponda wakati hakuwa na silaha. Kesi itatajwa tena Februari 2 na 19 mwaka huu

UMOJA WA ULAYA HAWATAPELEKA WAANGALI KASKAZINI MWA NIGERIA

Mkuu wa ujumbe wa waangalizi Umoja wa Ulaya nchini Nigeria amesema hawatawapeleka maafisa wao katika eneo la kaskazini mashariki mwa taifa hilo kutokana na kitisho cha mashambulizi ya Boko Haram

Uamuzi huo wa ujumbe wa waangalizi wa uchaguzi wa Umoja wa Ulaya ambao tayari ulituma kundi la maafisa tangu mwezi Novemba mwaka jana kwenda Nigeria umeelezea wasiwasi kuwa ukosefu wa usalama kaskazini mashariki mwa Ngeria huenda ukaathiri uchaguzi mkuu.
Ujumbe huo umesema ikizingatiwa uadilifu unaoambatana na zoezi la uangalizi wa uchaguzi, ukosefu wa usalama kutokana na uasi huenda ukawa na athari kubwa dhidi ya demokrasia ya nchi hiyo. Mkuu wa ujumbe huo wa waangalizi wa Umoja wa Ulaya nchini Nigeria Santiago Fisas amesema ni vigumu kwao kutuma waagalizi wao.
Vyombo vya habari vitafuatiliwa
Kwa mara ya kwanza katika shughuli zao za uangalizi wa chaguzi nchini Nigeria, Umoja wa Ulaya unapanga kuanzisha mpango wa kuvifuatilia vyombo vya habari nchini humo ili kuhakikisha kuwa ripoti zao kuhusu chaguzi haziegemei upande mmoja.

Mkuu wa ujumbe wa waangalizi wa Umoja wa Ulaya nchini Nigeria Santiago Fisas

Hannah Roberts ambaye ni naibu wa mkuu wa ujumbe wa waangalizi wa umoja wa Ulaya amesema vyombo vya habari 14 vya redio,televisheni na mageti ya kibinafsi na serikali yatafuatiliwa kuhakikisha kuna usawa katika kuviangazia vyama vyote vya kisiasa.
Licha ya kuwa ujumbe huo wa waangalizi wa umoja wa Ulaya umesema vyama vya kisiasa nchini Nigeria viliendesha teuzi zao kwa muda uliotarajiwa, unabashiri kuna hatari ya demokrasia kuathirika kutokana na mfumo wa vyama vikuu vimedhibiti ni nani anaweza kugombea na hakuna uwezekano wa kuwania kama mgombea huru,s heria ina kanuni chache kushughulikia hilo na tume ya uchaguzi haina mamlaka ya utekelezaji.
Mapendekezo ya umoja wa Ulaya hayakuzingatiwa
Umoja wa Ulaya umesema kati ya mapendekezo hamsini iliyowasilisha kwa serikali ya Nigeria baada ya uchaguzi mkuu wa mwaka 2011, ni pendekezo moja tu lililotekelezwa kufikia sasa ambalo ni sheria kuhusu uhuru wa kutolewa taarifa na hivyo ina wasiwasi kuwa matatizo yaliyohusishwa na uchaguzi huo uliopita bado yatakuwepo kipindi hiki.

Raia wa Nigeria akipita karibu na mabango ya wagombea wa uchaguzi wa 2015

Hayo yanakuja huku tume ya uchaguzi nchini Nigeria ikisema itaendelea mbele na mpango wa kuendesha uchaguzi kama ilivyopangwa kwenye ratiba ya uchaguzi na kupuuzilia mbali wito kutoka kwa mmoja wa washauri wa Rais kuwa chaguzi ziahirishwe.
Mpaka sasa wapiga kura takriban milioni 30 hawajapata kadi za kupigia kura kuweza kushiriki katika uchaguzi wa kwanza Nigeria wa kutumia kadi za kura za kieletroniki hatua ambayo inatarajiwa kuzuia udanganyifu kama ulioshuhudiwa katika chaguzi zilizopita. Kiasi ya wapiga kura milioni 68.8 wanatarajiwa kushiriki.

DUNIA YAKUMBUKA UKOMBOZI WA KAMBI YA AUSCHWITZ

Viongozi wa dunia wametoa wito wa kukomeshwa hisia za chuki dhidi ya Wayahudi huku rais Vladmir Putin wa Urusi akisema mbinu za kuiandika upya historia haitokubalika.

Bunge la shirikisho la jamhuri ya Ujerumani Bundestag laikumbuka januuari 27

Akihutubia bungeni mjini Berlin, Rais wa Shirikisho la Jamhuri ya Ujerumani Joachim Gauck amesema kumbukumbu za mauwaji ya halaiki ya Wayahudi yaliyotokea wakati wa vita vikuu vya pili vya dunia Holocaust zinawahusu Wajerumani wote:
"Mtu hawezi kujitambulisha kuwa Mjerumani bila ya kujitambulisha na Auschwitz. Kumbukumbu za mauwaji ya halaiki ya Wayahudi, Holocaust, ni suala linalowahusu wananchi wote wa Ujerumani."amesisitiza rais Gauck.
Auschwitz ni onyo watu hawastahiki kutoa matamshi ya chuki dhidi ya wakibizi na wahamiaji

Kansela Angela Merkel na bibi Eva Fahidi aliyenusurika na maangamizi ya wanazi katika kambi ya Auschwitz

