KIONGOZI WA UPINZANI NCHINI BURUNDI ATEKWA NYARA

 
Polisi wakabiliana na waandamanaji nchini Burundi kufuatia tangazo la rais Nkurunziza kuwania muhula wa tatu wa urais.

Mbunge wa zamani katika bunge la Afrika Mashariki Francois Bizimana ameripotiwa kutekwa nyara siku ya jumapili mjini Bujumbura na watu wanaoshukiwa kuwa na uhusiano na serikali.

Bizimana ni miongoni mwa viongozi wa upinzani nchini Burundi ambao wanampinga rais Pierre Nkurunziza katika harakati zake za kuwania muhula wa tatu.
Mwandishi wa BBC Robert Kiptoo anasema kuwa vyombo vya habari vinaripoti kuwa kiongozi huyo wa upinzani alitekwa na watu waliojihami kwa silaha. Washirika wake pia wamekamatwa.

WATU WAWILI WAUAWA NA POLISI BURUNDI

Ghasia zazuka nchini Burundi

Watu wawili wameripotiwa kuuawa baada ya kupigwa risasi na maafisa wa polisi kufuatia ghasia kati ya polisi na waandamanaji katika mji mkuu wa Bujumbura nchini Burundi.

Waandamanaji wameishutumu serikali kwa kufanya mapinduzi ya kikatiba baada ya uteuzi wa rais Pierre Nkurunziza kupigania muhula wa tatu,

Mwandishi wa BBC anasema kuwa watu wengi wamejeruhiwa huku wengine wakikamatwa.
Maafisa wa polisi walikivamia kituo kimoja cha redio kinachounga mkono upinzani na kutishia kukifunga iwapo hakitasitisha matangazo yake ya moja kwa moja kuhusu maandamano hayo

MATETEMEKO NCHINI NEPAL YAUA WATU 2400

wananchi nchini Nepal wakilia baada ya tetemeko

Majengo yaliyoporomoshwa kwa tetemeko la ardhi nchini Nepal.

Majeruhi baada ya kuokolewa wakati wa tetemeko hilo 

Maelfu ya raia wa Nepal wamelazimika kulala nje kwa siku ya pili mfulululizo huku barabara zilizofungwa na athari za baada ya tetemeko zikipunguza kasi ya kuwaokoa manusura.

Karibia watu 2400 wamefariki katika janga hilo ambalo lilikuwa na ukubwa wa 7.8 katika kipimo cha ritcher.

Makundi ya misaada yamesema kuwa kuna uhaba wa umeme na maji huku serikali ikisema kuwa mahema zaidi na vitanda vya muda vinahitajika kwa haraka.
Mwandishi wa BBC katika mji mkuu wa Kathmandu amesema mji uliojaa waathiriwa umeibuka ambapo watu hao wanalala katika mifuko ya plastiki kwa kuwa wanahofu ya kuishi ndani ya majumba yao.

Hata hivyo tetemeko jingine lililotokea jana lilikuwa na ukubwa wa 6.6 katika kipimo cha ritcher

Leo pia limetokea tetemeko la 6,7 katika kipimo cha ritcher na Marekani imeripotiwa kutuma wataalamu wa uokozi kusaidia kuokoa watu waliokwama kwenye vifusi

LIGI KUU ENGLAND MANCHESTER UNITED WATANDIKWA GOLI 3-0 NA EVERTON

Manchester United ilikosa fursa ya kupanda juu na pointi kumi dhidi ya Liverpool baada ya kulazwa mabao matatu bila na kilabu ya Everton.

United wangeongeza mwanya uliopo kati yao na Liverpool katika kinyanganyiro cha kufuzu katika kombe la vilabu bingwa Ulaya.
Lakini mabao ya James Mc Carthy na John Stone yaliiweka Everton kifua mbele kabla ya kipindi cha kwanza kukamilika.
Kelvin Mereiles aligonga msumari wa mwisho katika jeneza la United alipofunga bao la tatu.

WATANZANIA 26 WALIOKUWA AFRIKA KUSINI WAREJEA NYUMBANI

Kundi la Watanzania 26 limerejea nyumbani kutoka Afrika Kusini leo tarehe 25 Aprili, 2015 kufuatia mashambulizi ya wazawa dhidi ya wageni. Kundi hilo la kwanza kurejea nyumbani liliwasili katika Uwanja wa ndege wa Kimataifa wa Mwalimu Julius Nyerere saa 11 alfajiri na Ndege ya Fast Jet.

