MZIMU WA PESA YA MBOGA WAMKOSESHA USINGIZI MBUNGE, SASA AVAMIA VYOMBO VYA HABARI NA HALIMA MDEE

Prof. Anna tibaijuka akiwa mbele ya jopo la wajumbe wa Baraza la Maadili ya Viongozi wa Umma wakati akihojiwa hivi karibuni kuhusiana na mgano wa fedha za Akaunti ya escrow.
 
Muleba. Mbunge wa Muleba Kusini (CCM), Profesa Anna Tibaijuka amemshambulia Mbunge wa Kawe (Chadema), Halima Mdee pamoja na baadhi ya vyombo vya habari kwamba vinatumiwa na wabaya wake kumkashifu katika utendaji wake.

Profesa Tibaijuka alitoa shutuma hizo wakati akihutubia wananchi wa Kata ya Bureza. Alisema alikumbwa na kashfa ya Escrow, kutokana na kupata fedha kutoka kwa kaka yake Rugemalila (James) alizompa kusaidia shule anayoisimamia.

HUKUMU YA MRAMBA, MGONJA NA YONA YAPIGWA KALENDA HADI TAREHE 3/7

  Baadhi ya wasikilizaji wa kesi hiyo wakiwa kwenye chumba maalum kabla ya kuingia mahakamani.

Ndugu wa Mgonja wakiteta jambo.

WATU 30 WAUAWA NA NDEGE YA JESHI INDONESIA

Ndege ya kijeshi yaua watu 30 Indonesia

Maafisa wa kijeshi nchini Indonesia, wanasema kwamba ndege ya uchukuzi ya jeshi la angani la nchi hiyo imeanguka kaskazini mwa jimbo la Sumatra.

Wanasema kuwa tayari miili 20 zimepatikana katika eneo la ajali.

UN YASEMA MAJESHI YA SUDAN KUSINI YALIBAKA NA KUUA

 

Jeshi la SPLA Linadaiwa kutekeleza mauaji hayo katika jimbo la Greater Upper Nile

Umoja wa mataifa unasema kuwa Wajeshi wa Sudan Kusini wamewabaka kwa zamu wasichana wengi kisha wakawachoma moto wakiwa majumbani mwao.

Kwa mujibu wa ripoti hiyo mpya ya umoja wa mataifa ukatili huo ulitokea katika eneo la Greater Upper Nile ambako kumekuwa na mapigano makali kati ya vikosi vya serikali na waasi.

MASHUJAA MASHARIKI YA KONGO

Mashariki ya jamhuri ya kidemokrasi ya Kongo kila mkaazi aliwahi wakati mmoja kuwa mkimbizi. Ndio maana mshikamano ni jambo linalopewa umuhimu mkubwa. Watu wanahiari kukaa na njaa, mradi wanafanikiwa kuwasaidia wageni

Eneo la Rushuturu-Mashariki ya jamhuri ya kidemopkrasi ya Kongo

Baadhi ya wakati Kavuatto Myvayos hutumia mkono wake wa kushoto, kujikanda mgongo ulioanza kupinda. Kazi za shamba zinamshinda hivi sasa bibi huyo, mkongomani mwenye umri wa miaka 60. Anamwangalia Jeannette Masika Kirimbo anayefunga kamba katika konde lake. "Mistari lazima ifuatane vyema, unapopanda njugu," anasema Kirimbo. "Baadaye itakuwa rahisi kutofautisha mmea na magugu," anasema.
Wakulima dazeni moja hivi, wake kwa waume wanamsikiliza Kirimbo. Wanaishi katika eneo la mbali la mashariki ya jamhuri ya Kidemokrasi ya Kongo, si mbali na mji wa Beni. Na ingawa kwa muda mrefu maisha yao yamekuwa wakitegemea kilimo, hivi sasa ndio kwanza wanajifunza kwa msaada wa shirika la Ujerumani la kupambana na njaa duniani - Welthungerhilfe- jinsi ya kuzidisha mavuno kwa wepesi.

CHILE HIYOO FAINALI KOPA AMERICA

Mashabiki wa Chile kusubiri Fainali baada ya timu yao kushinda Peru kwenye nusu Fainali

Wenyeji wa kombe la Copa America Chile wamefuzu kufika fainali mara ya kwanza kwa miaka 28. Hii ni baada ya kuwanyuka Peru mabao mawili kwa moja katika mchuano uliofanyika mjini Santiago.

GHANA YAZINDUA RASMI GARI LAO

Gari la kantanka nchini Ghana

Wakati unapoangazia swala la utengezaji magari mataifa ya Afrika kwa kawaida hayaorodheshwi katika swala hilo.

Lakini hilo sasa huenda likabadilika kufuatia kuwasili kwa kampuni ya magari ya Ghana Kantanka ambayo hivi karibuni yataanza kuingia katika soko.
Miongoni mwa magari ya kampuni hiyo ni lile la lita mbili aina ya 4 by 4 ambalo linatarajiwa kuuzwa kwa takriban pauni 14,000.

WASICHANA WA CHIBOK WANASHINIKIZWA KUUA WAKRISTO

Wasichana wa Chibok waliotekwa kaskazini mwa Nigeria zaidi ya mwaka mmoja

Shirika la Utangazaji la Uingereza, BBC limeelezwa kuwa baadhi ya wasichana waliotekwa na wanamgambo mjini Chibok Nigeria wamekuwa wakishinikizwa kuwaua Wakristo.