Kansela Angela Merkel kwa upande wake amewasihi Wajerumani wasisahau yaliyotokea na kusifu ile hali kwamba Wayahudi zaidi ya laki moja wanaishi humu nchini hivi sasa. Akikutana na watu walionusurika na kambi ya maangamizi ya Auschwitz, Kansela Merkel amesema "ni aibu kwamba watu nchini Ujerumani wanasumbuliwa, kutishwa au kushambuliwa wanapotamka kwamba wao ni Wayahudi au wanapoelemea upande wa taifa la Israel."
Kumbukumbu za mwaka huu zinafanyika katika wakati ambapo viongozi wa kisiasa nchini Ujerumani wanakabiliana na kishindo cha maandamano ya vuguvugu dhidi ya dini ya Kiislamu na dhidi ya wakimbizi na wageni. Katika hotuba yake, Kansela Merkel amesema Auschwitz ni onyo kwamba hawastahiki kutoa matamshi ya chuki dhidi ya wakimbizi na wahamiaji.
Akizungumza mjini Paris kabla ya kuhudhuria kumbukumbu hizo za mauaji ya halaiki ya Wayahudi huko Auschwitz, Rais Francois Hollande wa Ufaransa amesikitika kutokana na kuzidi kuongezeka hisia za chuki dhidi ya wayahudi na kusema hali hiyo haivumiliki.
Wafaransa 76 elfu wenye asili ya Kiyahudi walisafirishwa kwa nguvu - wengi wao hadi katika kambi ya maangamizi ya Auschwitz na kambi za kazi za sulubu wakati wa utawala wa Vichy uliokuwa ukishirikiana na Wanazi wa Ujerumani. "Ufaransa ni kwenu" amesema Rais Hollande mbele ya Wafaransa wenye asili ya Kiyahudi kufuatia ripoti wengi wao wanataka kuhamia Israel.
Waziri Mkuu wa Uingereza David Cameroon pia ameshadidia umuhimu wa kukumbuka yaliyotokea katika vita vikuu vya pili vya dunia kama njia ya kupambana na ubaguzi.
Vladimir Putin atahadharisha dhidi ya minu ya kuiandika upya historia

Kambi ya maangamizi ya Auschwitz-Birkenau

Mbali na kumbukumbu zinazofanyika Poland, Umoja wa Mataifa pia unaikumbuka Januari 27- siku ya kukombolewa kambi ya maangamizi ya Auschwitz kwa kuandaa matukio kadhaa yatakayohudhuriwa miongoni mwa mengineyo na Katibu Mkuu wa Umoja huo, Ban Ki-moon, na Rais Reuven Rivlin wa Israel. Hata hivyo kumbukmbu za Umoja wa mataifa zimebidi ziakhirishwe hadi kesho kutokana na theluji kali inayopiga mjini New York.
Naye Rais Vladimir Putin wa Urusi amepanga kuikumbuka siku ya kukombolewa kambi ya maangamizi ya Auschwitz kwa kulihutubia taifa hii leo. Rais Putin amesema "jaribio lolote la kuiandika upya historia au kuipotoa halitokubalika."

KUFUATIA KUUAWA KWA WANAJESHI WA ISRAEL KISASI KULIPWA

Israel: Hatutaki kukoleza mzozo mpakani

Afisa wa Serikali ya Israel amesema nchi hiyo haitaki kuendeleza mvutano kwenye mpaka wake na Lebanon, baada ya mapambano kati ya jeshi la nchi hiyo na wanamgambo wa Hezbollah, ambamo wanajeshi wawili wa Israel waliuawa.

Shambulizi limetokea kwenye mpaka baina ya Israel na Lebanon

Afisa huyo ambaye hakutaka jina lake litajwe, ametoa kauli hiyo katika mahojiano na Radio ya Israel, baada ya mkutano wa dharura wa maafisa wa usalama uliofanyika usiku mjini Tel Aviv. Mkutano huo uliodumu kwa saa kadhaa uliwahusisha Waziri Mkuu Benjamin Netanyahu, waziri wa ulinzi Moshe Yaalon na kamanda mkuu wa jeshi la Israel Benny Gantz.
Ulifuatia shambulizi lililofanywa na kundi la Hezbollah la nchini Lebanon dhidi ya msafara wa jeshi la Israel, ndani ya eneo la mpaka ambalo Lebanon inasema Israel inalikalia kimabavu. Shambulizi hilo la Hezbollah liliwauwa wanajeshi wawili wa Israel wenye vyeo vya Kapteni na Sajenti, na kuwajeruhi wengine saba, hii ikiwa ni kwa mujibu wa msemaji wa jeshi la Israel Peter Lerner.
Hezbollah ilikiri kufanya shambulizi, ambalo lilijibiwa na Israel kwa mizinga na mashambulizi ya anga.
Netanyahu aonya kuhusu adhabu chungu

Waziri Mkuu wa Israel Benjamin Netanyahu

Awali, Netanyahu alikuwa amesema waliolishambulia jeshi la nchi yake watalipa kwa gharama kubwa.
'Kwa wakati huu ljeshi letu linashughulikia matukio kwenye mpaka wa kaskazini. Yeyote anayefikiria kutuchokoza kwenye mpaka huo, namshauri azingatie kilichotokea Gaza. Hamas ilipata kipigo kikubwa zaidi tangu kuundwa kwake, na jeshi letu liko tayari kujibu kwa nguvu kwenye mipaka yote''. Amesema Netanyahu.
Makabiliano haya yamekuja siku kumi baada ya mashambulizi yanayodaiwa kufanywa na Israel kuwauwa wapiganaji sita wa Hezbollah katika milima ya Golan siku kumi zilizopita.
Mwanajeshi wa kulinda amani auawa
Mbali na wanajeshi wa Israel waliouawa au kujeruhiwa, mwanajeshi raia wa Uhispania ambaye alikuwa katika ujumbe wa amani wa Umoja wa Mataifa katika eneo hilo, pia alipigwa risasi na kuuawa.

Mwanajeshi wa Umoja wa Mataifa amepigwa risasi akiwa kwenye doria

Balozi wa Uhispania kwenye Umoja wa Mataifa Roman Oyarzun Marchesi, amewaambia waandishi wa habri mjini New York, kuwa risasi iliyomuuwa mhispania huyo ilitoka upande wa Israel.
Baraza la Usalama la Umoja wa Mataifa liliitisha kikao cha dharura kuujadili mzozo huo, na rais wake wa sasa Cristian Barros Melet ambaye ni balozi wa Chile, amesema baraza hilo linalaani vikali shambulizi hilo lililomuuwa mwanajeshi wa kulinda amani.
Hata hivyo, licha ya karipio hilo kutoka baraza la usalama na katibu mkuu wa umoja wa mataifa mwenyewe, Ban Ki-moon, hakuna aliyethibitisha upande uliomuuwa mwanajeshi huyo.
Stephane Dujarric ambaye ni msemaji wa Katibu Mkuu wa Umoja wa Mataifa Ban Ki-moon amesema katibu mkuu huyo amesononeshwa na kuzorota kwa usalama kwenye mpaka baina ya Israel na Lebanon, na kuzitaka pande zote zinazohusika kuendeleza utulivu, na kuonyesha stahamala.
Hali hiyo ya mvutano imezifanya nchi hizo mbili kuzifunga shule zilizo karibu na mpaka, huku wakazi wa maeneo ya karibu na mpaka huo wakisema wamesikia milio milio ya silaha nzito

