Mti mrefu zaidi Afrika wagunduliwa Tanzania

 

Mti huo uko bonde moja lililo Kusini Mashariki mwa Tanzania.

Wanasayansi wanasema kuwa wamegundua kile wanaamini kuwa ni mti mrefu zaidi barani Afrika. Mti huo uko bonde moja lililo Kaskazini Mashariki mwa Tanzania.

Wanasayansi kutoka chuo cha Bayreuth nchini Ujerumani, wanasema wanaamini kuwa mti huo unaopatiknan karibu na mlima Kilimanjaro ndio mrefu zaidi barani.
Mmoja wa wanasayansi hao alisema kuwa aliona mtu huo miaka 20 iliyopita, lakini ni hadi hivi majuzi wakitumia vifaa maalum walifaulu kupima urefu wake.
Mti huo kutoka familia ya Entandrophragma excelsum una urefu wa mita 81.
Wanasayansi nchini Tanzania bado hawajatoa taarifa yoyote kuhusu ugunduzi huo.
Wanasayansi waliogundua mti huo sasa wanataka ujumuishwe kwenye kumbukumbu ya miti isiyo ya kawaida duniani

Brazil yaomboleza vifo vya wachezaji

Rais wa Brazil Michel Temer atangaza siku tatu za maombolezo ya kitaifa kufuatia vifo vya wachezaji vilivyosababishwa na ajali ya ndege.

Rais wa Brazil Michel Temer ametangaza siku tatu za maombolezo ya kitaifa kufuatia vifo vya wachezaji wa timu ya soka ya Chapecoense, ambao walikuwa miongoni mwa abiria 81 waliokuwemo kwenye ndege iliyoanguka kwenye milima ya Colombia jumatatu hii, na kusababisha vifo vya abiria 76, na wengine watano kunusurika.
Ndege hiyo ndogo ya shirika la ndege la LAMIA awali ilitoa taarifa ya hali ya hatari iliyosababishwa na hitilafu kwenye mfumo wa umeme, na hatimaye kuanguka muda mfupi baadaye karibu na mji wa Medelin.
Ndege hiyo ilikuwa imebeba wachezaji wa timu ya Chapecoense Real ya Brazil, iliyokuwa ikielekea kucheza mechi ya fainali ya michuano ya kuwania ubingwa wa kombe la Amerika ya Kusini (Copa Sudamericana) ambayo ni ya pili kwa ukubwa katika Bara la Amerika ya Kusini, iliyotarajiwa kuchezwa kesho jumatano dhidi ya Atletico Nacional ya Colombia.

Rais wa Brazil, Michel Temer ametoa siku tatu za maombolezo ya wahanga wa ajali hiyo

Pamoja na Rais Temer kutangaza siku tatu za maombolezo ya kitaifa, kumeendelea pia kutolewa rambirambi kutoka kona mbalimbali Barani Ulaya, ambapo Rais wa shirikisho la soka duniani, FIFA, Gianni Infatino amesema, " Hili ni tukio la kusikitisha sana kwenye anga la soka, na limetokea katika kipindi kigumu. Mawazo yetu yapo kwa wahanga wa ajali hiyo, familia na jamaa zao" amesema Infatino. FIFA inatoa  pole kwa mashabiki wa Chapecoense, jumuiya ya soka na vyombo vya habari vya nchini Brazil.
Mmoja wa wajumbe wa bodi ya timu hiyo, Plinio De Nes, amesema wachezaji hao waliiaga bodi wakisema wanaenda kutimiza ndoto yao waliyoiota kwa muda mrefu.
Mshambuliaji wa timu ya Colombia Radamel Falcao, yeye ameandika kupitia ukurasa wake wa Twitter akisema, "maombi yangu ni kuwa na mshikamano na manusura, familia na jamaa ya wachezaji hao katika kipindi hiki kigumu."
Timu ya Atletico Madrid, nayo imetuma salamu za pole kupitia Twitter, ikiandika, "Tumeshtushwa sana na ajali hiyo inayohusisha klabu ya mchezaji mwenzetu wa zamani, Cleber Santana ambaye kwa sasa alikuwa ni kapteni wa timu hiyo ya Chapecoense, "salamu zetu za pole ziwafikie familia zao. Pumzikeni kwa amani.