 

Watanzania hao walikuwa wanaishi katika kambi za dharura za Isipingo na Phoenix zilizopo jijini Durban. Walisindikizwa kurudi nyumbani na Afisa wa Ubalozi wa Tanzania nchini Afrika Kusini, Bw. Elibahati Lowassa. Zoezi la kuwarejesha wananchi hao lilisimamiwa na kuratibiwa na Ubalozi wa Tanzania nchini Afrika Kusini.

 

Wakati huo huo, Ubalozi wa Tanzania nchini Afrika Kusini umepata taarifa kuwa kuna Watanzania wengine wapatao 20 wanaishi kwenye Kambi ya Hillbrough jijini Johannesburg. Ubalozi umetuma Afisa kwenda katika kambi hiyo ili kufanya uhakiki wa taarifa hizo kwa madhumuni ya kuwarejesha nyumbani Tanzania haraka iwezekanavyo.

Imetolewa na:

Kitengo cha Mawasiliano ya Serikali kwa Umma,

Wizara ya Mambo ya Nje na Ushirikiano wa Kimataifa,

25 Aprili 2015 

SHEREHE ZA MUUNGANO ZAFANA LEO DAR ES SALAAM

Rais wa jamhuri ya Muungano wa Tanzania, Dkt. Jakaya Mrisho Kikwete, akipunga mkono kuwasalimia wananchi wakati alipokuwa akiwasili kwenye Uwanja wa Uhuru, Jijini Dar es salaam, leo kwa ajili ya kuhudhuria Sherehe za Maadhimisho ya Miaka 51 ya Muungano wa Tanganyika na Zanzibar. Kushoto ni Mkuu wa Majeshi ya Ulinzi na Usalama, Davis Mwamunyange .Picha na OMR

Wanajeshi wa Rwanda wadaiwa kuingia DRC

 

Wanajeshi wa DRC wakifanya doria

Msemaji wa Serikali ya DRC amesema kuwa wanajeshi wa Rwanda wameonekana nchini humo katika hifadhi ya Wanyama ya Virunga, Kilomita 120, Kaskazini mwa Goma, mji mkuu katika mkoa wa Kivu Kaskazini.

Lambert Mende anasema kuwa majeshi ya DRC yalifyatua risasi za kutoa onyo, ambapo wanajeshi wa Rwanda nao walijibu kwa risasi na kumjeruhi mwanajeshi mmoja Mkongomani.
Msemaji wa Serikali anasema kuwa majeshi ya kigeni yote kisha yalitorokea Rwanda.
Lakini afisa mmoja katika Hifadhi ya wanyama ya Virunga aliiambia BBC kuwa wanajeshi 300 wa Rwanda wanadhaniwa kuwa walivuka mpaka na kuwa wengi wao huenda walitorokea msituni.
Kisa hicho kilikanushwa kupitia mtandao wa Twitter na naibu mwakilishi wa Rwanda katika Umoja wa Mataifa, aliyesema kuwa madai hayo ni upuzi mtupu.

Rwanda imekosoa Serikali ya DRC na Ubalozi wa Umoja wa Mataifa nchini kwa kukosa kushughulikia kikamilfu maswala yanayohusu kundi la waasi la Democratic Forces for the Liberation of Rwanda, kundi la waasi kutoka Kabila la Wahutu ambalo limekuwa katika Congo kwa zaidi ya miaka 20.
Mara kadhaa siku zilizopita Rwanda imewahi kuyatuma majeshi yake kukabiliana na waasi nchini DRC

Mama na mwanawe waagizwa kurudi London

 

Mahakama ya Uingereza

Waziri wa maswala ndani nchini Uingereza ametakiwa kumrudisha mwanamke mmoja na mwanawe wanaotafuta hifadhi nchini humo miezi kadhaa tu baada ya kuagiza aondolewe, mahakama ya rufaa imeamuru.

Mwanamke huyo mwenye umri wa miaka 45 na mwanawe walirudishwa nchini Nigeria mnamo mwezi Januari.
Mwezi uliopita mahakama ya uhamiaji ilisema kuwa Theresa May hakuangazia maslahi muhimu ya kijana huyo mwenye umri wa miaka mitano.

Libya:Waasi wanawazuia wahamiaji 400

Wahamiaji wanaoelekea Italy

Mkuu wa utawala wa waasi nchini Libya ameiambia BBC kuwa vikosi vyao vinafanya juhudi ziwezekanazo kuzuia wahamiaji haramu kuabiri meli kuelekea Ulaya .

Khalifa Al-Ghwell - ambaye serikali yake ya uokozi yenye makao yake mjini Tripoli haitambuliwi kimataifa anasema walinzi wa Libya wa mwambao wamekuwa wakiwashikilia karibu wahamiaji mia nne - kutoka nchi za Sahara barani Afrika katika kipindi cha siku chache zilizopita .
Bwana Ghwell amesema kuwa wahamiaji elfu 17 walikuwa wanaishi katika kambi ya hifadhi nchini Libya , lakini ni asilimia karibu tano walioweza kuvuka na kuingia Ulaya.