Wanawake watatu ambao wanasema walikuwa wakishikiliwa katika kambi moja na wasichana hao wanasema wapiganaji wa BOKO HARAM waliwafunga mikono wanaume wa Kikristo na wasichana hao waliwachinja wanaume hao kwa kuwakata shingo.

Wanawake hao wanasema baadhi ya wasichana hao wa Chibok walikuwa na silaha. Baadhi ya wasichana waliwachapa mateka wengine wa kike. Haikuwa rahisi kuthibitisha ukweli wa taarifa hii. Wasichana 219 kati ya zaidi ya wasichana 270 waliotekwa kutoka shule moja ya bweni ya Chibok bado wanashikiliwa na Boko Haram.

JE UNAWEZA KUISHI BILA NGUO?

Mwandishi Mark Haskel Smith

Watu wengi wasingejihisi vyema kuvua nguo zao zote na kusalia uchi wa mnyama katika maeneo ya umma, lakini kwa wengine ni maisha yao.

Mwandishi kutoka nchini Marekani Mark Haskel Smith alikabiliana na changamoto zote na kuweza kuishi bila nguo. Iwapo upo katika uwanja wa ndege, huwezi kufanya masihara kuhusu bomu.
Na iwapo uko na watu walio uchi huwezi kufanya masihara kuhusu matiti.

 

Watalii wakipanda mlima wakiwa uchi

Na usisimikwe, utaamrishwa uondoke asema Haskell Smith.
Haya ni mambo mawili aliyogundua alipotembelea maeneo ya kupumzika ya watu walio uchi duniani.
Ziara yake ya kwanza ilikuwa katika mkahawa wa Desert Sun Resort huko Palm Springs Carlifonia.

 

Mtalii

'Nilishtuka'.'Nilikuwa na wasiwasi katika chumba changu cha hoteli,nikijipaka mafuta baada ya mafuta hadi nilipotoka nje,nilikuwa niking'ara sana'',.
''Kuna watu chungu nzima katika kidimbwi cha maji wwaliokuwa ndani ya kidimbwi kimoja cha maji walioniangalia na kujifunika nyuso zao.
Nilijihisi vibaya sana,nilifikiri watu hawa wamenipita na zaidi ya miaka 20 lakini nilipojiangalia chini ''ooh mungu wangu''.
Baada ya kuzuru eneo hilo alizuru maeneo mengine ya watu walio uchi barani Ulaya.

MFUNGWA ATOROKA GEREZANI NEW YORK AKAMATWA

David Sweat aliyekamatwa baada ya kutoroka gerezani katika jimbo la New York alikokuwa akitumikia adhabu ya kifungo kutokana na makosa ya mauaji

Polisi nchini Marekani wamempiga risasi na kumkamata mfungwa aliyetoroka gerezani katika jimbo la New York alikokuwa amefungwa kutumikia adhabu kutokana na makosa ya mauaji wiki tatu zilizopita.

David Sweat alikamatwa karibu na mpaka wa Canada baada ya afisa wa polisi kumng'amua akifanya mazoezi ya kukimbia kando ya barabara.
Mfungwa mwenzake aliyetoroka Richard Matt aliuawa na polisi Ijumaa. Watu hao wawili walitumia zana imara kuweza kutoroka kutoka gereza lenye ulinzi mkali la Clinton na kusababisha msako mkubwa wa polisi kufanyika.
Gavana wa jimbo la New York, Andrew Cuomo, amesema jinamizi la wahalifu hao limekwisha.

HABARI ZA MBABAZI KUREJEA KAMPALA LEO ZAZUA TAFRANI

Hii ndiyo itakayokuwa mtihani mkubwa zaidi kuwahi kumkabili rais Museveni ndani ya chama cha NRM.

Taharuki imetanda mjini Kampala Uganda baada ya habari kuenea kuwa mpinzani mkuu wa rais Yoweri Museveni ,aliyekuwa waziri mkuu Amama Mbabazi anarejea leo.

Mwandishi wa BBC aliyeko huko anasema kuwa polisi wametumwa katika barabara ya kutoka Kampala hadi kwenye uwanja wa ndege wa Entebbe.
Bwana Mbabazi anasemekana kuwa anarejea kutoka kwa ziara ya kimataifa iliyompeleka Uingereza na Marekani.

PAKA ALIYEKUWA MKUU WA KITUO CHA RELI AFA NA KUZIKWA KWA HESHIMA KUBWA

Paka azikwa kwa hafla ya kufana Japan

Paka mmoja wa Japani ambaye alipata umaarufu alipofanywa kuwa mkuu wa kituo cha reli, amefariki, na waombolezaji wengi wamejitokeza.

Wakuu na washabiki walihudhuria mazishi ya paka huyo, katika kituo cha reli, ambako alitumika.
Paka huyo aliyejulikana kwa jina ''Tama'' ambaye alipatikana akiranda randa katika kituo cha reli cha Kishi miaka minane iliyopita kabla yake kutawazwa kuwa meneja wa kituo hicho, aliaga dunia majuzi kutokana na umri wake mkubwa wa miaka 16.

WATALII 39 WAUAWA TUNISIA

Waokoaji wakibeba mwili wa mtalii aliyeuawa kwa kupigwa risasi katika pwani ya Sousse nchini Tunisia.