Rais wa FIFA, Gianni Infatino amesema ajali hiyo imetokea katika kipindi kigumu

Mawazo ya kila mmoja wa Manchester United yapo kwa wahanga wa ajali ya ndege wa timu ya soka ya Chapecoense na wale wote walioathirika na janga hilo la Colombia, imeandikwa kwenye ukurasa wa Twitter wa timu ya Manchester United ya Uingereza, ambayo nayo iliwahi kupoteza wachezaji wanane mnamo mwezi Februari mwaka 1958, wakati ndege yao ilipoanguka ikiwa inaondoka kutoka uwanja wa ndege wa Munich.
Timu ya Real Madrid, kupitia tovuti yake, nayo imeeleza kusiktitishwa kwake na tukio hilo, na kutoa salamu za pole kwa ndugu na jamaa wa wahanga hao, huku pia ikiwatakia kuimarika kwa haraka afya za majeruhi wa ajali hiyo. mawazo yetu yapo pamoja na Chapecoense na kila mmoja aliyeguswa na ajali hii na familia zao, hatuna neno la kuongeza, ameandika kapteni wa Real madrid, Sergio Ramos, kupitia ukurasa wake wa Twitter.
Timu za FC Barcelona, AS Roma na FC Porto nazo zimetuma salamu za pole kupitia kurasa za Twitter, kutokana na ajali hiyo.
Wachezaji tisa wa timu hiyo hawakusafiri. Ndege hiyo hiyo iliwabeba wachezaji wa timu ya Argentina wiki mbili zilizopita ikiwa na mchezaji Lionel Messi walipokuwa wakielekea san Juan Argentina kwa ajili ya mechi ya kufuzu kucheza kombe la dunia.
Mwandishi: Lilian Mtono/ http: AFPE/ APE/ //www.dw.com/en/plane-crash-kills-76-in-colombia-6-survive/a-36565336.
Mhariri: Saumu Yusu

Uholanzi ina tatizo la Uhaba mkubwa wa wafungwa

Mfungwa wa Uholanzi katika gereza la Esserheem

Huku maeneo mengi ya dunia yakihangaika na magereza yaliyojaa wafungwa kupita kiasi, Uholanzi ina tatizo tofauti. Uhaba wa wafungwa.

Katika kipindi cha chini ya miaka 19, magereza yamefunga shughuli zake na mengine zaidi yamepangwa kufungwa mwaka ujao. Ni vipi hili liliwezekana - na kwa nini baadhi ya watu wanafikiri ni shida?
Harufu nzuri ya kupendeza ya vitunguu inanukia, kupitia mlilango ya mahabusu na katika jengo zima. Jikoni wafungwa wanaandaa chakula chao cha jioni. Mwanamume mmoja aliyeko upande mmoja wa jiko anakata mboga.
"Nilikuwa na miaka sita ya kujifunza sasa nina uelewa zaidi wa shughuli hii!" alisema.
Ni kazi yenye kelele kwa sababu kisu kimefungwa kwenye nyororo ndefu iliyofungwa juu.
"Hawawezi kuchukua kisu hicho mikononi ," anasema Jan Roelof van der Spoel, naibu gavana wa gereza la Norgerhaven, lenye ulinzi mkali lililoko kaskazini mashariki mwa Uholanzi. "
"Lakini wanaweza kuazima visu vidogo vya jikonikama wakitoa vitambulisho vyao ili tufahamu ni nani ana nini."
Baadhi ya wanaume hao wamefungwa kwa kufanya makosa ya ghasia na wazo kwamba watembee na visu ni suala linalotia shaka. Lakini kujifunza kupika ni moja tu ya njia ambazo gereza husaidia wafungwa kurejea katika maisha ya kawaida mara baada ya kufunguliwa

 

Kisu kilichofungwa kwa mnyororo katika jiko la gereza

"Katikka magereza ya Uholanzi tuanaangalia kila mmoja," anasema Van der Spoel.
"Kama mtu fulani ana matatizo ya mihadarati tunatibu hali yake, kama ni wenye hasira tunawapatia ushauri wa kudhibiti hasira zao , kama wana matatizo ya pesa tunawapatia ushauri nasaha. Kwa hiyo tunajaribu kuondoa kile kinachosababisha mtu afanye uhalifu . Mfungwa mwenyewe lazima awe na utashi wa kubadilika lakini njia yetu imewafaa sana. Kwa zaidi ya miaka 10 , kazi yetu imeboreka zaidi na zaidi.''
Wafungwa wanaofuata maelekezo hatimaye hupewa kifungo cha miaka miwili na msururu wa mafunzo katika mpango wa kuwarejesha katika hali ya kawaidi . Chini ya 10% hurejea gerezani baada ya kuachiliwa huru.
Hewa safi ni muhimu kwa hiyo wafungwa huruhusiwa kutembea wakisindikizwa hadi maktaba , kwenye kliniki ama mgahawa na hilo huwasaidia kuendelea na maisha ya kawaida punde wanapomaliza kifungo cha gerezani.