KUFUATIA CHUKI KWA WAGENI POLISI YAFANYA MSAKO MKALI AFRIKA KUSINI

 
Polisi wa wa Afrika Kusini wakiwa kwenye msako kwa siku ya pili katika mji wa Alexandra ili kuwasaka wale wanotekeleza ghasia dhidi ya wahamiaji

Vikosi vya usalama nchini Afrika Kusini vimefanya uvamizi kwa usiku wa pili mjini Johannesburg huku serikali ikijaribu kumaliza ghasia dhidi ya wahamiaji kutoka mataifa mengine ya Afrika .

Mara hii vikosi vya usalama vililenga makazi ya wanaume katika kitongoji cha mji wa Johanesburg cha Alexandra ambako mashambulizi kadhaa dhidi ya wahamiaji yalifanyika katika wiki za hivi karibuni.

Maandamano makubwa ya kudai hatua zichukuliwe kukabiliana na ubaguzi yanatarajiwa kufanyika mjini Johannesburg baadaye hii leo .

Rais wa Afrika Kusini Jacob Zuma amesema kuwa ameazimia kushughulikia masuala muhimu yanayosababisha chuki baina ya raia wa nchi yake na wahamiaji

BIASHARA YA BINADAMU NI TATIZO KUBWA ULAYA

wahamiaji haramu

Utafiti mpya wa kituo cha Uingereza British Think-Tank unasema kuwa Biashara ya binadamu ni tatizo kubwa linalokumba muungano wa ulaya.

Watafiti katika kituo hicho kinachoshughulikia masuala ya haki za jamii wanasema mafanikio katika vita dhidi ya kile walichokitaja kama biashara ya utumwa mambo leo yamezorota na kwamba mipaka iliyowazi pamoja na internet vimechangia biashara ya binadamu kuwa rahisi.
 
Ripoti hiyo imeelezea namna maelfu ya wanaume na wanawake na watoto wananavyouzwa kwenye mipaka na magenge na kulazimishwa kufanya kazi za ngono, utumwa na uhalifu.

Imetoa wito wa kuwepo kwa juhudi za pamoja za nchi za muungano wa ulaya kukabiliana na tatizo

Wakuu wa ufisadi wasimamishwa kazi Kenya

Rais Uhuru Kenyatta wa Kenya

Rais Uhuru Kenyatta, amewasimamisha kazi wakuu wawili wa shirika linalopambana na ufisadi nchini humo, siku moja tu baada ya bunge kupitisha mswaada inaowalaumu kwa uzembe na utepetevu.

Kwa mjibu wa taarifa kutoka kwa msemaji wa Ikulu ya Rais Manoah Esipisu,tume ya maadili na kupambana na ufisadi, itaendelea na kazi yake licha ya kusimamishwa kwa wakuu hao wawili.
Waku hao ambao ni mwenyekiti, Mumo Matemu na naibu wake Bi Irene Keino wamesimamishwa huku uchungunzi ukianzishwa dhidi yao kuhusiana na tuhuma za kuzembea kazini na kutumia vibaya mamlaka yao.
Tangazo hilo limefanyika chini ya mwezi mmoja baada ya ripoti kutoka kwa tume hiyo kuwasilishwa kwa Rais Kenyatta iliyosababishwa kusimamishwa kazi kwa mawaziri wanne wa serikali ya Uhuru Kenyatta na maafisa wengine 12 wakuu serikalini, huku uchunguzi dhidi yao ukianzishwa.
Wanatuhumiwa kuhusika na ufisadi.

KAMATI ZA KUDUMU ZA BUNGE KUKUTANA 26 APRILI HADI 9 MEI, 2015

Kamati za Kudumu za Bunge zitaanza kukutana tarehe 27 Aprili hadi tarehe 4 Mei 2015 Jijini Dar es Salaam, kutekeleza Majukumu yake, kabla ya Mkutano wa Bunge wa Bajeti uliopangwa kuanza mjini Dodoma tarehe 12 Mei na kudumu hadi tarehe 25 Juni, 2015. Kwa kawaida, Kamati za Kudumu za Bunge hupaswa hukutana wiki mbili kabla ya Mkutano wa Bunge, ama Dar es Salaam, Dodoma au Zanzibar kuendana na matakwa ya Kanuni za Kudumu za Bunge, Toleo la Aprili 2013.

Hivyo, Wabunge wote wanapaswa kuwa wamewasili jijini Dar es Salaam ifikapo Jumapili tarehe 26 Aprili 2015 tayari kwa kuanza vikao siku ya Jumatatu tarehe 27 Aprili, 2015.