KISA CHA KUPIGWA PROFESA LIPUMBA HIKI HAPA

Mwenyekiti wa CUF Profesa Ibrahim Lipumba, akiwa chini ya ulinzi wa Polisi Dar es Salaam jana, baada ya kukamatwa kwa yeye na wafusi 36 wa Chama hicho 32 madai ya kuandamana bila kibali cha polisi, kukumbuka mauaji ya wafuasi 22 wa Chama hicho huko Pemba, Januari 26 na 27 , 2001 baada ya polisi kupambana na waandamanaji. Picha na Saidi Khamis


Dar es Salaam. Polisi jijini Dar es Salaam jana walifyatua mabomu ya machozi kutawanya viongozi na wafuasi wa CUF na baadaye kumtia nguvuni Profesa Ibrahim Lipumba na wanachama 32, tukio lililosababisha Ukawa kuunganisha nguvu kuwasaidia kuandika maelezo.

Profesa Lipumba na viongozi wenzake walikuwa wakienda Zakhem, Mbagala kuwatawanya kwa amani wafuasi wa CUF baada ya Jeshi la Polisi kutoa taarifa mapema jana ya kuzuia maandamano na mkutano wa hadhara uliopangwa kwa ajili ya kuadhimisha miaka 14 tangu wafuasi wa chama hicho walipouawa kwa risasi na polisi wakati wakiandamana kupinga matokeo ya uchaguzi wa Rais wa Zanzibar mwaka 2001. 

KIPIGO CHA LIPUMBA CHAVURUGA BUNGE

Mwenyekiti wa CUF, Profesa Ibrahim Lipumba akiwa katika Mahakama ya Hakimu Mkazi, Kisutu, Dar es Salaam jana baada ya kusomewa shtaka la kuhamasisha wafuasi wa chama hicho kutenda kosa la jinai. Juu kulia- Spika wa Bunge Anne Makinda akizungumza baada ya wabunge wa upinzani (kushoto), kusimama mfululizo wakipinga kuahirishwa kwa hoja ya kujadili suala la Profesa Lipumba kukamatwa. Picha na Edwin Mjwahuzi.


Dodoma. Kwa mara ya pili, Spika Anne Makinda jana alilazimika kuahirisha kwa muda shughuli za Bunge la Jamhuri ya Muungano baada ya wabunge wa vyama vya upinzani kukataa kukaa, wakishinikiza kitendo cha polisi kumpiga na baadaye kumkamata Mwenyekiti wa CUF, Profesa Ibrahim Lipumba kijadiliwe kwa masilahi ya Taifa.


Profesa Lipumba, ambaye pamoja na wanachama wengine 32 walikamatwa juzi eneo la Mtoni Mtongani wakati alipokuwa akielekea Zakhem, Mbagala jijini Dar es Salaam kuwataka wafuasi wa CUF kutawanyika kwa amani baada ya Jeshi la Polisi kuzuia maandamano, jana alikamatwa tena akiwa nje ya Kituo Kikuu cha Polisi muda mfupi baada ya kuachiwa kwa dhamana, akidaiwa kuongea na waandishi wa habari wakati akiwa mtuhumiwa.


Wakati akiwa mbaroni, Profesa Lipumba alijisikia vibaya na hivyo kupelekwa hospitali kabla ya kufikishwa Mahakama ya Kisutu jioni, akishtakiwa kwa kufanya maandamano bila ya kibali.


Jana bungeni, Spika Makinda alijikuta akipambana na nguvu ya wabunge wachache wa upinzani ya kuzuia kuendelea kwa shughuli za Bunge kama ilivyokuwa mwishoni mwa mwaka jana wakati walipotumia staili hiyo ya kusimama wakati wote kushinikiza Bunge kusikiliza matakwa yao kuhusu hatua za kuchukua dhidi ya wahusika kwenye sakata la uchotwaji fedha kwenye Akaunti ya Tegeta Escrow.


Wakati huo ilibidi Waziri Mkuu Mizengo Pinda na Waziri wa Nchi, Sera na Utaratibu wa Bunge, William Lukuvi kumfuata mkuu wa Kambi ya Upinzani Bungeni, Freeman Mbowe kuzungumza naye kabla ya Bunge kuahirishwa.


Tafrani ya jana iliyodumu kwa dakika 12 na sekunde 8 ilianza baada ya kumalizika kwa kipindi cha maswali na majibu. Baada ya kumalizika kwa kipindi hicho, wabunge zaidi ya watano wa upinzani walisimama kutaka kutoa hoja na Spika Makinda alimpa nafasi ya kwanza James Mbatia, ambaye ni mbunge wa kuteuliwa, aliyeomba mwongozo akitumia Kanuni ya 47 inayohusu kuahirishwa kwa shughuli za Bunge ili kujadili jambo la dharura.


Mbatia, ambaye aliisoma kanuni yote ya 47 yenye vipengele vinne, aliomba kutoa hoja ya kutaka kitendo cha kupigwa kwa Profesa Lipumba wakati akiwa katika mkutano wa hadhara, kijadiliwe.

SERIKALI YACHUKUA MADENI YOTE YA AIR TANZANIA

Naibu katibu mkuu wizara ya uchukuzi, Monica Mwamunyange

SERIKALI imekubali kuchukua madeni yote ya Kampuni ya Ndege ya Tanzania (ATCL) na kuyalipa, baada ya uhakiki ili kutoa fursa kwa shirika hilo kuanza biashara.
Naibu Katibu Mkuu wa Wizara ya Uchukuzi, Monica Mwamunyange, alisema hayo jana mbele ya Kamati ya Bunge ya Hesabu za Serikali (PAC) na kuongeza kuwa kinachofuatia ni kuunda upya shirika hilo.