Moja ya majengo ya gereza yaliyobaki tupu

Muongo mmoja uliopita Uholanzi ilikuwa ni mojawapo ya nchi zenye kifungo cha muda mrefu zaidi barani Ulaya, lakini sasa inadai kuwa nchi yenye wafungwa wachache zaidi, yaani wafungwa - kati ya watu 100,000 , ikilinganishwa na wafungwa 148 Uingereza na Wales.
Lakini mpango wa kutoa ushauri nasaha si sababu pekee iliyosababisha kupungua kwa watu katika magereza ya Uholanzi - kutoka wafungwa 14,468 mwaka 2005 hadi wafungwa 8,245 mwaka jana - kiwango hicho kikiwa sawa na asilimia 43.
Kupungua zaidi kwa idadi hiyo mwaka 2005 kulisababishwa kwa sehemu kubwa na kuboreshwa kwa upekuzi katika uwanja wa ndege wa kimataifa wa Amsterdam-Schiphol, ambako kulisababisha kubainika kwa idadi ya wauzaji wa mihadarati kukamatwa wakiwa wamebeba cocaine.

Angeline van Dijk: Tuna vifungo vya muda mfupi na kupunguza viwango vya uhalifu

Angeline van Dijk, Mkurugenzi wa huduma za magereza nchini Uholanzi, anasema magereza sasa yanatumiwa kuwahifadhi wale ambao ni hatari sana kuachiliwa, ama wahalifu waliomo hatarini wanaohitaji usaidizi wakiwa ndani ya gereza.
"Wakati mwingine ni vyema kwa watu kukaa katika kazi zao, wakae na familia na kufanya adhabu kwa namna nyingine," anasema kulingana na uzoefu wake wa kazi hiyo.
"Tuna hukumu za muda mfupi za gerezani na kupunguza viwango vya uhalifu hapa Uholanzi, kwa hiyo hili linaacha magereza yetu kuwa matupu ."
Mojawapo ya gereza lililokosa watu liligeuzwa kuwa Hoteli ya kifahari kusini mwa mji wa Amsterdam, ni hoteli ya nne kwa kuwa ghali, ikipewa majina ... The Lawyer, The Judge, The Governor na The Jailer.
Lakini mengine yaligeuzwa kuwa vituo vya kuwapokea wahamiaji, na kutoa ajira kwa baadhi ya walinzi wa zamani wa magereza.

Image caption Baadhi ya majengo ya gereza yamegeuzwa kuwa vituo vya kuwahifadhi wahamiaji

Azma ya kulinda ajira za magereza imetoa suluhu ya kushangaza - kuletwa kwa wafungwa wa kigeni kutoka nchi za Norway na Ubelgiji

Image caption Njia inayoelekea kwenye jengo ambako wafungwa wanafanya kazi

Image caption Jengo la gereza la Veenhuizen wakati wa majira ya baridi

Image caption Lango kuu la gereza

Waziri Mkuu ahamia katika nyumba yenye choo cha kuzuia risasi

Jumba la waziri mkuu wa Telangana nchini India

Waziri mkuu wa jimbo la Telangana nchini India amezua hisia baada ya kuhamia katika nyumba mpya inayogharimu walipa kodi dola milioni 7.3.

Jumba hilo lina ukubwa wa mita 9,000 mraba katika mji wa Hyderabad.

 

Jumba la waziri mkuu wa Telangana nchini India

Jumba hilo lina vyoo vilivyo na uwezo wa kukinga risasi kuingia, ukumbi ulio na viti 250 na eneo la mikutano linaloweza kuingiza watu 500.
Jumba hilo lilibarikiwa na mshauri wa maswala ya kidini wa waziri huyo huku choo hicho kinachoweza kuzuia risasi kuingia kikifanyiwa masikhara.

MNAOPENDA KUTEMBELEA WATU NA KUPIGA KELELE SOMA HII

 Alana Annette Savell aliwafyatulia risasi wageni wake

Mwanamke mmoja katika jimbo la Florida nchini Marekani, aliwafyatulia risasi wageni waliokuwa wamemtembelea kwa sababu walikuwa wamekaa sana na walikuwa wanapiga kelele, polisi wanasema.