2.0 SHUGHULI ZITAKAZOTEKELEZWA

Timu 4 zatinga nusu fainali,Ulaya

Javier Hernandez akishangilia goli mbele ya mashabiki wa Real Madrid

Timu nne zimetinga hatua ya nusu fainali katika ligi ya mabingwa barani Ulaya iliyokamilika hapo jana, baada ya Real Madrid ya Hispania na Juventus ya Uitaliano kufanikiwa kuingia nusu fainali.

Timu ya Juventus

Wakicheza katika uwanja wao wa nyumbani wa Santiago Bernabeu, Madrid walilazimika kusubiri hadi dakika ya 88, walipopata bao lao la pekee lililotiwa kimia Javier Hernandez almaarufu kama Chicharito,na hivyo kuhitimisha safari ya Atletico Madrid.
Katika msimu uliopita, huko Lisbon Ureno, Atletico walitolewa na Real Madrid katika hatua ya fainali.
Nayo Juventus imezima matumaini ya Monaco ya Ufaransa kwa kulinda bao lake lililofungwa katika mechi ya awali na hapo matokeo ikawa sare ya bila kutofungana. Hata hivyo nyota ni njema kwa Spain ambao sasa wanawakilishwa na timu mbili ambazo ni Real Madrid na Barcelona

MISHIKAKI YA CHURA HII HAPA

Philip Paul mfanyabiashara wa mishikaki ya chura katika jimbo la Adamawa nchini Nigeria

Kwa wapenzi wa kula nyama choma na hususan mishikaki katika vituo vya mabasi, mnatakiwa kuwa makini na nyama choma hiyo kwani waweza kula mishikaki ya paka, mbwa, nyoka na sasa mishikaki ya nyama ya chura.

 

Mishikaki ya nyama ya chura

Philip Paul ni muuzaji wa nyama choma za chura - na yeye pamoja na mke wake na mtoto wao wa kike wanapenda kula mishikaki ya chura. Familia hiyo inatoka jimbo la katikati ya Nigeria la Benue lakini wanaishi kaskazini mashariki mwa Nigeria, ambako watu hawapendelei nyama hii ya chura.
Philip mwenye umri wa miaka 25 anasema ni rahisi kuwakamata vyura kwa mikono mitupu. Usiku anawatega kwa kuwawekea popo na vyura wanaporuka huwaendea na kuwakamata.
Baadaye anawatunga katika mti. Tangu mwaka 2008 amekuwa akifanya biashara kwa kuwakamata vyura katika jimbo la Adamawa na kuwasafirisha kwenda jimbo la Benue, ambako mishikaki ya chura inapendwa

MCHEZAJI WA AFRICA KUSINI AFARIKI DUNIA TFF YATUMA RAMBIRAMBI

Rais wa Shirikisho la Mpira wa Miguu nchini TFF, Jamal Malinzi ametuma salamu za rambirambi kwa Rais wa Chama cha Mpira wa Miguu cha Afrika Kusini (SAFA) Dr. Danny Jordan kufuatia kifo cha nguli aliyewahi kuichezea timu ya Taifa ya nchi hiyo (BafanaBafana) John Lesiba "Shoe" Mashoeu kilichotokea jana Aprili 21.

Katika salamu zake kwa Dr. Jordan, Malinzi amesema nchi ya Afrika Kusini imepatwa na pigo kubwa katika tasnia ya mpira wa miguu, kufuatia kifo cha Mashoeu aliyefariki dunia kwa ugonjwa wa Saratani ya Utumbo, na kusema watanzania wako nao pamoja katika kipindi hiki cha maombelezo.

John Lesiba "Shoe" Mashoeu aliyezaliwa Disemba 18, 1965 nchini Afrika Kusini, alikuwa ni miongoni wa wachezaji wa nchi hiyo waliotwaa Ubingwa wa Kombe la Mataifa Afrika (AFCON) mwaka 1996 nchini Afrika Kusini na baadae kushiriki fainali za Kombe la Dunia nchini Ufaransa mwaka 1998.

Wakati wa uhai wake Mashoe alipata kuvichezea vilabu vya Giant Blackpool, Kaizer Chiefs, Amazulu na Alexandria United vya Afrika Kusini, na timu Gencleribirligi, Kocaeilispor, Fenerbahce na Busrsapor za Uturuki

SAUDIA YASIMAMISHA MASHAMBULIZI DHIDI YA WAHOUTHI YEMEN

Muungano wa kijeshi unaoongozwa na Saudi Arabia umetangaza kumalizika kwa operesheni ya anga dhidi ya wahouthi nchini Yemen, na kuingia katika mchakato wa kisiasa. Iran na Marekani zimesema uamuzi huo ni hatua nzuri.