“Shirika hilo litaundwa upya, ikiwa ni pamoja na kumtafuta kiongozi wake kwani Mkurugenzi wa sasa atastaafu mwezi ujao, ikiwa ni pamoja na kupunguza wafanyakazi na kubaki na nguvu kazi yenye tija, kwani kwa sasa tuna ndege moja lakini kuna wafanyakazi 140,” alisema.

Ndege mpya Mbali na kuundwa upya kwa kampuni hiyo, Mwamunyange alisema Serikali inaendelea na mchakato wa kununua ndege mbili aina ya D8-Q400 kutoka kampuni ya Bombardier Canada, kwa gharama ya Dola za Marekani milioni 32.87 kwa kila moja.

Ndege hizo kwa mujibu wa Mwamunyange, zitanunuliwa kwa mkopo kutoka Benki ya Maendeleo ya Tanzania (TIB) na zitatumika kutoa huduma za usafiri wa anga kwa soko la ndani na kikanda.

Mbali na ndege hizo mpya, Kaimu Mkurugenzi Mtendaji wa ATCL, Kapteni Milton Lazaro alisema kwa sasa Kampuni hiyo inamiliki ndege moja aina ya Dash 8-Q300 ambayo ina uwezo wa kubeba abiria 50.

Kwa mujibu wa Kapteni Lazaro, kwa sasa ndege hiyo ipo kwenye matengenezo kuanzia Oktoba 24, mwaka jana na inatarajiwa kukamilika Februari 2015, ila kwa sasa kampuni hiyo imekodisha ndege mbadala moja.

Madeni Akifafanua uchukuaji wa madeni hayo, Mwamunyange alisema Serikali inafanya majadiliano na baadhi ya wadai wa kampuni hiyo, kuangalia uwezekano wa kuondoa riba ili kupunguza deni la msingi na gharama nyinginezo.

“Majadiliano na kampuni nne yamekamilika na wamekubali kuondoa gharama zinazofikia bilioni 17.13 katika deni lao,” alisema. Mwamunyange pia alisema kampuni hiyo inakamilisha mpango wa biashara wa kampuni, utakaoonesha mahitaji ya ATCL kwa miaka mitano hadi kumi, utakaoainisha mahitaji ya rasilimali watu na kuwasilishwa serikalini.
Alisema mpango huo wa kibiashara ambao uko katika hatua za mwisho, pia utaonesha mwelekeo huku wakitarajia kushirikisha sekta binafsi.

Wawekezaji Alisema pia Serikali itaendelea kutafuta wawekezaji kwani awali baadhi ya kampuni za wawekezaji hazikuwa na sifa, na baadhi zilikuwa na masharti ambayo hayana manufaa kwa ATCL, huku zingine zikisita kuwekeza kutokana na deni kubwa la shirika hilo.
Alisema changamoto zingine zinazoikabili ATCL ni ukosefu wa vitendea kazi na wataalamu wa ndege ambao ni marubani na wahandisi.

Changamoto nyingine ni kutokuwa na mtaji wa kutosha na madeni yanayoongezeka kutokana na riba ya wadai na kushuka kwa thamani ya shilingi kwa kuwa madeni mengi yapo katika fedha za kigeni, ambapo hadi kufikia Desemba 2014 Shirika lilikuwa na madeni ya Sh bilioni 95.7.

Alisema baadhi ya wadai wamefikisha Shirika mahakamani na kutishia kuchukua rasilimali zake, ikiwemo Kampuni ya Leisure Tours and Holidays, Wellworth Hotel and Lodges, Kunduchi Hotel and Resort na Shirika la Utangazaji Tanzania (TBC).

Alisema kampuni hiyo pia inakabiliwa na changamoto ya idadi kubwa ya wafanyakazi, ikilinganishwa na rasilimali zilizopo na mikataba mibovu iliyosainiwa na viongozi wa kampuni waliokuwepo miaka ya nyuma ambayo haikuwa na tija na ATCL.

Mwenyekiti wa PAC, Kabwe Zitto alipongeza mikakati hiyo ya Serikali kuinua shirika hilo, lakini alitaka watumishi wa kamapuni na watendaji serikalini waliohusika katika mkataba wa kampuni ya Walls Trading Inc na ATCL, iliyosababisha Serikali kuingia gharama za mabilioni ya fedha, wapelekwe mahakamani.

Pia alimtaka Mwanasheria wa kampuni hiyo kuangalia uwezekano wa kupeleka mahakama kampuni hiyo, kutokana na kukiuka mkataba ili kudhihirisha umma kuwa nchi haiwezi kuingiwa na matapeli.

Akizungumzia suala hilo, Zitto alisema kampuni ya China Sonangol ambayo alikuwa mbia wa ATCL ilitafuta ndege ya kukodi ya Airbus 320 kutoka Liberia, ambayo ilifanya kazi kwa miezi sita na kwenda nchini Mauritius kwa matengenezo Machi mwaka 2009 na kukamilika Novemba mwaka huo kwa Dola 3,000,000.

Alisema kutokana na mkataba, matengenezo yalitakiwa kufanywa na ATCL tofauti na mikataba ya kimataifa ambayo mwenye ndege ndiyo anatakiwa kutengeneza jambo ambalo liliilazimu Serikali kulipa huku ndege hiyo ikifanya kazi nchini Guinea.

Mipango mingine Julai mwaka jana, Naibu Waziri wa Uchukuzi, Dk Charles Tizeba alisema ATCL ina mpango wa kununua ndege nyingine mbili, kwa mfumo wa kibiashara wa kukodi huku malipo ya ununuzi yakifanyika taratibu.

Ndege hizo aina ya D8 Q 400, zenye uwezo wa kubeba abiria 78 kila moja baada ya kununuliwa, zitaongeza wigo wa huduma za ATCL katika njia za Nairobi nchini Kenya, Kigali nchini Rwanda na nchini Uganda.

Kwa mujibu wa maelezo ya Dk Tizeba aliyoyatoa bungeni, ununuzi wa ndege hizo utafanyika baada ya kukamilika kwa taratibu za kisheria na kibiashara ambazo zinafuatwa.

Baada ya kukamilika kwa utekelezaji wa mpango huo, ambao utafanya ATCL kurusha ndege nne na kutoa huduma za ndani na katika nchi za Afrika Mashariki, Dk Tizeba alisema utafuata utekelezaji wa ununuzi wa ndege nyingine mbili.