Shambulio la kigaidi lililofanyika katika mji wa Sousse ulio katika pwani ya Tunisia Ijumaa iliyopita lilisababisha vifo vya watu 39 ambao walikuwa watalii nchini humo. Imethibitika kuwa raia thelathini wa Uingereza ni miongoni mwa watu waliouawa na mtu mwenye silaha katika eneo la watalii nchini Tunisia.

LUKUVI AFANYA ZIARA MKOANI IRINGA KUTATUA MIGOGORO YA ARDHI

 Waziri wa Ardhi, Nyumba na Maendeleo ya Makazi, Mh. William Vangimembe Lukuvi akiwasili kwenye ofisi za Mkuu wa Mkoa wa Iringa na kupokelewa na Katibu Tawala wa Mkoa wa Iringa, Wamoja Ayoub huku Meya wa Manispaa ya Iringa Amani Mwamwindi akishuhudia.

 Katibu Tawala wa Mkoa wa Iringa, Wamoja Ayoub (kushoto) akitoa taarifa migogoro ya ardhi inayoukumba Mkoa huo na utekelezaji wake.

MTO MFUPI ZAIDI DUNIANI

Kulingana na kitabu cha World Guinness Book of Records mto mfupi zaidi duniani ni mto Roe ambao uko kati ya Giant Springs na Mto Missouri katika (Maanguko Makubwa ya Maji The Great Falls), iliyopo katika jimbo la Montana, nchini Marekani. Mto Roe una urefu wa futi 201 sawa na mita 61. Kuelekea mwishoni mto Roe una kina cha kushangaza cha futi 6–8.

Kable ya hapo mto ulioonekana kuwa mfupi zaidi ulikuwa hukohuko Marekani ni mto D ulioko Oregon Marekani wenye urefu wa futi 440 sawa na mita134. Sifa hii imetenguliwa mwaka 1989^.

UYOGA UNAZUIA UNENEPAJI

Uyoga unazuia mtu kunenepa :Utafiti

Uyoga unatumika nchini Uchina kama dawa ya kupunguza unene.

Kwa miaka na mikaka, uyoga umekuwa ukitumika nchini humo kama dawa ya kupunguza unene katika wanyama, hayo yamesemwa na watafiti nchini Taiwan.

AOA SIKU 3 KABLA YA KUAGA DUNIA

Alioa siku 3 tu kabla ya kuaga dunia

Kijana mmoja barubaru alimuoa mpenzi wake siku tatu tu kabla yake kuaga dunia kutokana na Saratani ya damu lukaemia.

Omar Al Shaikh alimuoa mpenzi wake Amie Cresswell, wote wenye umri wa miaka 16, katika wadi ya hospitali kuu ya Malkia Elizabeth ilioko Birmingham Uingereza.
Omar, aliaga dunia Jumatatu hii siku tatu tu baada ya kufunga pingu za maisha na Amie.
Omar aliaga dunia baada ya kukosa mtu ambaye damu yake inayoingiana na yake.
Omar alimchumbia Amie baada ya kufahamishwa na madaktari kuwa alikuwa na siku 5 tu za kuishi.
Mamake bi Mirabela anasema kuwa alijizatiti hadi siku yake ya mwisho.
''amejikaza sana na kupanga kila kitu alichotaka kifanyike''alisema mamake

MWANAMKE NA MTOTO WAKE WAPATIKANA WAKIWA HAI KUFUATIA AJALI YA NDEGE

Mwanamke mwenye umri mdogo pamoja na mtoto wake wamekutwa wakiwa hai siku tano baada ya ndege waliokuwemo kuanguka kwenye msitu magharibi mwa Colombia.

Mwanamke huyo Maria Nelly Murillo, 18, na mtoto wake wa mwaka mmoja wamekutwa na waokoaji karibu na ndege hiyo yao ndogo aina ya Cessna iliyoanguka kwenye Mkoa wa Choco.

 Mkuu wa Kikosi cha Anga cha Kolombia ameelezea kuwa kunusurika kwa mama huyo na mtoto wake ni muujiza. Murillo alikuwa na majeruhi na kuungua lakini mtoto wake alikuwa mzima kabisa.

     Mtoto wa mwanamke huyo akiwa amebebwa na muokoaji

MV KILIMANJARO V YAZINDULIWA TAYARI KWA SAFARI ZA DAR ES SALAAM NA UNGUJA

 BOTI ya Kilimanjaro V ikishushwa katika Meli ya Thorco Clairvaux ikitokea Nchini Australia, boti hiyo ilishushwa nje kidogo ya Bandari ya Malindi Mjini Zanzibar na tayari imeshazinduliwa rasmi kuanza safari zake. 

Picha na Haroub Hussein.

WATU 18 WAFARIKI DUNIA NCHINI CHINA

Watu wa kabila la Uigurs nchini Uchina

Ripoti za vyombo vya habari nchini Marekani zinasema kuwa watu 18 wameaga dunia katika eneo la Uchina la Xinjiang katika makabiliano na polisi katika eneo la ukaguzi.

Radio Free Asia inasema kuwa watu hao wa kabila la Uighurs walitumia visu na mabomu kuwashambulia maafisa wa polisi.
Hakujakuwa na mawasiliano rasmi kuhusu tukio hilo lakini wafanyakazi wa hospitali katika mji wa Kashgar wameiambia BBC kuwa maafisa hao wa polisi walipokea matibabu.
Moja ya lengo huenda ni kuweka vikwazo vikali kwa waislamu wa Uighurs katika mfungo wa mwezi mtukufu wa Ramadan.