Mashambulizi ya anga dhid ya wahouthi yamekuwa yakiendelea kwa wiki nne

Muungano huo umesema umefikia uamuzi wa kusimamisha mashambulizi hayo ya anga ambayo yamekuwa yakiendelea kwa wiki nne sasa, baada ya kutimiza malengo yake ya kijeshi, ya kuondoa kitisho cha usalama wa Saudi Arabia na nchi nyingine majirani.
Umesema sasa unageukia mchakato wa kisiasa kujaribu kuusuluhisha mgogoro wa Yemen, na kuongeza kuwa uwezekano wa kuanza upya kwa mashambulizi hayo unaachwa wazi, ikiwa hali italazimu hivyo. Vile vile, kulingana na tangazo la muungano huo unaoongozwa na Saudi Arabia, mzingiri wa bahari na anga utaendelea dhidi ya Yemen, ambayo iko katika eneo la kimkakati katika Mashariki ya Kati.
Msemaji wa jeshi la Saudi Arabia Brigedia Jenerali Ahmed Asiri amesema uamuzi huo umefuatia ombi la rais wa Yemen. Abd-Rabo Mansour Hadi aliyeko ukimbizini nchini Saudi Arabia.

Msemaji wa jeshi la Saudi Arabia, Brigedia Jenerali Ahmed Asiri

Amesema, ''Leo uongozi wa muungano umeamua kusimamisha operesheni ''Dhoruba Kabambe'' kufuatia maombi ya rais wa Yemen, ambaye anaamini malengo makuu ya operesheni hiyo yametimia, kitisho kwa watu wa Yemen kimeondolewa, na waasi wa kihouthi wamepoteza uwezo wa kuwatisha watu wa Yemen na jirani zao. Serikali ya Yemen itachukua hatua kuwarejeshea matumaini watu wa nchi hiyo''.
Bado wahouthi wanashika hatamu
Hata hivyo licha ya madai hayo ya mafanikio, waasi wa kihouthi bado wanaudhibiti mjini mkuu wa Yemen, Sanaa, na rais Abd-Rabo Mansour Hadi bado yuko ukimbizini nchini Saudi Arabia. Hali kadhalika mapambano makali yanaendelea katika mji wa bandari wa Aden.
Iran, taifa la kishia ambalo linashutumiwa kuwaunga mkono wahouthi, imeukaribisha uamuzi huo wa kusitisha mashambulizi, ikisema ni hatua nzuri inayofungua mlango kwa njia za kisiasa kuusuluhisha mzozo wa Yemen.
Waziri wa mambo ya nje wa Iran Mohammad Javad Zarif amesema hatua hiyo haina budi kufuatiwa na msaada wa kibinadamu na mjadala miongoni mwa wayemen na serikali yenye kushirikisha makundi yetu. ''Tuko tayari kusaidia'', amesema waziri huyo kupitia ukurasa wake wa mtandao wa Twitter.
Marekani yapeleka meli za kivita

Marekani yajizatiti kuweza kuizuia Iran kupeleka silaha Yemen

Marekani pia imesema imelipokea vyema tangazo hilo la kusimamisha mashambulizi dhidi ya wahouthi, na kutoa rai ya kufanyika haraka mazungumzo ili kuepusha mvutano baina ya mataifa yenye ushawishi katika ukanda huo.
Hata hivyo Marekani imetuma meli yake ya kubeba ndege za kivita USS Theodore Roosevelt, ikisindikizwa na nyingine ya kubeba makombora USS Normandy, kukiwa na ripoti kwamba msafara wa meli tisa za Iran zimeng'oa nanga na kuanza safari baharini.
Msemaji wa wizara ya ulinzi ya Marekani Kanali Steven Warren amesema meli za Marekani zilikuwa zikijiandaa kuuzuia msafara huo wa Iran, ikiwa utakuwa umebeba silaha.
Waasi wa kihouthi wameitisha maandamano makubwa mjini Sanaa leo, kuadhimishwa kusitishwa kwa mashambulizi ya Saudi Arabia na washirka wake.
Mwandishi: Daniel Gakuba/afpe/rtre
Mhariri: Grace Patricia Kabogo

Watu 10 Wafariki Dunia Baada ya Basi la kampuni ya Unique Kugongana na lori la Coca Cola

Habari zilizotufikia zinaarifu kuwa basi la Unique lenye namba za usajili T148 BKK likitokea jijini Mwanza kwenda Tabora limegongana uso kwa uso na lori la kampuni la Cocacola katika kijiji cha Ibingo kata ya Samuye Shinyanga.