Alana Annette Savell, 32, alikuwa mwenyeji wa wageni hao wawili, wapenzi, katika jiji la Panama pale walipoanza kupiga kelele sana.
Polisi wanasema aliwaamrisha kuondoka kutoka nyumbani kwake, kabla ya kuwapiga risasi miguuni.
Walijipeleka hospitalini wakiwa na majeraha, ambayo hayakuwa mabaya sana.
Bi Savell ameshtakiwa kwa kuwashambulia watu akitumia bunduki.
Ofisi ya Mwendesha mashtaka wa wilaya ya Bay iliiambia BBC kwamba mwanamke huyo kwa jina Kristy Jo Mohr alikuwa amefika na mpenzi wake, ambaye walikuwa wamekutana kwenye baa, nyumbani kwa mshtakiwa mwendo wa saa saba usiku Jumatatu.

SHULE HII BILA NGAZI HUFIKI

• 

  Wanafunzi kadha wa shule moja eneo la Sichuan, China wamepata ngazi mpya kuwasaidia kupanda na kushuka urefu wa mita 800 kufika na kuondoka shuleni.
• 
  Kijiji cha Atuler kimepewa jina la utani "kijiji cha mwamba". Kijiji hiki hupatikana mita 800 juu kwenye nyika eneo la Sichuan, China. Wanaoishi hapa ni watu wa jamii ya Yi, ambao pia hupatikana Vietnam na Thailand.
• Hadi kufikia sasa, kulikuwa na ngazi 17 za mbao ambayo ilikuwa njia pekee ya wakazi wa kijiji hiki kutoka nje ya kijiji chao. Kupanda ngazi hizi lilikuwa jambo hatari na watu zaidi ya saba walifariki wakizikwea, wakazi wanasema.
• 
  
  Watoto karibu 20 kutoka kijiji cha Atuler husomea shule ya bweni, na ndipo waweze kufika hutakiwa kushuka kwa kutumia ngazi hiyo. Wakati wa likizo, shule zinapofungwa, hutakiwa kupanda ngazi tena kurejea kijijini.
• Sasa, ngazi ya chuma imejengwa kurahisisha safari yao. Lakini bado ni shughuli hatari, ingawa muda wanaotumia kupanda na kushuka umepungua.
• Watu wa jamii ya Yi wanaoishi Atuler wamekuwa wakikwea mwamba huo kwa miaka na mikaka na wana hata kanuni za kupanda. Wakati wa kupanda, wanaume wanawajibika kuwabeba na kuwatunza watoto. Watoto wa chini ya miaka 16 hawaruhusiwi kupanda au kushuka kwenye ngazi hiyo wakiwa peke yao.
Ngazi hiyo ya chuma ilijengwa baada ya habari za kijiji hicho kugonga vichwa vya habari kimataifa mwezi Mei. Ingawa wengi wanasifu ujenzi wa ngazi hiyo, wapo watu wanaoshangaa ni kwa nini wanakijiji hao hawawezi kuhamia eneo linalofikiwa kwa urahisi. Lakini wakazi waliambia wanahabari China kwamba hawataki kuacha nyumba zao, hasa kuhamia mijini ambapo maisha wanaamini ni magumu sana.

Asiyemtambua Mungu akataliwa kujiita Mungu huko Marekani

 

Bennie Hart anasema alitumia nambari hiyo ya usajiri wa gari akiwa Ohio bila shida zozote

Mmarekani asiyemtambua Mungu amewashtaki maafisa katika jimbo la Marekani la Kentucky baada ya kukataliwa kuweka neno "IM GOD" ama '' MIMI NI MUNGU'' badala ya namba za ya gari lake za usajili.

Bennie Hart anasema nia ya kuweka maneno hayo kwenye pango la nambari ya gari lake ni kuonesha kuwa inawezekana kumkosoa yeyote anayedai kuwa ni Mungu.
Lakini wakuu wa uchukuzi katika jimbo hilo lenye kukaliwa na watu wenye imani kali za kidini wameamuru kuwa maneno hayo yanaweza kupoteza umakini wa madereva wengine na kwamba hayapendezi.
Wanaharakati wa uhuru wa kujieleza wamelivalia njuga suala hilo na sasa wanaunga mkono kesi ya Bwana Hart.
Anasema alikuwa na namnbari hiyo hiyo ya gari alipokuwa akiishi katika jimbo la Ohio kwa miaka 12 bila matatizo.
"Ninataka tu fursa sawa ya kuchaguza ujumbe wa mtu kwa ajili ya nambari ya usajili kama tu dereva mwingine yeyote yule ,"alisema Bwana Hart, anayeishi katika kaunti ya Kenton, Kaskazini mwa Kentucky.
" Hakuna matusi yoyote ama lugha isiyokubalika kuhusu maoni yangu kwamba imani za kidini zinategemea namna mtu binafsi anavyoelewa.
Muungano wa Marekani unaopigania uhuru wa kujieleza huko Kentucky (ACLU-KY) na wakfu wa uhuru wa kuabudu wamewasilisha kesi kwa niaba ya Bwana Hart dhidi ya katibu wa mamlaka ya uchukuzi ya jimbo Greg Thomas kuhusu uhuru wa kujieleza