“Kuna mpango wa kununua ndege mbili ndogo aina ya Y12E, kwa mkopo nafuu wa Exim Bank kutoka China kwa Serikali ya Tanzania, kila moja ina uwezo wa kubeba abiria 20,” alisema.
“Mbali na ndege hizo, pia Serikali kwa mujibu wa Dk Tizeba itanunua ndege mbili aina ya ERJ 170 na ERJ 190, zenye uwezo wa kubeba abiria 80 mpaka 100 kutoka nchini Brazil.

CHANZO: Habari Leo

RAIS KIKWETE AFANYA MABADILIKO MADOGO YA BARAZA LA MAWAZIRI WAAPISHWA LEO

Rais Jakaya Kikwete amefanya mabadiliko madogo ya baraza la mawaziri ambapo wafuatao wamo Mawaziri:
George Simbachawene- Waziri wa Nishati na Madini
Mary Nagu -Waziri wa nchi Mahusiano na Uratibu
Harrison Mwakyembe - Waziri wa Afrika Mashariki.
Wiliam Lukuvi - Waziri wa Ardhi Nyumba na Makazi
Steven Wassira - Waziri wa Kilimo Chakula na Ushirika
Samwel Sitta - Waziri wa Uchukuzi
Jenista Mhagama - Waziri wa Sera na Uratibu wa Bunge
Christopher Chiza- Waziri wa Nchi, Ofisi ya Waziri Mkuu Uwekezaji na Uwezeshaji

Na  Manaibu Waziri ni hawa hapa:
Steven Masele - Naibu Waziri wa Ofisi ya Makamu wa Rais Muungano
Angellah Kairuki - Naibu Waziri wa Ardhi Nyumba na Makazi
Ummy Mwalimu- Naibu Waziri wa Katiba na Sheria
Anna Kilango- Naibu waziri wa Elimu
Charles Mwijage - Naibu Waziri wa Nishati na Madini

PROF MUHONGO AJIUZULU

Akitangaza kujiuzulu mbele ya waandishi wa habari mapema leo Jumamosi Januari 24, 2015

Aliyekuwa Waziri wa Nishati na madini, Prof. Sospeter Muhongo ametangaza kujiuzulu Wadhifa wake wa Uwaziri Katika mkutano wake wa waandishi wa habari aliouitisha hii leo. Profesa Muhongo ametangaza hatua hiyo leo asubuni alipokuwa akizungumza na waandishi wa habari makao makuu ya Wizara ya Nishati na Madini jijini Dar es Salaam. Amesema atabaki na Ubunge nafasi aliyo ipata kwa kuteuliwa na Rais Kikwete.

Akiongea na Waandishi wa Habari, Prof. Muhongo amezidi kusisitiza kuwa yeye hakuhusika na chochote kile katika sakata hilo lakini baada ya kutafakari sana akagundua kwamba, katika sakata hilo amenyooshewa kidole yeye kama Profesa Muhongo. “Mimi nashangaa leo watu kila kona wananiona mimi ni mwizi, yaani kama mimi ndio nimechukua mabilioni ya escrow wakati ukweli upo wazi. Wakati wizara ya nisharti inaingia kwenye mkataba huo mimi sikuwepo kwenye nafasi ya uwaziri, lakini leo watu bado wananiona mimi ni mwizi.

Acha niachie ngazi nafasi hii ya uwaziri kwani imekuwa ni shida sana, mimi ni mtu msomi nimepata tuzo sehemu mbalimbali duniani nasifika kwa kutoa ushauri wenye tija, lakini leo naonekana mwizi, wakati historia yangu inaonesha mimi ni mtu msafi sina doa na wala sijawahi hata kumwibia mtu, lakini watu wananiona mimi mwizi” alisema Profesa Muhongo, na ni kwa sababu hiyo ameamua kujiuzulu kwa kuzitaja sababu mbili kuwa ni:-

-Ana matumaini kuwa kuachia kwake ngazi, mjadala wa ‘escrow’ utakuwa umefikia tamati.
-Anafanya hivyo ili kukiweka safi Chama Cha Mapinduzi ambacho kimekuwa kinanyooshewa kidole.

Amesema kwa namna moja ama nyingine, sakata hilo si tu kuwa limekuwa likikigharimu Chama bali pia baada ya kutafakari aliwasiliana na mkuu wake wa kazi, Rais Jakaya Kikwete na familia yake na watu wake wa karibu kuwataarifu kuwa anajiuzulu.

Amesema akiwa katika nafasi hiyo, aliweza kufanya mengi ikiwa ni pamoja na kuwapeleka vijana wengi nje kusomea masuala ya gesi, nishati na sayansi kwa ujumla kwani ili Taifa liendelee, linahitaji kuwa na wataalamu katika sekta hiyo muhimu.

Waziri huyo mtaalamu wa miamba, amejiuzulu kufuatia shinikizo la muda mrefu la kumtaka afanye hivyo au awajibishwe, kufuatia mapendekezo ya bunge lililopita, lililoiagiza Serikali kuchukua hatua dhidi ya viongozi wote na watendaji waliohusika na kashfa ya akaunti ya Tegeta Escrow iliyobainisha kiasi cha fedha bilioni 302 kuchotwa BOT zilipokuwa zikihifadhiwa.

Mwishoni mwa mwaka jana, 2014, Bunge la Tanzania lilitoka na maazimio ya kutaka kuwajibishwa kwa mawaziri Profesa Sospeter Muhongo, Profesa Anna Tibaijuka, Mwanasheria Mkuu wa Serikali Jaji Frederick Werema, kutokana na sakata la uchotaji wa fedha katika akaunti ya Tegeta Escrow, iliyokuwa Benki Kuu (BoT) kwa kutaka mamlaka ya uteuzi kutengua uteuzi wao. Mbali na hao, yumo Katibu Mkuu wa Wizara ya Nishati na Madini, Eliakim Maswi na Bodi ya Wakurugenzi ya Shirika la Umeme Tanzania (TANESCO).