Watu 10 wamefariki na 50 wamejeruhiwa.Majeruhi wamekimbizwa katika hospitali ya mkoa wa Shinyanga.

RAIS WA ZAMANI WA MISRI AHUKUMIWA MIAKA 20

Rais wa zamani wa Misri Mohamed Morsi amehukumiwa kifungo cha miaka 20 jela kwa makosa ya kusababisha kuuliwa waandamanaji mwaka 2012.

Rais wa Zamani wa Misri Mohamed Morsi

Korti ya makosa ya jinai mjini Cairo imetoa hukmu hiyo wakati Morsi na watuhumiwa wengine katika kesi hiyo-wengi wao wakiwa viongozi wa chama cha Udugu wa kiislam-wakisimama ndani ya tundu la vigae ndani ya ukumbi wa mahakama katika chuo cha mafunzo ya polisi mjini Cairo.
Kesi yao inahusu matumizi ya nguvu yaliyotokea nje ya kasri la rais mwezi Desemba mwaka 2012. Wafuasi wa Morsi waliwashambulia waandamanaji wa upande wa upinzani na kusababisha machafuko yaliyopelekea watu wasiopungua 10 kuuawa.
Jaji Ahmed Youssouf ameachilia mbali madai ya kuchochea mauaji ya waandamanaji wawili na mwandishi habari mmoja machafuko hayo yalipolipuka mbele ya kasri la rais-madai ambayo wadadisi wengi walikuwa wakifikiriaa yangepeleka Morsi kuhukumiwa adhabu ya kifo.

ZUMA ATEMBELEA WAATHIRIKA WA GHASIA (XENOPHOBIA)

Rais Jacob Zuma wa Afrika kusini amewaomba raia wa kigeni kubakia nchini humo wakati wakati akikatisha ziara yake ya kiserikali nchini Indonesia kushughulikia wimbi hilo la chuki dhidi ya wageni.

Rais Jacob Zuma wa Afrika kusini

Wiki tatu za ghasia zinazoongezeka dhidi ya wageni nchini Afrika kusini zimesababisha kiasi watu sita kuuwawa na kuwalazimisha wahamiaji 5,000 kutafuta hifadhi katika makambi ya muda.
Machafuko hayo , ambayo yameanzia katika mji wa mashariki wa bandari wa Durban kabla ya kusambaa katika maeneo mengine ya nchi hiyo, yanabeba ghasia za hisia za chuki dhidi ya wageni ambazo ziliikumba Afrika kusini mwaka 2008 wakati watu 62 walipouawa.

Raia wa Afrika kusini akishikilia bango linalosema "tupinge chuki dhidi ya wageni".

FASHISTI ALIYEHUSIKA NA MAUAJI YA WAYAHUDI KIZIMBANI NA AOMBA RADHI

Aliyekuwa afisa katika jeshi la mafashisti Oskar Gröning amefikishwa mahakamani kujibu mashtaka ya kuhusika na maangamizi ya wayahudi na wafungwa wengine kwenye kambi ya Auschwitz wakati wa vita vikuu vya pili ya Dunia.

Aliyekuwa mlinzi kwenye kambi ya Auschwitz Oskar Gröning

Oskar Gröning aliomba radhi kwa kuhusika na mauaji yaliyofanywa kwenye kambi ya mateso ya Auschwitz iliyojengwa na mafashisti ili kuwaangamiza wayahudi na wafungwa wengine.
Mshtakiwa huyo amesema hakuna shaka kwamba anawajibika kimaadili. Mtu huyo mwenye umri wa miaka 93 anayejulikana zaidi kama mweka mahesabu wa kambi ya Auschwitz alikiri leo mahakamani kwamba alijua juu ya wayahudi walioangamizwa kwa gesi ya sumu katika kambi hiyo na aliomba radhi. Amesema aliona kila kitu. Pia alielezea jinsi mlinzi mmoja wa mafashisti alivyomuua mtoto mchanga kwenye njia ya reli.

BAYERN YAZINDUKA, YAICHAPA FC PORTO 6-1, YASONGA KWA BAO 7-4

KAMA ULIFIKIRI BAYERN MUNICH WAMETOKA BAADA YA KIPIGO CHA MABAO 3-1 UGENINI URENO, BASI ILIJIDANGANYA. LEO WAMEITANGA FC PORTO KWA MABAO 6-1 NA KUFUZU HATUA YA NUSU FAINALI YA LIGI YA MABINGWA ULAYA.
KATIKA MECHI HIYO YA MARUDIANO YA ROBO FAINALI TA LIGI YA MABINGWA ULAYA ILIYOPIGWA JIJINI MUNICH, WENYEJI HAO WALIPATA MABAO YAO KUPITIA KWA THIAGO ALCANTARA, ROBERT LEWANDOWSKI ALIYEFUNGA MAWILI, THOMAS MULLER, JEROME BOATENG NA XABI ALONSO WAKATI WAGENI WALIPATA BAO PEKEE KUTOKA KWA MARTNEZ.
MAANA YAKE MUNICH WAMEFUZU KWA JUMLA YA MABAO 7-4 DHIDI YA WARENO HAO. 