Mwanamume afariki shindano la kula kwa kasi Japan

Mwanamume nchini Japan amefariki siku tatu baada yake kusongwa na wali wakati wa shindano la kula kwa kasi.

Mwanamume mmoja, ambaye jina lake halijatolewa, alizimia wakati wa shindano hilo eneo la Hikone, Shiga mnamo 13 Novemba akijaribu kula matonge matano ya wali katika kipindi cha dakika tatu. Tonge la wali nchini Japan, kama lililo pichani, hufahamika kama Onigiri.
Alifariki siku tatu baadaye baada ya kukaa siku hizo zote akiwa hajapata tena fahamu, waandalizi wa shindani hilo wameambia vyombo vya habari Japan.
Mashindano ya kula chakula kwa kasi ni maarufu na huandaliwa mara kwa mara maeneo mengi Japan.
Wataalamu wanaonya kwamba kando na kusongwa na chakula, walaji huwa wamo hatarini ya kuharibu tumbo au koo.

Mtu mwenye HIV aliyefanya mapenzi na wanawake 104 Malawi afungwa miaka 2 jela

 Mtu mwenye HIV aliyefanya mapenzi na wanawake 104 Malawi afungwa miaka 2 jela 

Mahakama moja nchini Malawi imempatia hukumu ya miaka miwili jela mtu mwenye virusi vya HIV ambaye alikiri kufanya tendo la ngono na zaidi ya wanawake 100 na wasichana bila kutangaza hali yake.

Katika uamuzi mkubwa uliotarajiwa na wengi, Eric Aniva alipatikana na hatia ya ''kutekeleza mila zenye madhara'' chini ya sheria za kijinsia za taifa hilo baada ya uchunguzi wa BBC kubaini vile alivyolipwa ili kuwafanyia sherehe za kutakasa wasichana wadogo pamoja na wanawake wajane.
Eric Aniva ni mwanamume wa kwanza kufungwa jela kwa kuwa 'fisi' neno linalotumika kwa mwanamume anayelipwa ili kushiriki ngono na wanawake pamoja na wasichana ikiwa ni miongoni mwa tamaduni za kutakasa.
Katika mahojiano na BBC, Eric alikiri kufanya mapenzi na wanawake 104 na wasichana bila kuwalezea kwamba alikuwa ameambukizwa virusi vya HIV.
Ijapokuwa hakuna msichana aliyejitokeza, kulalamika, alipatikana na hatia ya kutekeleza mila zenye madhara baada ya wanawake wawili kutoa ushahidi wao.
Wote wawili ni wajane ambao wanasema walilazimishwa kufanya mapenzi na mtu huyo ili kutakasa roho za waume zao baada ya vifo vyao.
Kesi hiyo imezua maoni tofauti nchini Malawi huku baadhi yao wakidai kwamba sheria kali za kijinsia zinaingilia utamaduni na kwamba bw Aniva anasulubiwa .
Wakati huohuo mashirika ya haki za kibinaadamu yanaamini kwamba kesi hiyo ni ushindi katika vita dhidi ya unyanyasaji wa kingono.

Ajali ya treni yaua watu 140 India

Watu 140 wameuawa na wengine zaidi 150 wamejeruhiwa wakati treni ilipoacha reli katika jimbo la Uttar Pradesh kaskazinii mwa India Jumapili (20.11.2016).

Maafisa wa polisi wamesema takriban watu 20 bado hawajulikani walipo wakati mamlaka zikijaribu kutafuta chanzo kilichosababisha kuanguka kwa ghafla kwa mabehewa 14 kutoka kwenye reli huko Pukhran kiasi cha kilomita 65 kusini mwa mji wa Kanpur wakati treni hiyo ilipokuwa ikisafiri kati ya mji wa kaskazini mashariki wa Patna na mji wa kati wa Indore.
Huku kukiwa na hali ya taharuki na kuchanganyikiwa manusura wamekuwa wakihangaika kuwatafuta ndugu zao na wengine wamekuwa wakijaribu kuingia kwenye mabehewa yalioharibiwa kuwaokoa jamaa zao na kukusanya vitu vyao.