MLIPUKO WAUA 12 MOGADISHU

Mogadishu Somalia

Mlipuaji wa kujitolea muhanga ameligongesha gari lake na lile la kijeshi katika mji mkuu wa Somalia Mogadishu na kusababisha mlipuko mkubwa.

Ripoti zinasema kwamba takriban watu 12 waliuawa na wengine kujeruhiwa wengi wakiwa raia.

Shambulizi hilo lilitokea karibu na ubalozi wa falme za kiarabu UAE

Vyombo vya habari nchini Somalia vimeripoti kwamba balozi amenusurika mlipuko huo ambao umeutaja kama jaribio la mauaji.

NECTA YATOA RATIBA YA MTIHANI WA KIDATO CHA NNE 2015,SOMA IKO HAPA

RATIBA CSEE 2015>>BOFYA HAPA

ICC HAINA NAFASI AFRIKA ASEMA MUGABE

Kiongozi wa Zimbabwe na mwenyekiti wa Umoja wa Afrika Robert Mugabe ameikosoa vikali mahakama ya kimataifa inayoshughulikia kesi za uhalifu ya ICC .

Baada ya rais wa Sudan kulikwepa agizo la mahakama hiyo iliyoamuru akamatwe,wakati akihudhuria mkutano wa viongozi wa bara la Afrika uliomalizika jana nchini Afrika Kusini: Rais huyo wa Sudan hatimaye aliondoka na kurudi nyumbani.

JK AONGOZA MAELFU MAZISHI YA MUFTI MKUU WA TANZANIA SHINYANGA JANA

Rais Dkt. Jakaya Mrisho Kikwete akiweka udongo kwenye Kaburi la Marehemu Sheikh Mkuu wa Tanzania, Mufti Issa Shaaban bin Simba, aliyezikwa jana Juni 16, 2015 kwenye Makaburi ya Waislam, Nguzo Nane Mkoani Shinyanga.

Masheikh kutoka sehemu mbalimbali hapa nchini wakimzika Mufti Mkuu wa Tanzania, Sheikh Issa Shaaban bin Simba, aliezikwa leo Juni 16, 2015 kwenye Makaburi ya Waislam, Nguzo Nane Mkoani Shinyanga

KUFUATIA TETEMEKO LA ARDHI MLIMA EVEREST ULISOGEZWA

Kambi iliyofunikwa na maporomoko ya theluji katika mlima Everest

Watafiti wa maswala ya ardhi kutoka China wanasema kuwa mlima Everest ulisogezwa takriban sentimita tatu kufuatia tetemeko kubwa la ardhi lililotikisa Nepal mwezi Aprili.

Hata hivyo watafiti hao wanasema kuwa mlima huo ungali kimo hicho hicho.
Takriban watu elfu nane waliangamia tetemeko hilo lililofika kipimo cha 7.8 kwenye mizani ya Richter lilipokumba eneo la mlima Everest.

 

Baadhi ya majumba yaliyoporomoka kufuatia tetemeko hilo kubwa Aprili

Tetemeko hilo lilisababisha maporomoko ya ardhi na theluji kutoka mlima huo mrefu zaidi duniani.
Ajabu ni kuwa sasa wanasayansi nchini Nepal na wanasema kuwa mji mkuu wa Kathmandu umesonga kwa zaidi ya mita mbili kuelekea Kusini.

KIONGOZI WA ALQAEDA YEMEN AUAWA

 
Kiongozi wa Al Qaeda nchini Yemen 
 

Tawi la kundi la Al Qaeda nchini Yemen limethibitisha kuuawa kwa kiongozi wake wakati wa shambulizi la ndege isiyokuwa na rubani ya Marekani.

Ripoti kutoka kwa maafisa wa usalama nchini Yemen zinasema kuwa Nasser al-Wuhayshi aliuawa siku ya ijumaa katika mji wa bandari wa Mukala.

Kundi lake limelaumiwa kwa kupanga mashambulizi kadhaa dhidi ya Marekani likiwemo jaribio la kuilipua ndege ya Marekani mwaka 2009, pamoja na shambulizi katika gazeti la Charlie Hebdo mji Paris nchini Ufaransa mwezi Januari mwaka huu.

AJALI YAUA 23 MAFINGA

 

Na Berdina Majinge

Basi hilo, lifanyalo safari zake kati ya Iringa na Njombe, lilipata ajali hiyo saa 1:45 usiku wa kuamkia jana wakati dereva alipokuwa akijaribu kuyapita magari mengine kabla ya kugongana uso kwa uso na lori.

Watu 23 wamekufa papo hapo na wengine 34 kujeruhiwa baada ya basi la Kampuni ya Another G kugongana na lori eneo la Kinyanambo A, Mafinga wilayani Mufindi, ikiwa ni takriban miezi mitatu baada ya ajali nyingine iliyoua watu 50 katika wilaya hiyo.

Basi hilo, lifanyalo safari zake kati ya Iringa na Njombe, lilipata ajali hiyo saa 1:45 usiku wa kuamkia jana wakati dereva alipokuwa akijaribu kuyapita magari mengine kabla ya kugongana uso kwa uso na lori.