YANGA WALIPOITANDIKA STAND UNITED GOLI 3 KWA 2

 Mshambuliaji waYanga, Amis Tambwe akichuana na beki wa Stand United, Peter Mutabuzi katika mchezo wa Ligi Kuu ya Soka Tanzania Bara uliofanyika kwenye Uwanja wa Taifa jijini Dar es Salaam. Yanga imeshinda 3-2. 

 Amis Tambwe akichuana na beki wa Stand United, Peter Mutabuzi.

SASA NI ‘TOKOMEZA MBATIA’ BAADA YA ‘DELETE MREMA VUNJO’

Aliyekuwa Mwenyekiti wa NCCR-Mageuzi Kata ya Makuyuni, Badi Mandali akizungumza mara baada ya kukabidhiwa kadi ya uanachama wa Tanzania Labour Party (TLP) katika mkutano wa hadhara uliofanyika katika viwanja vya Kata ya Makuyuni, Himo mkoani Kilimanjaro, juzi. Wa pili kulia ni Mwenyekiti wa chama hicho, Augustine Mrema na mkewe Rose Mrema.

Jacob Zuma aahirisha ziara ya Indonesia

Waandamanaji Afrika Kusini

Rais wa Afrika kusini Jacob Zuma ameahirisha ziara yake ya ughaibuni kutokana na hali ya ghasia za kibaguzi dhidi ya wageni katika taifa lake.

Alitarajiwa kuhudhuria mkutano nchini Indonesia. Rais Zuma ambaye amekosolewa kwa kushindwa kuonyesha uongozi anatarajiwa kuitembelea kambi ya wakimbizi ya Chatsworth mjini Durban.
Polisi nchini Afrika Kusini wamewaagiza raia kutotuma ujumbe usiothibitishwa kuhusu mashambulizi dhidi ya raia wa kigeni kwa sababu hatua hiyo inazua hofu.
Polisi wamesema kuwa kuna wasiwasi kuwa uvumi huo unachochea ghasia dhidi ya wahamiaji.

 

Maafisa wa polisi wakikabiliana na waandamanaji Afrika Kusini

Watu 30 walikamatwa wakati wa ghasia za usiku kucha mjini Johannesburg.
Biashara kadha zinazomilikiwa na raia wa kigeni ziliharibiwa.
Takriban watu watano wameuawa kwenye mashambulizi yaliyoanza baada mfalme wa kizulu Goodwill Zwelethini kusema kuwa wageni wanahitajka kuondoka Afrika Kusini

ARSENAL YATINGA FAINALI FA CUP KWA KUITUNGUA READING 2-1

Arsenal imeamsha matumaini ya kubeba tena Kombe la FA baada ya kufanikiwa kutinga fainali.

Imetinga fainali baada ya kuichapa Reading kwa mabao 2-1, yote mawili yakifungwa na Alexis Sanchez. Hata hivyo haikuwa kazi lahisi kwa kuwa Arsenal ililazimika kusubiri hadi dakika 30 za nyongeza kupata ushindi huo.

Mwili wa Al Douri kufanyiwa uchunguzi

Izzat Ibrahim A Douri enzi za uhai wake

Uchunguzi wa chembechembe za DNA unatarajiwa kufanyiwa kile maafisa nchini Iraq wanasema kuwa ni mwili wa Izzat Ibrahim al Douri ambaye ni mwanachama wa mwisho wa uliokuwa utawala wa Saddam Hussein ambaye amekuwa akitafutwa.

Maafisa wa jeshi wanasema kuwa aliuawa na vikosi vya serikali wakati msafara wake uliposhambuliwa karibu na mji wa Tikrit
Bwana al Douri anaaminika kuchangia pakubwa katika ukuaji wa kundi la Islamic State nchini Iraq.
Aliyekuwa msemaji wa chama cha Baath ambacho kilikuwa chama chake al - Douri alikana kuuawa kwake

Kwanini wanaume wanajitoa uhai ?

 

Utafiti umeonesha kuwa wanaume wenye umri kati ya 40-50 wamo katika hatari kubwa ya kujinyonga

Wanaume wengi wenye umri kati ya miaka arobaini na 50 wamo katika hatari kubwa ya kujiua kuliko wanawake.