Profesa Muhongo anakuwa ni kigogo wa nne kufuata mkumbo baada ya Waziri Profesa Anna Tibaijuka kufukuzwa nafasi yake na Rais, Mwanasheria Mkuu wa Serikali Jaji Frederick Werema kujiuzulu mwenyewe, huku Katibu Mkuu wa Wizara ya Nishati na Madini, Eliakim Maswi akisimamishwa na Bodi ya Wakurugenzi ya Shirika la Umeme Tanzania (Tanesco) kuvunjwa.

Katika hotuba ya mwisho ya Rais Jakaya Kikwete, siku alipotengua uwaziri wa Profesa Anna Tibaijuka alisema amemeweka kiporo Profesa Sospeter Muhongo wakati uchunguzi zaidi wa kashfa hiyo ukifanywa (TK).

MUASISI WA TANU AFARIKI AKIWA NA MIAKA 120 AAGWA

Waziri mkuu wa zamani mbunge wa Monduli Mh Edward Lowassa na mkewe mama Regina Lowassa wakitoa heshima za mwisho kwa mwili wa marehemu mzee Lazaro ole Ngoilenya Laizer aliyefariki juzi na kuzikwa jana Alhamis kijijini kwake Ngarash Monduli.Mzee Ole Ngoilenya ambaye amefariki akiwa na umri wa miaka 120 alikuwa muasisi na kiongozi wa kwanza wa Chama Cha TAA na baadaye TANU wilayani Monduli wakati huo ikijulikana kama Maasai District. Pia ndiye alikuwa chachu kwa Mh Lowassa na wanasiasa wengine wa Monduli kuingia katika siasa. Alioa wake 9 na kufanikiwa kupata watoto 53.

Waziri mkuu wa zamani mbunge wa Monduli Mh Edward Lowassa na mkewe mama Regina Lowassa wakitoa pole kwa wafiwa baada ya kutoa heshima za mwisho kwa mwili wa marehemu mzee Lazaro ole Ngoilenya Laizer aliyefariki Jumanne na kuzikwa Alhamisi kijijini kwake Ngarash Monduli.

UTANDAWAZI UNAUA UTAMADUNI

Utandawazi unatajwa kuwa kiunganishi muhimu cha maisha ya kisasa kinachoubadilisha uchumi wa nchi kuwa wa kimataifa, lakini unalaumiwa pia kwa kutoweka kwa Uútambulisho wa tamaduni asilia.

Utandawazi unaufanya ulimwengu kuwa kijiji lakini kwa gharama za kuupoteza utambulisho wa tamaduni asilia.

Vijana wengi wa sasa wanakuwa na kuishi huku wakiimarisha dunia nzima na kujieleza wenyewe kuwa ni watu wasiomilikiwa na utamaduni wowote. Mwaka 2013, watu milioni 232, au asilimia 3.2 ya idadi ya watu duniani, walikuwa wahamiaji kwa mujibu wa sheria za kimataifa, ikilinganishwa na watu 175 milioni mwaka 2000 na 154 milioni mwaka 1990.
Matokeo ya takwimu hizo ni idadi kubwa ya watu ulimwenguni kuoana kutoka watu wa tamaduni mbalimbali, dini na makabila. Kwa mfano wa Barani Ulaya katika kipindi cha mwaka 2008 hadi mwaka 2010 kwa wastani wa mtu mmoja kati ya watu 12 waliofunga ndoa, ndoa yake imechanganyika na watoto wao wanakuwa katika uzazi wa mchanganyiko na wakati mwingine ni wenyeji wa nchi waliomo kama wazazi wote ni wahamiaji.

KUSHUKA KWA BEI KUNAATHIRI WALAJI

Mtu ungedhani kwamba kuporomoka kwa bei ni jambo jema, lakini wachumi wanasema kila bei za bidhaa zinavyoshuka ndivyo watumiaji wanavyoacha kufanya manunuzi wakingojea punguzo jengine la bei.

Wanawake wa Misri wakiwania kununua mikate wakati wa kuadimika kwa bidhaa madukani.

Wachumi ulimwenguni wana wasiwasi. Bei zinaweza kuanguka wakati kila bidhaa zinazotumika siku hadi siku zinaposhuka thamani madukani. Hilo huitwa mporomoko wa bei, ambao licha ya furaha unayoweza kuwa nayo ya kununua vitu kama vile gari au nyumba kwa bei rahisi, bado ni tatizo kubwa.
Na bado ni tatizo linalozalisha tatizo jengine la ziada, nalo ni namna gani wachumi wanaweza kuwafanya watu waelewe kuwa kushuka bei kwa vitu ni tatizo.
Mchumi wa taasisi ya RWI mjini Essen, Ujerumani, Roland Doehrn, anasema kwamba tatizo linakuja pale watu wanapokisia kuwa bei zitaendelea kushuka na hivyo kufikiria kwamba kama akinunua bidhaa fulani ndani ya siku fulani, huenda bei yake itashuka siku inayofuatia, na hivyo kuamua kubakia na pesa zao wakisubiri vitu vishuke bei.
Matokeo ya kuporomoka kwa bei za bidhaa yana athari ya moja kwa moja kwa mapato na matumizi ya watu wa kawaida, kwani kampuni nyingi hulazimika kuchukuwa hatua, kwani nazo huwa zinazalisha fedha kidogo zaidi. Bei zinaposhuka, ni dalili ya kukatwa kwa nafasi za kazi, kupunguzwa mishahara, na katika mazingira mengine ni kufungwa kabisa kwa biashara au kampuni.
Ikiwa hilo litatokezea kwa sehemu kubwa ya biashara na kampuni kwenye nchi, maana yake ni kuwa kila mtu atakumbana na machungu yake, wakiwemo watumiaji wa kawaida wa bidhaa ambao ni wananchi.
Bei zikishuka, madeni hayashuki

Raia wa Ugiriki wakitoka madukani wakiwa na vitu vichache walivyoweza kununua.