Kaimu kamanda wa polisi wa Mkoa wa Iringa, Pudenciana Protas alisema basi hilo lilikuwa likiendeshwa na Nicholaus Mangula (29) na lori la Kampuni ya Bravo Logistics lililokuwa likiendeshwa na Rogers Mdoe (39) na ambalo lililikuwa likitokea Zambia kuelekea Dar es Salaam.

Katika ajali hiyo, dereva wa lori alifariki dunia papo hapo.

Machi 10 mwaka huu, watu 50 walipoteza maisha kwenye ajali iliyotokea Mafinga, Changarawe, wakati kontena lililokuwa limebwa na lori lilipochomoka wakati dereva akijaribu kukwepa mashimo barabarani na kuangukia kwenye lori.

Alisema majeruhi wamelazwa Hospitali ya Wilaya ya Mufindi mjini Mafinga na maiti zimehifadhiwa hospitalini hapo ikiwamo ya dereva wa lori aliyekufa papo hapo.

Alisema chanzo cha ajali ni uzembe wa dereva wa basi la Kampuni ya Another G ambaye alikuwa kwenye mwendo kasi na alikuwa akiyapita magari mengine bila tahadhari ndipo alipofika katikati alikutana na lori na kuamua kulichepusha nje ya barabara hali iliyosababisha kupinduka na kisha lori kuligonga basi hilo ubavuni.

Alisema baada ya ajali hiyo, dereva wa basi alikimbia lakini polisi wamemkamata na yupo chini ya ulinzi.

Waliokufa na kutambuliwa mpaka sasa ni Lukas Pascal, Brasto Samila, Dickson Luvanda, Albert Silla, Rogers Mdoe, Eva Mbalinga, Hadija Mkoi, Clemence Mtati, Mohamed Kalika, Kastoli Mwakyamba, Damian Myala na Sillo Nziku.

Waliojeruhiwa ni Majoline Lupembe (23) mkazi wa Iringa, Veronica Simba (20, Tabora), Shadia Ally (24, Iringa), Mariam Mbise (23, Mafinga), Anita Makwela (24, Kilolo), Benita Sagala (18, Njombe), Bertha Mkoi (27),  Rahel Mavika (18, Mufindi), Selina Fulgence (23, Kigoma) na  Maria Mwenda (17) mkazi wa Mafinga.

Majeruhi wengine ni Ndipako Mbilinyi (23, Njombe), Alexander Mkakazii (28, Mafinga), Meshack Kibiki (44, Mafinga), Simon Jumbe (22, Singida), Jerry Lutego (36, mkazi wa Mafinga), Enock Kanyika (18, Mafinga), Deogratius Kayombo (21, Mafinga) na Yusuph Lulanda (22) mkazi wa Njombe.

Wengine waliojeruhiwa ni Petro Mwalongo (21, Njombe), Paulo Chane (21, Kilolo), Kenned Msemwa (28, Njombe), Mode Shiraz (21, Singida), Emmanuel Antony (21, Mwanza), Godfrey Kanyika (39, Mafinga) na Boniface Bosha (20).

MUFTI MKUU SHEIKHE ISSA BIN SHABAAN SIMBA AFARIKI DUNIA KUZIKWA LEO SHINYANGA.

Mufti Simba enzi za Uhai wake.

Mufti Mkuu wa Tanzania, Sheikh Issa Bin Shaaban Simba, amefariki dunia alfajiri ya jana katika hospitali ya TMJ jijini Dar es Salaam.

Taarifa kutoka mamlaka husika na dini na ndugu wa karibu walieleza kuwa, mwili wa marehemu umeondolewa hospitali hapo na kuhamishiwa hospitali kuu ya Jeshi ya Lugalo kungoja taratibu za mazishi.

Kwa mjibu Sheikh Mkuu wa Mkoa wa Dar es Salaam, Alhad Mussa Salum amesema kuwa marehemu alikuwa akisumbuliwa na maradhi ya moyo pamoja na presha. Mwili wa marehemu utasafirishwa leo mkoani Shinyanga kwa ajili ya maziko yatakayofanyika leo mjini hapo.

JEB BUSH KUGOMBEA NAFASI YA KUONGOZA MAREKANI MWAKANI

Jeb Bush gavana wa Florida aliyetangaza kugombea urais wa Marekani 2016

Mwanasiasa wa chama cha Republican, na gavana wa jimbo la Florida, Jeb Bush ametangaza rasmi ametangaza rasmi nia yake ya kuwania nafasi ya urais wa taifa hilo kubwa duniani kiuchumi kwa tiketi ya chama hicho cha Republican.

Akizungumza katika mkutano wake wa hadhara huko Miami, Jeb ambaye baba yake na kaka yake wamewahi kuongoza Marekani ameubeza utawala wa Rais Obama katika sera zake za mambo ya nje.

Lakini mwandishi wa BBC Amerika Kaskazini anasema Jeb Bush pia anaweza kutegemea mtandao wa kisiasa wa kifamilia na nguvu ya uchangishaji

MOKHTAR BELMOKHTAR AUAWA LIBYA

Mokhtar Belmokhtar mpiganaji mwandamizi wa Kiislam, mzaliwa wa Algeria

Serikali ya Libya inayotambuliwa kimataifa imesema mashambulio ya Marekani ya anga nchini Libya, yamemuua mpiganaji mwandamizi wa Kiislam, Mokhtar Belmokhtar.