Merkel kuwania muhula wa nne

Kansela Angela Merkel wa Ujerumani Jumapili (21.11.2016) amethibitisha kwamba atagombea tena ukansela katika uchaguzi wa mwaka 2017.

Wajerumani wamekuwa wakisubiri kwa hamu kwa miezi kadhaa sasa kutaka kujua iwapo Kansela Merkel ambaye amekuwepo madarakani tokea mwaka 2005 atawania muhula wa nne au la wakati wa uchaguzi iliopangwa kufanyika mwezi wa Septemba mwaka 2017.
Baada ya miezi kadhaa ya tetesi inaripotiwa kuwa Kansela huyo amewaambia wanachama wenzake wa chama cha  CDU mjini Berlin kwamba yuko tayari kukiwakilisha chama hicho katika uchaguzi huo wa mwakani.

Rais Mugabe asema "analogwa"

         
   Rais Robert Mugabe be amekuwa mamlakani tangu nchi hiyo ipate uhuru mwaka 1980

Rais wa Zimbabwe Robert Mugabe, mwenye umri wa mika 92, anazungumzia kuhusu kustaafu , lakini swali ambalo bado watu wanahoji ni ikiwa kweli anamaanisha hilo.

Mwishoni mwa juma Bwana Mugabe aliuambia mkutano wa watu wapatao 400- walio piagania uhuru kwamba ikiwa atastaafu anapaswa kupewa fursa "inayofaa" kufanya hivyo.
Pia aliwakosoa baadhi ya viongozi wa chama chake cha Zanu-PF kwa kumuombea afe na kujaribu kumroga ili wachukue nafasi yake.
Malumbano ya ndani kwa ndani miongoni mwa wafuasi wa chama tawala ya kutaka kumrithi Bwana Mugabe yameongezeka huku kiongozi huyo akionekana kuendelea kudhoofika zaidi.
Lakini si mara ya kwanza Kwa Bwana Mugabe kuongelea kuhusu kuachia madaraka.

'Waliomweka' mtu Mweusi kwenye jeneza akiwa hai washtakiwa

                  Theo Martins Jackson akiingia mahakamani

Mtu mweusi nchini Afrika Kusini ambaye alidaiwa kulazimishwa kuingia katika jeneza na wakulima wawili weupe kwa kupita katika shamba lao amesema kuwa anahofia maisha yake.

Victor Mlotshwa alikuwa akizungumza nje ya mahakama ya mji wa kaskazini mashariki wa Middelburg ambapo waliotaka kumshambulia walifikishwa mahakamani.

Watu 16 wauawa kwa sababu ya nyani nchini Libya

Ghasia ziliibuka baada ya nyani anayemilikiwa na mtu wa kabila moja kushambulia kundi la wanafunzi wa kike wa kabila jingine.

Maafisa na wanaharakati nchini Libya wanasema kwamba makabiliano mabaya baina ya makabila yameanzishwa na nyani mdogo. Taarifa haziko wazi zote, lakini duru kutoka katika mji wa kusini wa Sabha zinasema kuwa ghasia ziliibuka baada ya nyani anayemilikiwa na mtu wa kabila moja kushambulia kundi la wanafunzi wa kike wa kabila jingine.

Mchungaji apulizia waumini Doom Afrika Kusini akidai ni tiba

 

MOUNTZION GENERAL ASSEMBLY 

Lethebo Rabalago anadai dawa ya Doom inaweza kuwaponya watu saratani na HIV

Mchungani wa Afrika kusini ambaye aliwapulizia dawa ya kuua wadudu inayoitwa Doom waumini amelaaniwa vikali.

Katika taarifa aliyoituma kwenye ukurasa wa Facebook, mchungaji aliyejitangaza kama nabii Lethebo Rabalago alidai dawa ya kuua wadudu inayojulikana kama Doom inaweza kuwaponya wengi.
Kampuni inayozalisha Doom imeonya juu ya hatari ya kupuliza dawa hiyo watu, huku tume maalum ya serikali ikimtaka yoyote atayeathirika kuwasilisha malalamiko.
Lakini mchungaji huyo ametetea kitendo hicho, akiiambia BBC kuwa anatumia mbinu zisizo za kawaida kuwaponya watu.

Mnigeria anyongwa Singapore kwa ulanguzi wa madawa

Chini ya sheria za Singapore, mtu anayepatikana akiwa na zaidi ya gramu 500 za bangi anaweza kuhukumiwa kifo.