Hata kama mfanyakazi atajaaliwa kubakia na kazi yake, katika mazingira kama hayo ni kwamba atalazimika kuishi kwa mshahara mdogo zaidi.
Suala la mfanyakazi kupata mshahara mdogo wakati bidhaa nazo zinauzwa kwa bei ya chini lisingelikuwa tatizo ikiwa tu mfanyakazi huyo hana madeni ya ziada. Lakini mara tu suala la madeni likijiingiza hapa, ni wazi kuwa hali inakuwa mbaya zaidi.
Mshahara unaweza kushuka lakini kiwango cha deni hakiwezi kuja chini. Maana yake ni kuwa hata katika wakati ambapo bidhaa zimeshuka thamani, mfanyakazi huyu hupaswa kulipa deni lake akiwa na pato dogo zaidi, na hiyo ndiyo sababu wachumi wengi wanaona kiwango fulani cha mfumuko wa bei ni cha muhimu na lazima pia.
Kiwango fulani cha mfumuko wa bei sio tu kinaonesha kuwa uchumi unaimarika, bali pia kinathibitisha wastani wa maisha ya watu yanakwenda mbele: mshahara unapanda na kiwango cha deni kwa ujumla kinakuwa kwa kasi ndogo.
"Kunapokuwa na mfumuko wa bei, madeni yako yanashuka kila mwaka kwa sababu mapato yako yanaongezeka sambamba na mfumuko huo wa bei," anasema Doehrn.

DRC YAFUTA SENSA KABLA YA UCHAGUZI

Baraza la seneti katika Jamhuri ya Kidemokrasia ya Kongo leo (23.01.2015) limefuta kipengele kinachotaka sensa ifanyike kabla uchaguzi wa rais mwaka ujao katika muswada wa sheria ambao unahofiwa utamuwezesha rais wa nchi hiyo Joseph Kabila kuendelea kubakia madarakani wakati muhula wake sasa utakapomalizika mwaka 2016.

Rais wa Jamhuri ya Kidemokrasia ya Kongo, Joseph Kabila

Baraza la seneti katika Jamhuri ya Kidemokrasia ya Kongo limefutulia mbali kipengele kinachotaka kufanyike zoezi la sensa kabla uchaguzi wa rais mwaka ujao na kuidhinisha ibara ya 8 ya muswada huo uliofanyiwa marekebisho, likisema usajili wa wapigaji kura katika daftari la wapiga kura lazima ufanyike kwa mujibu wa muda uliowekwa katika katiba kwa uchaguzi wa rais na bunge.
Kipengele hicho, ambacho kiliidhinishwa mwishoni mwa wiki iliyopita na bunge, kimeibua maandamano ya upinzani ambapo watu wapatao 42 waliuwawa mjini Kinshasa kwa mujibu wa shirika la kimataifa la kutetea haki za binadamu, International Federation for Human Rights (FIDH).
Tume inayowajumuisha wajumbe kutoka pande zote sasa itakuwa na jukumu la kuzidurusu sehemu mbili za miswada hiyo kabla kura ya mwisho, inayotarajiwa kufanyika kabla ya kikao cha bunge kumalizika Jumatatu wiki ijayo. Zoezi la kuupigia muswada wa awali lilikuwa lifanyike jana lakini likaahirishwa hadi leo, ili kuipa nafasi tume ya baraza la seneti inayodurusu vipengele vya sheria hiyo ilikuwa bado haijakamilisha kuyachungza marekebisho yaliyopendekzewa.
"Kwa mustakabali wa nchi yetu hatuwezi kuuvuruga muswada huu. Ndio maana tunahitaji kuipa tume muda wa kukamilisha kazi yake tupate sheria itakayomridhisha kila mtu," alisema rais wa baraza la seneti Leon Kengo Wa Dondo, wakati alipowahutubia wabunge jana.
Baada ya siku tatu za maandamano utulivu ulirejea katika mji mkuu wa Kongo, Kinshasa, hapo jana, lakini machafuko yakaripotiwa katika mji mkuu wa jimbo la Kivu Kaskazini, Goma, mashariki mwa nchi hiyo. Kwa mujibu wa maafisa wa Kongo watu wanne waliuwawa katika machafuko ya Goma.

Machafuko mjini Kinshasa

Huduma za mtandao wa mawasiliano wa intaneti ambazo zilisimamishwa wakati wa maandamano hayo zilirejeshwa kwa sehemu ndogo jana, ingawa huduma ya kutuma ujumbe mfupi bado imefungwa.

WANAUME RUKSA KUJISAIDIA WAKIWA WAMESIMAMA

Mpangaji amekataa kumlipa mmiliki wa nyumba akisema ni haki yake kusimama akiwa anaenda haja ndogo

Mahakama moja nchini Ujerumani imempa idhini mwanamume mmoja kujisaidia haja ndogo akiwa amesimama baada ya mwenye nyumba kutaka alipwe akidai kuwa sakafu ya bafu lake iliharibiwa na mkojo wa mpangaji wake.

Mwenye nyumba ambaye alitaka kulipwa dola 2,200 kwa uharibifu uliofanyika, alidai kwamba sakafu yake iliyotengezwa kwa mawe aina ya Marble iliharibiwa na mkojo.
Lakini jaji aliamua kwamba njia aliyotumia mwanamume huyo kujisaidia inaambatana na tamaduni nyingi akisema kuwa mtu anapojisaidia akiwa amesimama ni jambo la kaiwada sana.
Kuna mjadala nchini Ujerumani kuhusu ikiwa wanaume wanapaswa kujisaidia haja ndogo wakiwa wanasimama au wakiwa wamekaa kwenye choo.
Baadhi ya vyoo nchini Ujerumani haviwaruhusu watu kujisaidia wakiwa wamesimama, lakini wale wanaoamua kuketi chini huitwa "Sitzpinkler", ikimaanisha kwamba wao sio kama wanaume ni sio jambo la kawaida kwa wanaume kukaa wakiwa wanajisaidia haja ndogo.
Jaji Stefan Hank alikubaliana na ripoti ya wataalamu kwamba tindikali inayotokana na mkojo au Euric Acid, huharibu sakafu nyingi za vyoo.
Lakini kwa kukamilisha amri yake, jaji alisema kwamba wanaume wanaosisitiza kusimama wanapojisaidia haja ndogo, mara kwa mara huvurugana na wenye nyumba lakini hawawezi kuamrishwa kulipa ikiwa sakafu itaharibika

MDOGO WA MFALME ABDULLA AMRITHI KAKA YAKE SAUDIA

Mfalme wa Saudi Arabia Abdullah bin Abdul-Aziz Al Saud alifariki dunia siku ya Ijumaa akiwa na umri wa miaka 90, na kurithiwa na na mdogo wake Salman, kama mtawala wa juu kabisaa wa taifa hilo tajiri wa mafuta.