Wizara ya ulinzi ya Marekani imethibitisha kuwa Belmokhtar alikuwa mlengwa wa mashambulio hayo ya Jumamosi, lakini imesema bado inafanya tathmini ya matokeo ya operesheni hiyo.

Mokhtar Belmokhtar mzaliwa wa Algeria anaaminika kuamuru kufanyika kwa shambulio baya katika mtambo wa gesi nchini Algeria miaka miwili iliyopita ambapo wafanyakazi 38 wa mtambo huo waliuawa-- wengi wao wakiwa wageni.

Kifo cha Belmokhtar kimekuwa kikiripotiwa mara nyingi katika siku zilizopita, lakini baadaye kubainika kuwa si habari za kweli.

MWINGEREZA AJITOA MHANGA IRAQ

 

Talha Asmal Kijana mdogo raia ya Uingereza aliyejitoa mhanga

Kijana kutoka eneo la West Yorkshire nchini Uingereza anaaminika kuwa kijana mdogo kuliko wote Mwingereza kuripotiwa kufanya shambulio nchini Iraq kwa njia ya kujilipua mwenyewe.

Talha Asmal, mwenye umri wa miaka 17, alikuwa mmoja kati ya washambuliaji wanne wa kujilipua ambao walishambulia majeshi karibu na mtambo wa kusafisha mafuta kusini mwa Baiji.

Mitandao ya mawasiliano ya kijamii inahusisha shambulio hilo na kundi la Islamic State (IS) anasema Asmal, ambaye anaitwa Abu Yusuf al-Britani, ambaye alishiriki katika shambulio hilo. Familia yake wanasema walisononeshwa na habari hizo.

Asmal, kutoka Dewsbury, amekuwa Mwingereza kijana kuliko wote kufahamika katika mashambulio ya kujilipua. Kijana mwingine kutoka West Yorkshire, Hasib Hussein, alikuwa na umri wa miaka19 wakati alipojilipua katika basi la London katika shambulio la Julai 7, 2005.

Talha Asmal alitoroka na kujiunga na Islamic State mwezi Machi. Taarifa iliyotolewa na familia ya Asmal inasema: "Talha alikuwa na upendo, mpole, anayejali na kijana mwenye bashasha.

RAIS WA SUDAN AZUIWA ARIKA YA KUSINI HADI LEO MAHAKAMA ITAKAPOAMUA

Mahakama moja nchini Afrika Kusini imetoa agizo la kumzuia rais wa Sudan Omar al Bashir kutoondoka nchini humo

Mahakama moja nchini Afrika Kusini imeamuru rais wa Sudan Omar al Bashir asiondoke nchini humo.

Mahakama hiyo imemuagiza kusalia Afrika Kusini hadi itakaposikiza kesi iliyowasilishwa mbele yake ya kuitaka iamrishe serikali ya Afrika Kusini kumtia mbarani iliawasilishwe mbele ya mahakama ya Uhalifu wa Kivita ya ICC iliyoko Hague Uholanzi.
Rais Al-Bashir yuko mjini Johannesburg, Afrika Kusini, kuhudhuria mkutano wa muungano wa nchi za Afrika ambao unaanza leo Jumapili anatafutwa na mahakama ya ICC kutokana na makosa ya kivita na mauaji ya halaiki.

MAKAMU WA RAIS DKT. BILAL AZINDUA MRADI WA UJENZI WA NYUMBA ZA MJI WA AVIC, 'AVIC TOWN' ULIOPO KIGAMBONI DAR.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wakati wa hafla ya uzinduzi wa ujenzi wa Mradi wa Ujenzi wa Mki wa Avic, 'Avic Town', uliofanyika leo Juni 13, 2015 Kigamboni jijini Dar es Salaam

MKULIMA WA DARASA LA SABA ACHUKUA FOMU ZA KUGOMBEA URAIS, AWAPIGA MKWARA MZITO AKINA LOWASSA, MEMBE

 
Elidephonce Bilohe akionyesha begi lenye fomu za kuomba kugombea urais wa Jamhuri ya Muungano kupitia CCM mjini Dodoma jana. Picha na Edwin Mjwahuzi.

Dodoma. Makada sita wa CCM jana walijitokeza kuchukua fomu za kuomba ridhaa ya chama hicho kupitishwa kugombea urais, akiwamo mkulima mwenye elimu ya msingi, Elidephonce Bilohe ambaye alisema “haoni mtu tishio” kwake kwenye mbio hizo.

Makada wengine waliochukua fomu jana ni mkurugenzi wa zamani wa Idara ya Usalama wa Taifa, Dk Hass Kitine, Waziri wa Mambo ya Ndani, Mathias Chikawe, Naibu Waziri wa Sayansa, January Makamba, mbunge wa Sengerema, William Ngeleja na Boniface Ndengo.


Bilohe awa kivutio
Uchukuaji fomu jana ulinogeshwa na Bilohe ambaye wakati anaingia kwenye ofisi za makao makuu ya CCM, alishangiliwa kwa kuitwa “rais, rais, rais” na watu waliokuwa eneo hilo.


“Sioni mtu ninayemuogopa, sioni tishio kwangu zaidi ya mimi kuwa tishio kwa wagombea wengine,” alisema Bilole baada ya kuchukua fomu.