Mwanamme mmoja raia wa Nigeria amenyongwa kwa kuhusika kwenye ulanguzi wa madawa ya kulevya baada ya kupatikana na kilo 2.6 za bangi.

Mwanamme huyo Chijioke Stephen Obioha wa umri wa miaka 38, alinyongwa leo katika gereza la Changi.
Obioha ambaye ana shahada ya kemia ya viwanda kutoka chuo cha Benin, alihamia nchini Singapore mwaka 2005, akiwa na matumaini ya kuwa mawanasoka.

Mwanamke anayejiita 'mungu' aliyewapiga watu risasi India

Sadhvi Deva Thakur mara nyingi huonekana ameshika bunduki

Polisi nchini India wanamtafuta Sadhvi Deva Thakur, mwanamke aliyeko mafichoni baada ya kufyatua risasi  kwenye sherehe ya harusi

Shaghaziye bwana harusi aliuawa huku watu wengine watatu wakijeruhiwa vibaya.
Kwenye video ya tukio hilo lililotokea siku ya Jumanne katia jimbo la Kaskazini la Haryana, Sadhvi Deva Thakur anaonekana akifyatua risasi akitumia bunduki aina ya revolver.

Mungai kuagwa leo Karimjee, Sitta kuagwa kesho

Na WAANDISHI WETU, DAR ES SALAAM
MWILI wa aliyekuwa Waziri wa Elimu, Joseph Mungai unatarajiwa kuagwa   Dar es Salaam leo katika viwanja vya Karimjee.
Akizungumza na waandishi wa habari jana, mtoto wa marehemu, William Mungai alisema ibada ya kuuaga mwili huo itafanyika katika viwanja hivyo saa 5.00 asubuhi.
Hata hivyo mtoto huyo wa marehemu hakutaka kuingia kwa undani kuhusu chanzo cha kifo cha baba yake, badala yake alisema familia iachwe iendelee kushauriana na daktari.
Alisema pamoja na hayo, kifo hicho kimewashtua kwa vile  kimetokea ghafla na kwamba baada ya kuisha kwa ibada ya kuaga mwili huo, utasafirishwa hadi Mafinga, Wilaya ya Mufindi, mkoani Iringa kwa mazishi.
“Hadi sasa familia tunajua kwamba marehemu aliugua tumbo la kawaida na tulimpeleka hospitalini ambako alifariki dunia, tunaomba familia iachwe, kwa sababu  bado tunashauriana na daktari wake.
“Tumekubaliana mwili wake uagwe kesho (leo) saa tano Viwanja vya Karimjee ambako pia historia yake yote na familia itasomwa,” alisema William.

MUNGAI HATUNAYE: Adaiwa kutapika hadi mauti yanamkuta

MWANASIASA mkongwe na waziri wa zamani wa Serikali ya awamu ya kwanza hadi ya nne, Joseph Mungai.

Na MWANDISHI WETU, DAR ES SAALAM
MWANASIASA mkongwe na waziri wa zamani wa Serikali ya awamu ya kwanza hadi ya nne, Joseph Mungai, amefariki dunia.
Mungai aliyezaliwa Oktoba 24,1943 alifariki dunia   Dar es Saalam  jana baada ya kuugua kwa muda mfupi.
Taarifa za kifo cha kiongozi huyo mstaafu, zilianza kusambaa kupitia mitandao mbalimbali ya  jamii jana saa 12 join.
Akizungumza na MTANZANIA jana, mtoto wa marehemu, William Mungai, alisema baba yake alifariki dunia wakati akipelekwa katika Hospitali ya Taifa Muhimbili kwa matibabu.
Alisema kabla ya kifo hicho baba yake alianza kulalamika kuumwa na tumbo na kutapika ambako alipelekwa katika hospitali moja ambayo hakutaka kuitaja.
Alisema baada ya kufikishwa hospitalini hapo, hali yake ilizidi kubadilika na kuwa mbaya zaidi na hivyo wakaamua kumkimbiza Muhimbili kwa matibabu zaidi.
“Ni kweli baba amefariki dunia saa 10 jioni leo (jana) wakati tukimpeleka Muhimbili baada ya kulalamika kuumwa na tumbo. Hivi tunavyoongea, ndiyo tunatoka Muhimbili ila taarifa zaidi tutawapatia baada ya kikao cha ndugu,” alisema William kwa kifupi.