Viongozi wa ulimwengu wametuma salaam za rambirambi kufuatia kifo cha Mfalme Abdullah, anaeangaliwa kama mwanamageuzi mwenye tahadhari, alieliongoza taifa hilo la kifalme katika kipindi cha misukosuko, katika kanda iliyotikiswa na joto la mageuzi katika mataifa kadhaa ya Kiarabu na itikadi kali za dini ya Kiislamu.
Ofisi ya Kifalme haikutaja sababu ya kifo cha Abdullah, lakini alilazwa hospitali mwezi Desemba akisumbuliwa na homa ya mapafu, na alikuwa akipumua kwa msaada wa mashine.
Chini ya utawala wake ulioanza mwaka 2005, Saudi Arabia imekuwa mshirika muhimu wa utawala mjini Washington katika ulimwengu wa Kiarabu, ushirika wa karibuni zaidi ukiwa wa muungano wa mashambulizi dhidi ya kundi la Dola ya Kiilsamu nchini Iraq na Syria, unaoongozwa na Marekani.
Rais wa Marekani Barack Obama amemueleza Abdullah kama mshirika anaethaminiwa. Salaam nyingine za rambirambi zimetoka Japan, India, Ufilipino, Pakistana na Ufaransa na pia kutoka kwa katibu mkuu wa Umoja wa Mataifa Ban Ki-moon.

Mfalme mpya Salman bin Abdul-Aziz.

Kifo chake chapandisha bei za mafuta
Kama taifa linaloongoza kwa uzalishaji mafuta duniani, Saudi Arabia imechangia pakubwa uamuzi wa OPEC kukataa kupunguza uzalishaji ili kusaidia bezi za mafuta, ambazo zimeshuka kwa zaidi ya asilmia 50 tangu mwezi Juni. Bei za nisahti hiyo zilipanda leo, kufuatia kifo cha Abdullah, kukiwa na wasiwasi juu y aiwapo mfalme mpya Salman bin Abdul-Aziz ataendeleza sera hiyo.
Lakini Salma amesema katika hotuba yake kwa njia ya Televisheni muda mfupi uliyopita, mflame huyo mpya mwenye umri wa miaka 79 ameahidi kuendeleza sera za watangulizi wake. "Tutaendelea kuziheshimu sera sahihi ambazo Saudi Arabia imezifuata tangu kuasisiwa kwake," alisema mfalme huyo.
Abdullah alifanya mageuzi ya tahdhari wakati akiwa madarakani, akiwapinga wahafidhina kwa hatua kama vile kuwajumlisha wanawake katika baraza la ushauri maarufu kama Shura. Aliongoza maendeleo ya kiuchumi ya falme hiyo, na alisimamia mchakato wa nchi kujiunga na shirika la biashara duniano WTO, akitumia fedha za mafuta kujenga miji mipya ya kiuchumi, vyuo vikuu na njia za reli.
Lakini Saudi Arabia bado inakosolewa kwa rekodi yake ya haki za binaadamu, ikiwemo kufungwa kwa wapinzani. Pia ndiyo nchi pekee duniani, ambako wanawake hawaruhusiwi kuendesha magari.

Mfalme Abdullah enzi za uhai wake.

Mkereketwa wa familia ya kifalme
Salman ni mkereketwa wa familia ya kifalme anayesifiwa kwa kuubadili mji wa Riyadh wakati wa kipindi cha nusu karne alichokuwa gavana wake. Katika miaka ya hivi karibuni, kumekuwa na wasiwasi juu ya afya yake, baada ya kufanyiwa upasuaji mgongoni, lakini Salman alichukuwa jukumu kubwa zaidi pale matatizo ya kiafya ya Abdullah yalipomlaazimu kukaa pembeni.
Salman pia ameshikilia nyadhifa za waziri wa ulinzi na mambo ya ndani, na alikuwa sehemu muhimu ya diplomasia ya Saudi Arabia, akizitembelea mara kwa mara nchi za Magharibi. Mwaka uliyopita alifanya ziara yake ya kwanza nchini China na mataifa mengine ya Asia, katika hatua ilioonekana kama jaribio la kuelekea mashariki.
Changamoto zinazomkabili
Mfalme Abdullah alimteuwa Murqim kama naibu mrithi wa kiti cha ufalme mwezi Machi mwaka jana, katika hatua ya kihistoria iliolenga kurahisha mchakato wa urithi. Murqim, ambaye ni mkuu w azamani wa idara ya ujasusi, alikuwa mtu wa karibu sana wa Abdullah akiwa na sifa ya uliberali.
Afisa huyo wa zamani wa jeshi la anga aliezaliwa mwaka 1945, ndiye mtoto wa mwisho wa Mfalme Abdul-Aziz bin Saud, mwasisi wa taifa la Saudi Arabia. Tangu kifo cha Mfalme Abdul-Aziz mwaka 1952, kiti cha ufalme kimekuwa kikirithiwa na watoto wake. Abdul-Aziz alikuwa watoto 45 waliorekodiwa na Abdullah, Salman na Murqim walizaliwa kwa mama tofauti.

Marehemu Abdullah akiwa ndani ya Swala na baadhi ya wanafamilia wa familia ya kifalme ya Saudi Arabia.

Mfalme mpya atakabiliwa na changamoto kubwa, hasa wakati ambapo kushuka kwa bei za mafuta kunapunguza mapato ya taifa. Saudi Arabia imeweza kuepuka machafuko yaliyoyatikisa mataifa mengi ya Kiarabu katika miaka ya hivi karibuni, kutokana na matumizi makubwa ya umma.
Taifa hilo limejiwekea akiba ya fedha, lakini tayari limetabiri nakisi ya dola bilioni 38.6 mwaka huu. Wasaudia wengi walitumia mitandao ya kijamii kuomboleza kifo cha mfalme wao.
Tayari Salma amemteuwa mwanaye Mohammed bin Salman kuwa waziri wa ulinzi na mkuu wa ofisi ya Kifalme, huku mawaziri wengine wakibakia katika nyafisha zao, huku akimtangaza mjukuu wa muasisi wa taifa hilo Mohammed bin Nayef kuwa naibu mrithi wa kiti cha ufalme.