Bilole alitinga kwenye ofisi hizo saa 10:00 jioni na kuchukua fomu yake kisha akataja vipaumbele vyake kuwa pamoja na ajira kwa vijana, kuboresha maisha ya wazee na wastaafu na akawataka Watanzania wamuombee.


Alipoulizwa kiwango chake cha elimu, alijibu, “nimesoma elimu ya Taifa ambayo ni darasa la saba, lakini mkumbuke sikuja hapa kucheza wala siigizi”.


Hata hivyo, katibu wa sekretarieti ya CCM, Dk Mohamed Seif Khatibu aliiambia Mwananchi kuwa huu ni wakati wa kupokea wagombea, lakini utafika wakati wa kuwachuja kwa kufuata vigezo vya kikatiba, likiwemo suala la elimu.


Kichekesho kikubwa kwa mgombea huyo kilikuwa wakati alipokuwa akisaini kitabu cha wagombea. Alianza kuzungumza na simu akitaarifu yanayoendelea mjini hapa.


“Shikamoo mzee, tayari nimechukua na hapa ndiyo nakabidhiwa hivyo kila kitu kinawategemea nyinyi,” alisema wakati akizungumza na simu hiyo.


Simu hiyo ndogo aina ya Nokia, maarufu kama tochi, iliendelea kuita wakati akizungumza na waandishi wa habari na hakusita kupokea.


Chikawe ajitosa
Chikawe alijitosa jana kwenye mbio hizo na kuwa waziri wa tano kuchukua fomu ya kuomba kugombea urais.


Wengine ni Waziri wa Mambo ya Nje na Ushirikiano wa Kimataifa, Bernad Membe, Waziri wa Kilimo, Chakula na Ushirika, Stephen Wassira, Waziri wa Uchukuzi, Samuel Sitta, Waziri wa Ujenzi, Dk John Magufuli na Waziri wa Maliasili na Utalii, Lazaro Nyalandu.


“Nataka niwahakikishie tangu mapema kwamba mimi ni mwanachama muadilifu wa CCM na ninaomba urais ili niongoze utekelezaji wa sera za chama changu ambazo zitaainishwa na ilani ya chama,” alisema Waziri Chikawe ambaye hakuwa akitajwa wala hakutangaza nia ya kugombea urais.


Chikawe ni nani?
Chikawe alizaliwa Mei 30 mwaka 1951 katika kijiji cha Mnero Wilaya ya Nachingwea mkoani Lindi. Alisoma Shule ya Msingi ya Mkonjela iliyoko Nachingwea na Shule ya Msingi Police Line iliyoko Mgulani jijini Dar es Salaam kati ya mwaka 1959 na 1965.


Mwaka 1966 hadi 1969, alisoma Sekondari ya St. Joseph ya Dar es Salaam, kabla ya kwenda Shule ya Sekondari ya Mkwawa mkoani Iringa kati ya mwaka1970 na 1971 kwa masomo ya kidato ya tano.


Mwaka 1975 alimaliza Shahada ya Sheria Chuo Kikuu cha Dar es Salaam na mwaka 1978 alihitimu Stashahada ya Juu ya Utawala nchini Uingereza. Chikawe pia ana Stashahada ya Juu ya Sheria za Kimataifa kutoka taasisi ya Elimu ya Jamii ya Uholanzi aliyoipata mwaka 1982


Mwaka 1976 alianza kazi Ofisi ya Mwanasheria Mkuu akiwa mwanasheria wa Serikali Daraja la III na baadaye kuhamishiwa wizara mbalimbali, ikiwemo Ikulu.


Amekuwa mbunge wa Nachingwea tangu 2005 na kuanzia hapo amekuwa akishika nafasi mbalimbali serikalini ikiwamo, Naibu Waziri wa Katiba na Sheria, Waziri wa Katiba na Sheria, Waziri wa Nchi Ofisi ya Rais – Utawala Bora na Waziri wa Katiba na Sheria. Sasa ni Waziri wa Mambo ya Ndani ya Nchi.


Nitakomesha Rushwa-Ndengo Kada mwingine, Ndengo alichukua fomu akiwa na kaulimbiu ya “gia mpya na kubadili taswira ya Tanzania”. Alisema maadui wakubwa wa Taifa ni rushwa na ujinga ambao leo hii vinazaa ufisadi. “Umaskini katika maana rahisi ni hali ya kukosa mali au kipato. Katika maana pana umasikini ni muunganiko wa mambo yanayosababisha ukosefu wa mahitaji muhimu kila jambo likikuza na kuongeza ukubwa wa tatizo,” alisema.


“Matokeo ya umaskini ni kwamba kizazi baada ya kizazi tutakosa elimu bora, huduma bora za afya, tutakosa makazi bora na lishe bora. Matokeo mabaya zaidi ni kukata tamaa, kukosa ubinadamu na hatimaye kukosa matumaini.


“Nikipata ridhaa ya wana-CCM nitapambana na kutokomeza rushwa katika kipindi cha mwaka mmoja.”
Alisema atatumia nyenzo ya uwajibikaji na uwekezaji wenye tija kufanikisha suala hilo.


“Tunayo sababu ya kuona aibu kwamba miaka hamsini ya uhuru bado wako Watanzania wanaoishi kwa kula mlo mmoja, bado kuna watoto wanaozaliwa wakiwa hawana uhakika wa kupata elimu bora,” alisema.