Marekani yaamua: Kuhusu Trump, Clinton na Bangi

Ikiwa watapiga kura ya ndio karibu robo ya wamarekani watakuwa na kibali cha sheria cha kuvuta mmea huo kwa kujifurahisha ama sababu za matibabu

Kando na kumpa rais mpya, wamarekani wanakaribia kuamua ikiwa watapanua eneo kubwa zaidi ambako bangi inakubalika kisheria.

Katika majimbo tisa , katika siku ambayo uchaguzi unafanyika, wapiga kura watapata fursa pia kuwa na kauli yao kuhusu kuidhinishwa kisheria kwa matumizi ya bangi.
Ikiwa watapiga kura ya ndio karibu robo ya wamarekani watakuwa na kibali cha sheria cha kuvuta mmea huo kwa kujifurahisha ama sababu za matibabu watakapotimiza umri unaokubalika kisheria.
Katika kipindi cha miaka 20 suala hili lilikuwa ni mwiko nchini Marekani.

Donald Trump ashinda uchaguzi wa Rais wa Marekani

Wamarekani wamchagua Trump kuwa rais wao

Wamarekani wamemchagua Donald Trump kuwa rais wa 45 wa nchi hiyo. Amejipatia sauti 276 dhidi ya 218 za wawakilishi wa majimbo. Rais mteule Trump amewahutubia wafuasi wa chama chake na wamarekani kwa jumla. Mgombea wa chama cha Democrats Hillary Clinton amekubali kushindwa na ameshazungumza kwa simu na Donald Trump kumpongeza.

MTOTO ASIPEWE JINA LA BABA PEKEE: ITALIA

Hadi sasa akina mama wa Italia wamekuwa wakikataliwa kuwapatia watoto wao majina ya baba zao

Mahakama ya katiba ya Italia imetoa hukumu dhidi ya sheria inayompatia moja kwa moja mtoto anayezaliwa ndani ya ndoa jina la baba yake.

Mawakili walidai kuwa kuzuwia familia kuwapatia watoto wao majina ya babu zao wazaa mama ni ubaguzi dhidi ya wanawake.

WEZI WA KENYA KIBOKO: WAIBA MASHINE YA ATM NAIROBI

 
Picha ya Benki ya Equity, Kenya

Polisi nchini Kenya katika jiji kuu Nairobi wamemkamata mlinzi wa Benki ya Equity kuhusiana na wizi mwishoni mwa wiki ambapo wezi walitoweka na mtambo wa kutoa pesa, ATM.

Wezi hao walitoweka na kiasi cha pesa ambacho hakijajulikana kwa sasa wakati wa wizi huo Jumamosi.
Wezi hao walichimba ukuta wa nyuma wa Benki hiyo na kutoweka na sanduku la uhifadhi wa pesa pamoja na mtambo wa ATM, pesa zikiwa ndani.
Washukiwa waliweza kuzima kamera za CCTV na pia kengele ya usalama kabla ya kutekeleza wizi huo.

Akizungumza na BBC, kamanda wa jimbo la Nairobi Japheth Koome amesema kwamba polisi waliweza kupata mitungi ya gesi na vifaa vingine ambavyo hutumuka kukata chuma.

Alipoulizwa kama wezi siku hizi wamepata maarifa utadhani wanaiga filamu, alisema kwamba kwa siku za hivi karibuni wizi wa benki unazidi kubadilika sana.

Mwaka uliopita, wezi waliojifanya wakaguzi wa hesabu katika benki hiyo walitoweka na dola za Marekani 300,000

SAMWEL SITTA HATUNAYE

​

Tunasikitika kuwataarifu kuwa mzee wetu mpendwa Samwel Sitta amefariki dunia katika Hospitali ya Technical University of Munich nchini Ujerumani saa 7:30 kwa muda wa Ujerumani alikokuwa akitibiwa ugonjwa wa Saratani ya Tezi Dume.

Historia yake:

  ​

Samuel John Sitta alizaliwa Desemba 18, 1942 huko wilayani Urambo Mkoa wa Tabora. Sitta alisoma Shule ya Msingi Urambo kati ya mwaka 1950 – 1953, kisha alikwenda Wilaya ya Sikonge mwaka 1954 - 1957 na kuendelea na masomo ya “Middle School” katika shule ya “Sikonge Middle School”. Baadaye mwaka 1958 – 1963 alianza masomo ya sekondari Shule ya Wavulana Tabora yaani “Tabora Boys” kidato cha I – IV na cha V – VI.

Mara tu baada ya kuhitimu masomo ya sekondari, Sitta alijiunga Chuo Kikuu cha Dar es Salaam (UDSM) kusomea Shahada ya Sheria (L LB) mwaka 1964 na kuhitimu mwaka 1971.