Kijana mmoja kutoka Uingereza ,Simon Jack alifanya utafiti huo baada ya baba yake kujiua katika siku yake ya kuzaliwa miaka 25 iliyopita akiwa na umri wa miaka 44.
Jack anasema alianza kuwa mdadisi kwa simulizi zote au habari kuhusu watu wanaojiua na amegundua kuwa wote ni wanaume.

HALI BADO TETE AFRIKA KUSINI

Jamaa huyu akiwa na bisu lake anangojea kushambulia raia wa kigeni

MENGI AHOFIA MAISHA YAKE

Akizungumza na waandishi wa habari leo, Dr Mengi amesema ameshtushwa na taarifa zinazomshutumu kuiangusha serikali ya Rais Kikwete.

Habari hizo zilichapishwa na gazeti la 'TAIFA IMARA' likieleza mipango ya Mengi kumwadabisha Rais JK hata baada ya kumaliza muda wake.

Mengi amesema Rais alipewa taarifa hizo na Zitto Kabwe (kwa mujibu wa gazeti hilo) na anashangaa kuona mpaka sasa Kurugenzi ya mawasiliano ikulu haijakanusha.

Mengi ameendelea kusema kuwa Rais ni Amiri Jeshi Mkuu wa Majeshi yote kwa hiyo kutokanushwa kwa tuhuma hizo kunampa hofu ya maisha yake kwa sasa.

Chanzo: ITV habari!

HATUSOGEZI UCHAGUZI MKUU MBELE : NEC

Tume ya taifa ya uchaguzi NEC imesema haina mpango wa kusogeza mbele uchaguzi mkuu wa rais na wabunge kutokana na uwezekano wa kutokamilika kwa daftari la kudumu la wapiga kura. Mwenyekiti wa tume hiyo Jaji mstaafu Damian Lubuva amesema hayo jijini Dar es Salaam ambapo amesema Tume imepokea mashine za BVR 248 na kufanya jumla ya mashine hizo kufikia 498 na kuongeza kuwa muda mfupi ujao watapokea nyingine 1600 zinazowasili kwa ndege ya kukodi kutoka Dubai.

HALI YAZIDI KUWA MBAYA AFRIKA KUSINI,WAGENI NAO WASHIKA PANGA!!

Mama huyu raia wa kigeni akilia baada ya kurushiwa mawe na wenyezi wa Afrika Kusini katika ghasia za kupinga wahamiaji zinazoendelea nchini humo

Polisi wakifanya doria kudhibiti fujo za kupiga wahamiaji

BREAKING NEWS: WATU 19 WAFUNIKWA NA KIFUSI SHINYANGA!

BREAKING NEWS: POLISI WAZINGIRA NYUMBA YA ASKOFU GWAJIMA

Jeshi la polisi likiwa na silaha za moto limezingira nyumba ya kiongozi wa kanisa la ufufuo na uzima Askofu Gwajima lilipo Salasala, jijini Dar es Salaam.

Sababu haijajulikana ni nini ila tutakujuza ikishaeleweka

UJERUMANI YAFANYA IBADA KUWAKUMBUKA WALIOKUFA AJALI YA GERMANWINGS

Ujerumani inafanya ibada maalum kuomboleza vifo vya watu 150 waliopoteza maisha yao katika ajali ya ndege ya Germanwings inayoaminika kuangushwa kwa makusudi na msaidizi wa rubani katika milima ya Ufaransa mwezi uliopita

Bendera zitapeperushwa nusu mlingoti kote nchini Ujerumani hii leo huku viongozi wa kisiasa na kidini wakijumuika na mamia ya jamaa za waathiriwa leo mchana kwa ibada ya makumbusho ya wafu itakayofanyika katika kanisa kuu la Cologne.

AJALI YA HIACE YAUA 24 KIWIRA MBEYA!

Ajali ya Hiace imeua watu 24 eneo la Uwanja wa ndege Kiwila Wilayani Rungwe Mkoani Mbeya. 

Wadau katika eneo la tukio, mpaka sasa miili 22 imefanikiwa kutolewa. Kwani Hiace hii ilidumbukia mtoni na bado miili miwili imenaswa, ndio inatolewa muda huu. Watu wawili tu ndio wamepona akiwemo kondakta. Ajali hii imetokea wakati Coaster zinazofanya safari zake kati ya Mbeya na Kyela zikiwa kwenye mgomo hivyo baadhi ya hiace za mjini kuamua kubeba abiria. Inaonekana ni ugeni wa barabara, speed na gari kukosa breki za kuaminika.

Miili ya waliokufa ikingojea kupelekwa mochwari

Gari lililobeba Maiti likishusha Miili kuipeleka Chumba cha kuhifadhia Maiti.