Sijathibitika na kashfa -Ngeleja
Akizungumza baada ya kuchukua fomu, Ngeleja alisema wakati akichukua fomu jana kuwa alikumbwa na kashfa lakini hajathibitika kuwa na upungufu. Aliwataja watu wa Afrika waliokumbwa na kashfa, lakini baadaye wakaja kuwa marais kuwa ni pamoja na Uhuru Kenyatta wa Kenya na Jacob Zuma wa Afrika Kusini.


“Kwa mujibu wa taratibu za nchi yetu tunavyoziendesha, sijawahi
kuthibitika kuwa na mapungufu yote,” alisema waziri huyo wa zamani wa Nishati na Madini.


Kuhusu mgawo wa Sh40.4 aliopewa na mmoja wa wamiliki wa zamani wa kampuni ya IPTL, James Rugemalila, Ngeleja alisema alilipa kodi na alizitumia kwa maendeleo ya wananchi.


Makamba asema urais ni taasisi
Kwa upande wake Makamba, alisema urais si mtu bali ni taasisi yenye mamlaka na madaraka makubwa. Kuhusu utekelezaji wa maagizo ya Mkaguzi na Mdhibiti Mkuu wa Hesabu za Serikali (CAG), alisema endapo atapata nafasi hiyo ataenda mbele zaidi ya alipoishia Rais jakaya Kikwete.MWANANCHI

MFANYABIASHARA AKIONA CHA MOTO BAADA YA KUVUTA SIGARA NA KUSABABISHA JAJI, MAWAKILI NA KARANI KUKOHOA MAHAKAMANI.

 

Moshi. Mfanyabiashara wa Moshi Mjini, Lenana Marealle amejikuta matatani baada ya kuwekwa mahabusi kwa saa tatu kwa amri ya jaji baada ya kuvuta sigara eneo la Mahakama Kuu Kanda ya Moshi.


Moshi wa sigara unadaiwa kuingia kwenye vyumba vya mahakama na kusababisha Jaji Mfawidhi, Aishiel Sumari, mawakili na karani wa mahakama kuanza kukohoa mfululizo.

WAHAMIAJI NI MUHIMU - UJERUMANI

Wahamiaji haramu wakiwa kwenye mashua

Maafisa nchini Ujerumani wanasema kuwa idadi inayozidi kuongezeka ya wakimbizi wanaowasili kutoka nchi mbalimbali kama Syria watasaidia kujaza pengo la ukosefu wa wataalamu.

SHIRIKA LA NDEGE MATATNI KWA MJUSI

Mjusi apatikana ndani ya mlo wa abiria India

Magazeti nchini India yameripoti kisa cha kutamausha kilichotokea katika ndege ya shirika la Air India.

Abiria mmoja aliyekuwa safarini kuelekea mjini London Uingereza akitumia ndege ya shirika la ndege ya Air India alizua hofu miongoni mwa abiria wengine alipopiga kamsa kwa mshtuko baada ya kumpata mjusi kafiri ndani ya mlo wake.
Abiria wote walitamauka wasijue kilichompata mwenzao haswa wakati huu ambapo kunataharuki kubwa na tahadhari kuhusiana na maswala ya usalama kufuatia matukio ya ugaidi kote duniani.

MTOTO WA MKULIMA ACHUKUWA FOMU YA KUWANIA UTEUZI WA CCM KUGOMBEA URAIS

  Baadhi  ya wazee wa Dodoma waliofika kwenye ukumbi wa Halmashauri kuu ya taifa ya CCM kumsikiliza Waziri Mkuu, Mizengo Pinda wakati alipozungumza baada  ya kuchukuwa fomu ya kuwania uteuzi wa CCM  ili awe mgombea wake wa urais katika uchaguzi mkuu ujao  kwenye ofisi kuu ya CCM mjini Dodoma

Waziri Mkuu, Mizengo Pinda akisalimiana na baadhi ya watu waliofika kwenye Ukumbi wa Halmashauri Kuu ya Taifa ya CCM kumsikiliza wakati alipozungumza na waandishi wa habari baada ya kuchukuwa fomu ya kuwania uteuzi wa CCM  ili awe mgombea wake wa urais katika uchaguzi mkuu ujao  kwenye ofisi kuu ya CCM mjini Dodoma.

 Waziri Mkuu, Mizengo Pinda akizungumza baada ya kuchukuwa   fomu ya kuwania uteuzi wa CCM  ili awe mgombea wake wa urais katika uchaguzi mkuu ujao  kwenye ofisi kuu ya CCM mjini Dodoma. Kulia ni mkewe mama Tunu Pinda

Sehemu ya wageni wakimsikiliza Mhe Pinda  wakati alipozungumza na waandishi wa habari baada ya kuchukuwa fomu ya kuwania uteuzi wa CCM  ili awe mgombea wake wa urais katika uchaguzi mkuu ujao  kwenye ofisi kuu ya CCM mjini Dodoma

 Waziri Mkuu, Mizengo Pinda akisalimiana na baadhi ya watu waliofika kwenye Ukumbi wa Halmashauri Kuu ya Taifa ya CCM kumsikiliza wakati alipozungumza na waandishi wa habari baada ya kuchukuwa fomu ya kuwania uteuzi wa CCM  ili awe mgombea wake wa urais katika uchaguzi mkuu ujao  kwenye ofisi kuu ya CCM mjini Dodoma